Mwanahabari Huru
JF-Expert Member
- Mar 9, 2015
- 14,243
- 34,903
Wazikaji watunishiana msuli kuzuia msikiti usitumike kuswalia maiti
Pemba. Ubaguzi unaoendelea visiwani hapa kutokana na makovu ya uchaguzi mkuu uliopita, juzi ulichelewesha kwa saa kadhaa maziko ya mwanachama wa CUF, Achia Khatib wa Kijiji cha Wingwi Mjini wilayani Micheweni, baada ya msikiti uliokuwa utumike kuswalia mwili huo kufungwa.
Akizungumza na gazeti hili jana, mmoja wa wanafamilia aliyejitambulisha kwa jina la Said Omar Said, alidai hali hiyo ilitokea baada ya mtoto wa marehemu, Abdalla Kombo ambaye ni Mwenyekiti wa CCM kufika kijijini hapo kwa ajili ya kumzika baba yake.
Alisema wanakijiji waliojitokeza kuja kumzika mzee huyo walisema hawako tayari kushiriki maziko hayo hadi mtoto huyo atakapoondoka mahali hapo.
“Unajua mzee wetu alikuwa mfuasi wa CUF, lakini sasa mtoto wake mkubwa ni mwanaCCM na ni kiongozi, waliofika mazikoni pale wengi ni wafuasi wa CUF hawakutaka mwana CCM yeyote ashiriki msiba ule,” alidai ndugu huyo aliyeonekana kusikitikia kitendo hicho.
Hata hivyo, Sheha wa Shehia ya Mjini Wingwi, Sheikh Yussuf Hamad alisema wananchi hao walitaka pia kuzuia makaburi yasitumike kumzika marehemu, lakini Serikali ya kijiji ililazimika kuingilia kati. “Huu msiba uligubikwa na visa tele, mtoto mmoja wa marehemu aliamua naye kuficha sindano ya kushonea sanda na kuificha wakati kazi ya ushonaji wa sanda hiyo ukiendelea, washonaji walilazimika kwenda kuazima sindano zingine vijiji jirani vya Micheweni na Majenzi ambako walitoa pia na kitanda cha kubebea mwili,” alisema Sheha huyo.
Imamu wa Msikiti wa Ijumaa katika Shehia hiyo, Bakar Abdallah alipotafutwa kuzungumzia suala hilo, alikana kuufunga msikiti na hata taarifa za kuvunjwa kufuli la msikiti huo alidai hajazisikia.
Kamati ya Ulinzi na Usalama ikiongozwa na Mwenyekiti wake Abeid Juma Ali, ilifika kwenye msiba huo na kuzungumza na wazee waliokuwapo msibani na kuamua kuvunja kufuli na kuruhusu mwili uswaliwe.
Mwenyekiti wa kamati hiyo ambaye pia mkuu wa wilaya hiyo, alilaani kitendo hicho na kuwataka wananchi kuacha kubaguana katika shughuli za kijamii.
Pia, alikemea nyumba za ibada kutumika kwa masuala ya kisiasa na kuahidi kulitafutia ufumbuzi suala hilo kwa kukutana na mashekhe na maimamu wa misikiti yote wilayani hapa.
Chanzo: Mwananchi
Pemba. Ubaguzi unaoendelea visiwani hapa kutokana na makovu ya uchaguzi mkuu uliopita, juzi ulichelewesha kwa saa kadhaa maziko ya mwanachama wa CUF, Achia Khatib wa Kijiji cha Wingwi Mjini wilayani Micheweni, baada ya msikiti uliokuwa utumike kuswalia mwili huo kufungwa.
Akizungumza na gazeti hili jana, mmoja wa wanafamilia aliyejitambulisha kwa jina la Said Omar Said, alidai hali hiyo ilitokea baada ya mtoto wa marehemu, Abdalla Kombo ambaye ni Mwenyekiti wa CCM kufika kijijini hapo kwa ajili ya kumzika baba yake.
Alisema wanakijiji waliojitokeza kuja kumzika mzee huyo walisema hawako tayari kushiriki maziko hayo hadi mtoto huyo atakapoondoka mahali hapo.
“Unajua mzee wetu alikuwa mfuasi wa CUF, lakini sasa mtoto wake mkubwa ni mwanaCCM na ni kiongozi, waliofika mazikoni pale wengi ni wafuasi wa CUF hawakutaka mwana CCM yeyote ashiriki msiba ule,” alidai ndugu huyo aliyeonekana kusikitikia kitendo hicho.
Hata hivyo, Sheha wa Shehia ya Mjini Wingwi, Sheikh Yussuf Hamad alisema wananchi hao walitaka pia kuzuia makaburi yasitumike kumzika marehemu, lakini Serikali ya kijiji ililazimika kuingilia kati. “Huu msiba uligubikwa na visa tele, mtoto mmoja wa marehemu aliamua naye kuficha sindano ya kushonea sanda na kuificha wakati kazi ya ushonaji wa sanda hiyo ukiendelea, washonaji walilazimika kwenda kuazima sindano zingine vijiji jirani vya Micheweni na Majenzi ambako walitoa pia na kitanda cha kubebea mwili,” alisema Sheha huyo.
Imamu wa Msikiti wa Ijumaa katika Shehia hiyo, Bakar Abdallah alipotafutwa kuzungumzia suala hilo, alikana kuufunga msikiti na hata taarifa za kuvunjwa kufuli la msikiti huo alidai hajazisikia.
Kamati ya Ulinzi na Usalama ikiongozwa na Mwenyekiti wake Abeid Juma Ali, ilifika kwenye msiba huo na kuzungumza na wazee waliokuwapo msibani na kuamua kuvunja kufuli na kuruhusu mwili uswaliwe.
Mwenyekiti wa kamati hiyo ambaye pia mkuu wa wilaya hiyo, alilaani kitendo hicho na kuwataka wananchi kuacha kubaguana katika shughuli za kijamii.
Pia, alikemea nyumba za ibada kutumika kwa masuala ya kisiasa na kuahidi kulitafutia ufumbuzi suala hilo kwa kukutana na mashekhe na maimamu wa misikiti yote wilayani hapa.
Chanzo: Mwananchi
