Waziri Mkuu Mh. Kassim Majaliwa kuanza ziara Mkoani Ruvuma

[singidadodoma]

Waziri Mkuu Kassim Majaliwa (Pichani) anatarajia kuanza ziara ya kikazi ya siku nne mkoani Ruvuma, ambapo atawasili mkoani hapo leo saa tisa alasiri.

Baada ya Waziri Mkuu kuwasili Uwanja wa Ndege wa Songea, atapokelewa na viongozi wa Chama na Serikali, pia atakwenda Ikulu kupokea taarifa ya maendeleo ya mkoa wa Ruvuma.

Aidha, siku ya jumatatu atakuwa na shughuli za kufungua tawi la Benki ya Posta mjini Songea, kukagua maghala ya Wakala wa Taifa wa Hifadhi ya chakula (NFRA) kanda ya Songea na kukagua makao makuu ya Halmashauri ya Wilaya ya Songea.

Siku inafuata atatembelea na kukagua Hospitali ya Rufaa ya mkoa, na baadaye kuzungumza na watumishi wa hospitali hiyo.

Siku ya nne ya ziara yaani jumatano, Waziri Mkuu atafanya majumuisho ya ziara mkoani humo, kabla ya kuagana na viongozi wa Chama na Serikali na kurejea Dar es
Salaam.

mjengwablog

 

[marejesho]

Kazi imeanza rasmi. ..

 

[Genghis Khans]

Waziri Mkuu Kassim Majaliwa angekuwa daktari tungemuita " SURGEON" kwa sababu anajuwa kuyatumbua utamu majipu.
Ruvuma chomeni sindano za ngazi keshafika.

 

[Gilbert A Massawe]

Duh ngoja nimpigie simu mjomba asije akadoji job

 

[nkongu ndasu]

je wilaya za mbinga na nyasa haendi? maana ufisadi ni mwingi sana katika wilaya hizo. kuna miradi ya maji kwa vijiji vya ukuli na kingerikiti kwa wilaya ya nyasa ni mradi unaofadhiliwa na benki ya dunia umegharimu zaidi ya nusu bilioni lakini mpaka leo maji hakuna na pesa imeisha. pia kuna mradi wa vijiji vya kihongo na mkinga kwa wilaya ya mbinga pia unafadhiliwa na benki ya dunia ni wa milioni 600 maji ni ya kusuasua. ingependeza sana kama majaliwa akatembelea miradi hiyo na kushuhudia hali halisi. akirudia songea nitaamini naye ni walewale zaidi ni maigizo...