Ushuhuda wa Rwanda: Nilishuhudia Mauaji ya ndugu zangu

[Determinantor]

WanaJF, kisa hiki huenda kikawa kirefu na cha kuumiza sana ila sina budi nikihadithie, nilihadithiwa na Boss wangu ambaye yeye ndie haswa mwenye story hii, nitaisimulia tupate nasi cha kujifunza toka kwao, ninaandika kwa ridhaa yake. Asilimia 90% ni maneno yake mwenyewe.

Yeye (huyu Mama) allishi Burundi na familia yake, akiwa ameolewa na mrundi mwenzie, ni familia iliyokuwa tajiri kiasi na hivyo waliweza kuwekeza kiasi nchini Burundi wakifanya biashara ya kuuza vipuri vya magari kwenye maduka ya Kaka yake. Baada ya machafuko kuanza alipata wasi wasi sana wa usalama wa wazazi wake na ndugu zake wengine waliokuwa wakiishi nyumbani kwao Rwanda, kwahio akaamua kurudi Rwanda kwenda kujua usalama wao, alikwenda hadi kijijini kwao kwa ujasiri mkubwa na ujue muda huo ndio mapigano yalikua yametulia kidogo ila si kwamba yalikua yamekwisha.

Alifanikiwa kukutana na Binti mmoja tu na watoto wadogo wa Kaka yake (nitaeleza baadae kuhusu kaka yake), huyu Binti ndio alimueleza mkasa mzima jinsi wazazi wake walivyuwawa, anasema usiku mmoja walikamatwa na hao wauwaji wao, baada ya kuvamia Kanisa walilokuwa wamejihifadhi wakiamini kuwa wasingefika na kuwafanyia ule unyama! Anasema kuwa Mama yao (yaani Mama wa huyu Boss wangu) aliwasihi wauwaji wale wasiwaue au basi at least wawaache wale watoto,lakini baada ya muda yule mama aliwaomba aende nje kujisaidia na inasadikika kuwa ndio ulikua mwisho wake, kwani hakurejea tena ndani; baada ya muda kidogo kupita watu wote waliamriwa walale chini na hapo ndipo mauwaji ya kutisha yalipotokea. Wakiwa wamewekwa chini ya ulinzi kabla ya mauaji kuanza, Bibi Huyu binti alifanikiwa kukimbia na kwenda kujificha kwenye shamba la mahindi lililokuwa jirani na kanisa hilo, huku akisikiliza na vilio na majonzi makubwa yakiendelea ndani ya kanisa lile. Asubuhi ya siku iliyofuata aliokolewa na kupelekwa uhamishoni Uganda hali akiwa bado ni binti mdogo. Hivyo ndivyo Boss wangu alivyowapoteza wazazi na watoto wa kaka yake kwa pamoja katika tukio la mara moja.

Mama huyu (Boss) alifanikiwa kufika hadi Kanisani hapo na kukuta madimbwi makubwa sana ya damu ambayo kwa juu ilionekana kuwa imeshakauka lakini ukikanyaga mguu uliweza kuingia damu, yaani ile ya chini haikuganda, hakuwahi kuwaona wazazi wake tena, alifanikiwa kufika nyumbani kwao huko nako alikuta maafa ya kutisha na uharibifu usioelezeka. alianza harakati za kuwasiliana na vyombo husika kujua kama kuna survivor wao yeyote na baada ya muda mrefu kupita ndipo alipounganishwa na binti yule akiwa nje ya nchi.

Anaendelea kusema kuwa, kipindi hicho cha mauwaji kaka yake alitorokea kwa Mashemeji zake akiamini kwa kua amemuoa dada yao na ana watoto nae basi asingedhuriwa. kwa bahati mbaya sana ilikua kama vile ndio amefuata kifo chake kwake aliuwawa kwa mapanga mbele ya mke wake akishuhudia. Watu hao walichukua kila kitu na hawakuacha uhai wa mtu yeyote.

