UVCCM: Wafuasi, wasaliti au wasanii?

[Alfu Lela Ulela]

Kwa siku za karibuni Umoja wa vijana wa CCM (UVCCM), umekuwa ukitoa kauli zenye utata kati ya viongozi wake. Baada ya kikao cha Bagamoyo, wakaibuka wengine Tabora na kauli tofauti. Mara akaibuka Beno Malisa na kauli zake tata. muda si muda wakaibuka UVCCM Kilimanjaro na kauli zilizozidi kuwachanganya wanachama wake na kuonekana kweli zinakigawa chama.

Lakini zipo tetesi kuwa kinachoendeleas UVCCM SI UHALISIA bali vijana wanafanya MAZINGAOMBWE. Kwa maana kuwa ni mkakati maalumu wa kuwachanganya wananchi ili waache kucocentrate kwenye mambo ya msingi na kubaki kushabikia ugomvi "wa kupikwa" ndani ya UVCCM.

Je, ni kweli UVCCM wanatumiwa, je ni wasaliti wa chama chao, au ni wasanii tu? wanaJF mnasemaje?

 

[WildCard]

Kutokuwepo kwa JKT kutaathiri utendaji makini wa taasisi nyingi za umma na jamii. UVCCM sasa hivi inaongozwa na vijana wa kuokota mitaani tu.

 

[ndutu]

Brother JKT pekee haisaidii na wala maadili hayakuwa yanajengwa JKT. Kule tulifundishwa ukakamavu na uwezo wa kupambana na mazingira lakini somo la uzalendo lingekuwepo hawa mafisadi wa leo wasingekuwepo maana nao walipita huko huko.

Suala lililo wazi hapa ni kwamba uzalendo unakosekana na sasa ni wakati wa kukuna kichwa nini kifanyike kurejesha uzalendo na woga kwa mali za umma. Linalonijia akilini kwa haraka haraka ni kuhakikisha kwamba wale waliohusika na wanajulikana wawe mfano kwa wengine wa namna sheria inavyoweza kumbabua mtu. Kwa kufanya hivyo hata hawa mafisadi chipukizi watajiuliza mara mbili mbili kama waendelee kurithi hiyo mikoba au la. Kwa hakika UVCCM wamechanganyikiwa na kilicho bayana ni kutumiwa kwao, tena na watu wawili watatu ambao ni sumu kwa taifa hili.