Idd Ninga
JF-Expert Member
- Nov 18, 2012
- 5,136
- 4,298
NGOMA YAANZA KUDUNDA
Alisema hii ngoma, hii ngoma ya zamani
Ngoma isiyo na noma, akatupa tumaini
Ngoma ya watoto jama, wakubwa mcheze nini
Ngoma yaanza kudunda, manju huyo kajificha.
Wajanja waliisoma, hii ngoma ya Uswini
Ngoma hii siyo kama, inadundia hewani
Wale waloitazama, walisema ni makini
Ngoma yaanza kudunda, manju anakula nduki
Wakanena tutakoma, haidundi sikioni
Kuiona hii ngoma, inadundia puani
Ili tutoke salama, tukimbie kilingeni
Ngoma yaanza kudunda, manju kaziba sikio.
Kwani manju akisema, wazee waseme nini
Akianza kunguruma, utadhani unazini
Kweli tumerudi nyuma, leo tupo Jerumani
Ngoma yaanza kudunda, balaa ni kijijini.
Wa Bantu atawatuma, ukisema hadharani
Waje wakupige vyuma, wakuchukue nyumbani
Nyoka sumu akitema, ajabu hajulikani
Ngoma yaanza kudunda, na manju hana habari.
Mkaidi hana jema, walisema majirani
Hii ngoma inauma, ikipigwa uwanjani
Mkigeuka makima, hatutazami usoni
Ngoma yaanza kudunda, manju karuka mbuyu
Ukweli hana huruma, apendacho hekaluni
Kule maisha daima, amepanga akilini
Sisi tukiliwa nyama, yeye kimya tu kitini
Ngoma yaanza kudunda, manju abugia kuku.
MTUNZI-Idd Ninga Tengeru Arusha
+255624010160
Iddyallyninga@gmail.com
Alisema hii ngoma, hii ngoma ya zamani
Ngoma isiyo na noma, akatupa tumaini
Ngoma ya watoto jama, wakubwa mcheze nini
Ngoma yaanza kudunda, manju huyo kajificha.
Wajanja waliisoma, hii ngoma ya Uswini
Ngoma hii siyo kama, inadundia hewani
Wale waloitazama, walisema ni makini
Ngoma yaanza kudunda, manju anakula nduki
Wakanena tutakoma, haidundi sikioni
Kuiona hii ngoma, inadundia puani
Ili tutoke salama, tukimbie kilingeni
Ngoma yaanza kudunda, manju kaziba sikio.
Kwani manju akisema, wazee waseme nini
Akianza kunguruma, utadhani unazini
Kweli tumerudi nyuma, leo tupo Jerumani
Ngoma yaanza kudunda, balaa ni kijijini.
Wa Bantu atawatuma, ukisema hadharani
Waje wakupige vyuma, wakuchukue nyumbani
Nyoka sumu akitema, ajabu hajulikani
Ngoma yaanza kudunda, na manju hana habari.
Mkaidi hana jema, walisema majirani
Hii ngoma inauma, ikipigwa uwanjani
Mkigeuka makima, hatutazami usoni
Ngoma yaanza kudunda, manju karuka mbuyu
Ukweli hana huruma, apendacho hekaluni
Kule maisha daima, amepanga akilini
Sisi tukiliwa nyama, yeye kimya tu kitini
Ngoma yaanza kudunda, manju abugia kuku.
MTUNZI-Idd Ninga Tengeru Arusha
+255624010160
Iddyallyninga@gmail.com