Ilibidi Mama huyu ajiunge na Rescue Team ili kukusanya mizoga ya watu, alifanya kazi hio huku akiendelea kuamini kuwa angeiona at least miili ya ndugu zake, kwa bahati mbaya sana sana hakuna aliekuwa amebaki Zaidi ya binti niliekwisha kumtaja hapo juu.

Nilimmuliza swali kama anawajua wauwaji wa ndugu zake, kwa kweli alitabasamu na kuniambia kuwa alielewa swali langu lililenga nini, kwamba kama anawafahamu kwanini asingelipiza kisasi!! Nikajaribu kubisha lakini huo ndio ulikua ukweli, akatulia na kuniambia Elli mwanangu kisasi hakitarudisha maisha yaliyopotea, ni kweli ninawafahamu waliowaua ndugu zangu, wapo tena wengine ni shemeji zetu. kuliundwa Baraza la kuombana msamaha, kwahio walikiri kuwa waliwaua ndugu zetu lakini kwa sasa haisaidii kitu, tunawaombea ili tusirudi tena kwenye dimbwi lile la kuzimu.

Story hii nimeifupisha maana alichukua Zaidi ya 45dk kunisimulia, ilikua mwaka 2014 April wakati wa Kumbukumbu ya Mauwaji ya Rwanda.

FUNZO; Chokochoko za udini, ukabila na matabaka huweza kuleta majeraha yasiyopona daima kwa mtenda na kwa mtendewa. tujieoushe na lugha zenye kuudhi kuanzia kwenye familia zetu hadi Taifa. MUNGU atubariki

Kama utapenda kupata picha kamili ya kilichotokea Rwanda waweza kufuata Link hizi hapa chini

Sometimes in April full movie - YouTube

 

[Jimmywatanzania]

Ukabila na udini huleta machafuko mazito mno

 

[Determinantor]

Ukabila na udini huleta machafuko mazito mno

Huwa nikiangalia Sometimes in April na Hotel Rwanda nakosa ujasiri kabisa kabisa aiseee

 

[Nampurukano]

Kinacho leta machafuko mazito ni dhuluma juu ya haki. Ukabila na udini ni visingizio tu

 

[agapito]

Ni tukio baya sana..Mungu atunusuru.

 

[Lusungo]

Ikifika hatua watu wakisema baas ujue hawataogopa jela au risasi!! Machafuko duniani kote hutokea baada ya watu kuchora mstari na kujiapiza sasa basi!!!

Nchi nyingi za ulaya zimepitia mapinduzi makubwa na yakutisha lkn ndiyo yalileta heshima na demokrasia ya kweli ulaya.

Africa ili kuepukana na haya ni vema kuwekeza sana kwenye demokrasia kuzingatia usawa na haki za binadamu.

 

[BansenBurner]

Ubaguzi wa aina yoyote ile dhuluma dhidi ya haki ni sumu kali sana katika jamii" tuiepuke..

 

[Lusungo]

Huwa nikiangalia Sometimes in April na Hotel Rwanda nakosa ujasiri kabisa kabisa aiseee

Pole mpwa wangu.

 

[Determinantor]

Pole mpwa wangu.

duh asante Kaka

 

[Mauza uza]

Huwa nikiona watu wanabeza maombolezo ya mauaji ya kimbari ya Rwanda nasikitika sana maana nina watu wangu wa karibu wamepoteza karibu three quarter ya familia..inauma mno..ukabila na udini ni vitu vibaya sana!!

 

[runemo]

Siku zote ukiwa unaizurumu haki ya mtu,subiri siku moja kuja kuighalamia

 

[jMali]

1. sometimes in April ni filamu ya kubuni tu, feki, haina uhalisia wowote.
2. Hotel rwanda ndio filamu ambayo iko based on true story.

