Watunga Sera Waongo na waovu!

[LENGEJU BOB]

[h=6]Wanakitukuza kiswahili majukwaani,
Wanakipigia chapuo vikaoni,
Wakitumia siasani, kura wanapata,
Watatunga sera na Kanuni,
Kiswahili Lugha ya Taifa.

Wanalazimisha mfumo, kifundiswe toka chekecheani,
Nachingwea, Biharamlo, Nyandira, Ngarenanyiki, Malangali,
shule za kata zote Kiswahili!
Halafu watoto wao wanawapeleka “English Medium”…………………………………..

Ni waongo, wahuni,
wanatuhadaa, wanahujumu utu wetu
Wanachakachua Uhai wetu!
Wanajali wale walio kwao kuliko hawa wa huku kwetu.

Wanafikiri, wanawazia matumbo yao,
Hawajengi Tanzania, bali familia na koo zao,
Kila mdosi ana jina lao,
Wanarithishana vyeo vyao, utajiri wao, uharamia na ufisadi wao..

Ole wao, Ole wao….
Zinakuja siku zao,
Watalia kwa matumbo yao
Watasahau na Majina yao…………. [/h]