TRA yaidai tanesco bilioni 4/-

[CPA]

SHIRIKA la Umeme Tanzania (Tanesco) linadaiwa zaidi ya Sh bilioni 4 na Mamlaka ya Mapato Tanzania (TRA) za kodi ya mitambo ya kuzalisha umeme iliyokwama katika Mamlaka ya Bandari Tanzania (TPA).

Akizungumza na waandishi wa habari baada ya kutembelea mradi wa uzalishaji wa umeme wa gesi asilia wa Kinyerezi, Dar es Salaam, Kaimu Mwenyekiti wa Kamati ya Kudumu ya Bunge ya Nishati na Madini, Deo Ngalawa, alisema kuwa mitambo hiyo iliingizwa nchini ili kuongeza uzalishaji wa umeme.

Alisema hadi sasa mitambo hiyo imekwama baada ya Tanesco kushindwa kulipa deni la kodi ya ongezeko la thamani (VAT).

“Tanesco inadaiwa zaidi ya shilingi bilioni 4 na TRA, deni hilo linatokana na kukwama kwa mizigo ya kuzalisha umeme, ikiwamo mitambo na jenereta kutoka nje ya nchi, jambo ambalo linachangia kurudisha nyuma uzalishaji wa umeme,” alisema Ngalawa.

Hata hivyo, Mkurugenzi Mtendaji Msaidizi wa Uwekezaji wa Tanesco, Khalid James, alisema mradi wa Kinyerezi unatarajiwa kuzalisha megawati 240 za umeme, hivyo kupunguza tatizo la upatikanaji wa nishati hiyo.

Alisema mahitaji ya umeme kwa sasa ni megawati 1,700, lakini Tanesco wanazalisha megawati 1,366, kutokana na hali hiyo, kumalizika kwa mradi huo kutasaidia megawati 1,521.

Chanzo: http://mitandaoni.co.tz

 

[Zero Hours]

Mmm kumbe Tanesco inalipa VT

 

[Euphransia]

Mbona juzi Zanzibar imeilipa Tanesco Bil 10?

 

[maharage ya ukweni]

Watu hawajielewi kweli!hivi hiyo billioni 4 na effects za hiyo mitambo ya kuzalishia umeme vinafanana kweli?hivi watu wenye akili kweli wanaweza kukwamisha upatikanaji wa umeme wa uhakika kwa billioni 4?##BORA BASHITE

 

[Philipo D. Ruzige]

Si tunalipa bili/luku, pesa wanapeleka wapi,

Kima kweli hawa . walipe tu..

 

[pandagichiza]

Halafu unaweza kuta hata Tanesco wanadai TRA

 

[Mshana Jr]

Yani siku hizi hatuchoshwi na kazi bali na hizi drama mpya kila uchao

 

[Bonde la Baraka]

Unajua

Mmm kumbe Tanesco inalipa VT

Tangu bajeti ya mjamaa ianze taasisi zote za serikali zinazozalisha zinalipa VAT.
Ukiambiwa serikali imekusanya trilion moja ujue nyingine imezunguka ndani kwa ndani na si akina Mo tu.

 

[Benjamini Netanyahu]

Hili eneo ndiyo la kupigia pesa ambapo Mkulu mwenyewe anasaini

 

[kivyako]

Muda si mrefu wote watakanusha au tutaona picha za kupongezana kuwa wamepunguza angalau bilioni 3! Kama deni la Zenji! Bongo tambarareee

 

[Castr]

Kwakua siku hizi ni mwendo wa visasi, Jumatatu utasikia 'Tanesco waidai TRA malimbikizo ya umeme Bilioni 12, deni la tangu 2005'

 

[mrangi]

Yani siku hizi hatuchoshwi na kazi bali na hizi drama mpya kila uchao

Ze comedy show

Ova

 

[CPA]

Halafu unaweza kuta hata Tanesco wanadai TRA

kwa hiyo nao tutegemee watatoa taharifa TRA wanakatiwa umeme kwa kushindwa kulipa bill...aaah