 

[DOMBWELA]

Ndugu yangu Elli ujumbe wako ni ujumbe unaotufundisha madhara yanayotokana na mambo mbalimbali i.e ukabila, udini, kukata tamaa, chuki, dhuruma n.k. Lakini katika maelezo yako kama unasema yana uhalisia unahitajika kufafanua zaidi ili watu wakuelewe, ila kama ulitaka kufikisha ujumbe huo tu inatosha. Mfano umesema, "(yeye huyu mama) aliishi Burundi na familia yake, akiwa ameolewa na mrundi mwenzie" lakini pia umeongeza " baada ya machafuko kuanza alipata wasiwasi sana wa usalama wa wazazi wake na ndugu zake wengine waliokuwa wakiishi nyumbani kwao Rwanda" lakini pia huyu mama unasema, "alikwenda hadi kijijini kwao kwa ujasili mkubwa" yaani Rwanda. Kwa ufupi unashindwa kuelewaka kuna wakati huyo mama unayesema alikusimulia anaonekana kama ni Mrundi na hapo hapo akionekana ni Mnyarwanda, hapo ndipo unapo nipa wasiwasi na simlizi yako. Ndg Elli issue ya Mauaji ya kimbali ya Rwanda watu kweli waliuana na walikufa isiyo kawaida ila mimi naamini kuna vitu bado havijawa wazi, maana ukikutana na wanyarwanda tofauti tofauti kila mmoja atakusimlia tofauti tofauti juu ya hayo mauaji yalivyofanyika na hata maandiko/makala tofauti tofauti bado yana tofautiana, kama kweli wewe nimfuatiliaji wa maswala ya kimataifa endelea kulifuatilia hilo utajifunza mengi juu mauaji hayo ya kimbali ya Rwanda.

 

[Chakaza]

Unahitaji upako mtakatifu pale unapokuwa umemshuhudia MTU akitekeleza mauaji ya ndugu zako na usilipe kisasi.
Mungu atuepushe na hill, maana kuna wengine watakushukia hadi panya hatabaki kwenu akijua wewe ni muhusika.

 

[zinj]

Mkuu Elli
Ni dhahiri Rwanda yalitokea mauaji ya kimbari hilo linajulikana. Tahadhari kubwa ni lazima ichukuliwe wakati inapo andikwa habari kama hii, kwa maana ya kwamba uwe na uhakika na kitu unacho kiandika (kisiwe na chembe ya kufikirika) ikizingatiwa kwamba makovu kwenye nyoyo za waathirika bado yapo na hayawezi kupona haraka.

Mkuu Dombwela ameeleweka vizuri, tahadhari kubwa inatakiwa na isiwepo chembe ya shaka juu ya kulielezea jambo hili.

Hivi habari kama hii inavyo letwa inakuwa na maudhui gani katika jamii?

Ni vyema ingewasilishwa kwa kuangalia muktadha wa chanzo cha tatizo na si dhana ya historia ya jinsi ilivyo tokea kwa hofu ya chachu/siki kudondoshwa kwenye jeraha bichi.

 

[Determinantor]

Huwa nikiona watu wanabeza maombolezo ya mauaji ya kimbari ya Rwanda nasikitika sana maana nina watu wangu wa karibu wamepoteza karibu three quarter ya familia..inauma mno..ukabila na udini ni vitu vibaya sana!!

Yeah ukikutana na mtu ambaye alikutana na haya madhila ndio utaelewa maana yake, waache wacheke tu ila MUNGU awasaidie yasiwakute

 

[Determinantor]

Mkuu Elli
Ni dhahiri Rwanda yalitokea mauaji ya kimbari hilo linajulikana. Tahadhari kubwa ni lazima ichukuliwe wakati inapo andikwa habari kama hii, kwa maana ya kwamba uwe na uhakika na kitu unacho kiandika (kisiwe na chembe ya kufikirika) ikizingatiwa kwamba makovu kwenye nyoyo za waathirika bado yapo na hayawezi kupona haraka.

Mkuu Dombwela ameeleweka vizuri, tahadhari kubwa inatakiwa na isiwepo chembe ya shaka juu ya kulielezea jambo hili.

Hivi habari kama hii inavyo letwa inakuwa na maudhui gani katika jamii?

