Ujumbe Kwa Ukhti Niffa

[Malaria 2]

Ujumbe Kwa dada Niffa

Assalamu Alaikum wa Rahmatullah Niffa,
Ningependa nikushirikishe maneno ya wema na hekima kwa sababu nakuheshimu kama dada yangu katika Uislamu, na natamani uishi maisha yenye utulivu, heshima na baraka za Allah katika dunia hii na Akhera.

Niffa, mtihani ulioupitia si adhabu bali ni ukumbusho wa Mola.
Allah anasema katika Qur’ani:

“Na hakika tutakujaribuni kwa khofu, na njaa, na upungufu wa mali, nafsi na mazao; na wabashirie wanaosubiri.”

(Suratul Baqarah 2:155)

Hivyo mtihani ni sehemu ya safari ya muumini. Mtu mwenye kusubiri, hushinda.

1. Jambo la Kwanza: Kujisitiri na Kivaa Kiislamu

Niffa, wewe ni mwanamke Muislamu, na hadhi yako mbele ya Allah ni kubwa sana.
Allah anasema:
“Na waambie Waumini wanawake wainamishe macho yao na wajisitiri… na wasidhihirishe mapambo yao isipokuwa yale yanayodhihirika kwa kawaida.”
(Suratun Nur 24:31)

Hijabu ni heshima yako, ni kinga yako, ni utukufu na ni ibada.
Mtume ﷺ amesema:

“Mwanamke ni kitu cha heshima. Anapojisitiri, anakuwa karibu zaidi na Mola wake.”

(Tirmidhi – Hadith Hasan)
Kujisitiri si kupoteza uzuri ni kuulinda.

2. Jambo la Pili: Kutumia Ujana Vizuri na Kwa Mema

Mtume ﷺ amesema:

“Miguu ya mtu hayatohama Siku ya Kiyama mpaka aulizwe mambo manne… na ujana wake aliutumikia wapi.”

(Tirmidhi)
Ujana ni neema adimu na usiorudi.
Ni kipindi bora cha kujenga heshima yako, malengo yako, dini yako, na mustakabali wako.

Allah anatukumbusha:
“Hakika wakati (muda) ndio ushahidi kuwa binaadamu yupo katika khasara.”
(Suratul Asr 103:1–2)
Ila wale wanaoutumia muda wao kwa imani na matendo mema ndiyo wenye kufaulu.
3. Jambo la Tatu: Kuongeza Ibada na Kumkaribia Allah

Niffa, baada ya mtihani mkubwa kama huu, moyo huwa unahitaji kutulia kwa kumrudia Mola.
Allah anasema:
“Hakika kwa kumkumbuka Allah, mioyo hutulia.”
(Surat Ar-Ra’d 13:28)

Soma Qur’ani, swali kwa wakati, fanya dua, na jikaze katika ibada—hapo ndipo utulivu wa kweli unajengwa.

Mtume ﷺ amesema:
“Mwenye kumkaribia Allah kwa kidogo, Allah humkaribia zaidi.”
(Bukhari)

Huu ni wakati wa kuanza ukurasa mpya wenye nuru.

4. Jambo la Nne: Kujikita Katika Biashara Zako na Malengo Makubwa

Allah anasema:
“Na sema: Fanyeni (kazi), na Allah ataona matendo yenu.”
(Surat Tawbah 9:105)

Biashara ni ibada ikiwa imejengwa juu ya uaminifu na kujiepusha na haramu.
Mtume ﷺ amesema:
“Mfanyabiashara mkweli na mwaminifu atakuwa pamoja na manabii, wasadikifu na mashahidi.”
(Tirmidhi)

Allah akikubariki katika biashara zako, atakupa heshima na mafanikio duniani na Akhera.
SHUKRAN

 

[Mjusi Sharobalo]

Mashekhe ubwabwa walipokuja kukosea ni pale waliposema wanawake ni kama kiburudisho cha wanaume huko mbinguni, wakipangwa mafungu mafungu kama nyanya kila fungu 72.