Mwanahabari Huru
JF-Expert Member
- Mar 9, 2015
- 14,243
- 34,903
Taasisi ya Kuzuia na Kupambana na Rushwa (Takukuru) imeanzisha uchunguzi wa kashfa ya uuzaji wa gari la Jumuiya ya Wazazi ya CCM Mkoa Kilimanjaro baada ya mauzo kudaiwa kugubikwa na utata.
Kamanda wa Takukuru Mkoa Kilimanjaro, Alex Kuhanda alisema jana kuwa wanaendelea na uchunguzi wa suala hilo.
“Ni kweli kabisa hilo suala tunalo na uchunguzi unaendelea lakini ukiniuliza nini hasa tunachunguza, hilo utanisamehe kwa vile sheria hainiruhusu kutoa taarifa za uchunguzi unaoendelea,” alisema Kuhanda.
Habari zilizolifikia gazeti hili zilisema tayari vigogo watatu wa jumuiya hiyo wameitwa na kuhojiwa.
Vyanzo vya habari vilidai kuwa gari hilo aina ya Toyota Hiace lilinunuliwa kwa thamani ya Sh19 milioni na baadaye kuuzwa kwa Sh10 milioni, lakini fedha zilizoingia kwenye akaunti ya jumuiya hiyo ni Sh7 milioni tu.
Katibu mpya wa jumuiya hiyo, Khatibu Mnuwa alikiri kulikuta jambo hilo mezani na kuomba apewe muda ili aweze kukutana na mwenyekiti wake kujua kilichotokea.
Mnuwa alidai kuwa hajafurahishwa na hatua ya Takukuru kuwaita na kuwahoji wafanyakazi walio chini yake bila kumshirikisha ilhali wanawajibika kwake.
Alisema mwenyekiti wake yuko visiwani Zanzibar katika uchaguzi wa marudio unaotarajiwa kufanyika Machi 20.
Akijibu madai ya katibu huyo ya wafanyakazi wake kuitwa Takukuru bila kushirikishwa, Kuhanda alisema taasisi yake ni ya uchunguzi wa jinai hivyo inayo mamlaka ya kumuita yeyote na wakati wowote kwa ajili ya kuhojiwa.
Chanzo cha habari kilidai kuwa mmoja wa viongozi wa jumuiya hiyo, juzi aliitwa Takukuru na kuhojiwa kwa saa tatu kuhusiana na uuzaji huo unaodaiwa haukupata idhini ya Baraza la Wadhamini wa CCM kwa mujibu wa Katiba.
Kifungu cha 130(5) cha Katiba ya CCM ya mwaka 1977 kinasema mali yoyote inayoondosheka na isiyoondosheka itakuwa mikononi mwa Baraza la Wadhamini lenye mamlaka ya kusaini mikataba ya mali za CCM.
Chanzo: Mwananchi
Kamanda wa Takukuru Mkoa Kilimanjaro, Alex Kuhanda alisema jana kuwa wanaendelea na uchunguzi wa suala hilo.
“Ni kweli kabisa hilo suala tunalo na uchunguzi unaendelea lakini ukiniuliza nini hasa tunachunguza, hilo utanisamehe kwa vile sheria hainiruhusu kutoa taarifa za uchunguzi unaoendelea,” alisema Kuhanda.
Habari zilizolifikia gazeti hili zilisema tayari vigogo watatu wa jumuiya hiyo wameitwa na kuhojiwa.
Vyanzo vya habari vilidai kuwa gari hilo aina ya Toyota Hiace lilinunuliwa kwa thamani ya Sh19 milioni na baadaye kuuzwa kwa Sh10 milioni, lakini fedha zilizoingia kwenye akaunti ya jumuiya hiyo ni Sh7 milioni tu.
Katibu mpya wa jumuiya hiyo, Khatibu Mnuwa alikiri kulikuta jambo hilo mezani na kuomba apewe muda ili aweze kukutana na mwenyekiti wake kujua kilichotokea.
Mnuwa alidai kuwa hajafurahishwa na hatua ya Takukuru kuwaita na kuwahoji wafanyakazi walio chini yake bila kumshirikisha ilhali wanawajibika kwake.
Alisema mwenyekiti wake yuko visiwani Zanzibar katika uchaguzi wa marudio unaotarajiwa kufanyika Machi 20.
Akijibu madai ya katibu huyo ya wafanyakazi wake kuitwa Takukuru bila kushirikishwa, Kuhanda alisema taasisi yake ni ya uchunguzi wa jinai hivyo inayo mamlaka ya kumuita yeyote na wakati wowote kwa ajili ya kuhojiwa.
Chanzo cha habari kilidai kuwa mmoja wa viongozi wa jumuiya hiyo, juzi aliitwa Takukuru na kuhojiwa kwa saa tatu kuhusiana na uuzaji huo unaodaiwa haukupata idhini ya Baraza la Wadhamini wa CCM kwa mujibu wa Katiba.
Kifungu cha 130(5) cha Katiba ya CCM ya mwaka 1977 kinasema mali yoyote inayoondosheka na isiyoondosheka itakuwa mikononi mwa Baraza la Wadhamini lenye mamlaka ya kusaini mikataba ya mali za CCM.
Chanzo: Mwananchi