Ni vyema ingewasilishwa kwa kuangalia muktadha wa chanzo cha tatizo na si dhana ya historia ya jinsi ilivyo tokea kwa hofu ya chachu/siki kudondoshwa kwenye jeraha bichi.

Asante Mpwa, kwa bahati mbaya Mpwa huwasiandiki habari za kubuni, ni zuri sana angalizo lako ila lengo la kushare story hii lipo mwisho kabisa wa narration yangu, na bahati nzuri mhusika yupo hata leo hii

 

[Determinantor]

Ndugu yangu Elli ujumbe wako ni ujumbe unaotufundisha madhara yanayotokana na mambo mbalimbali i.e ukabila, udini, kukata tamaa, chuki, dhuruma n.k. Lakini katika maelezo yako kama unasema yana uhalisia unahitajika kufafanua zaidi ili watu wakuelewe, ila kama ulitaka kufikisha ujumbe huo tu inatosha. Mfano umesema, "(yeye huyu mama) aliishi Burundi na familia yake, akiwa ameolewa na mrundi mwenzie" lakini pia umeongeza " baada ya machafuko kuanza alipata wasiwasi sana wa usalama wa wazazi wake na ndugu zake wengine waliokuwa wakiishi nyumbani kwao Rwanda" lakini pia huyu mama unasema, "alikwenda hadi kijijini kwao kwa ujasili mkubwa" yaani Rwanda. Kwa ufupi unashindwa kuelewaka kuna wakati huyo mama unayesema alikusimulia anaonekana kama ni Mrundi na hapo hapo akionekana ni Mnyarwanda, hapo ndipo unapo nipa wasiwasi na simlizi yako. Ndg Elli issue ya Mauaji ya kimbali ya Rwanda watu kweli waliuana na walikufa isiyo kawaida ila mimi naamini kuna vitu bado havijawa wazi, maana ukikutana na wanyarwanda tofauti tofauti kila mmoja atakusimlia tofauti tofauti juu ya hayo mauaji yalivyofanyika na hata maandiko/makala tofauti tofauti bado yana tofautiana, kama kweli wewe nimfuatiliaji wa maswala ya kimataifa endelea kulifuatilia hilo utajifunza mengi juu mauaji hayo ya kimbali ya Rwanda.

Amen, asante kwa angalizo lako zuri, huenda nisiwe mismulizi mzuri sana, nilimaanisha kwamba huyu Mama (niki-refer Boss wangu) kuwa familia yake iliishi nje ya Rwanda kwa kipindi kirefu, sawa sawa na watanzania wengine wanaoweza kuishi Rwanda, Burundi, USA, Malawi, Ulaya na kwingineko lakini bado wakawa na wazazi na ndugu zao hapa hapa Tanzania. Sikulenga kutonesha makovu kwa namna yoyote ila ni story ambayo ilinifanya nimuone yule Mama kama mtu mwenye ujasiri ulioptiliza maana ni kama yeye aliamua kwenda Frontline alone akiicha familia na Mume wake Burundi.

Mpwa naamini nimepunguza utata uliojitokeza, asante kwa angalizo zuri

 

[Mauza uza]

Yeah ukikutana na mtu ambaye alikutana na haya madhila ndio utaelewa maana yake, waache wacheke tu ila MUNGU awasaidie yasiwakute

Wee acha tu ndugu yangu, kama hivi sasa toka majuzi hamna amani hapa nilipo, mtu wangu akikumbuka hayo mauaji ya baba,mama na ndugu wote kwenye familia inauma sana , mpaka leo bado ni simanzi..Ni kweli Mungu awasaidie tu wanaobeza hawajui hio kitu ilivyokua na yasije wakuta hayo.

 

[Diva Beyonce]

Ukabila udini huanza kidogo dogo hatimaye humea na kukua na madhara yake huwa makubwa sana . Mungu tuepushie watanzania mana siasa zimeanza kujenga chuki za kikabila na kidini tusifikie huko viongozi na wote tuendeleze umoja ubaguzi haufai