Amani ipo Tanzania lakini inaonekana hiyo hali inabadilika kuelekea machafuko. Inawezekana ni tabia ya watanzania au inatokana na nidhamu ya woga. Kuna viashiria kuwa amani hii inaanza kumong'onyeka kidogo kidogo. Pia kuna dalili za machafuko kuinyemelea TZ.
Vitu viwili vinachangia kuelekea huko
1. CCM kuona Tz ni mali binafsi ya CCM na sio ya watanzania
2. Kushindwa kwa vyama vya upinzani na asasi za kiraia kuwa na sauti moja na njia mbadala iliyo wazi badala yake vinaongozwa kwa jazba zaidi.
Haya makundi mawili yanapasa kutumia lugha ya ushawishi ambayo inasisitiza Tanzania ni mali ya kila mtanzania.
Kama tumeichoka amani, tujaribu ya Ivory Coast, Libya, Misri....tukifungua malango wa fujo, kutokana na CCM kuwa madarakani kwa miaka mingi, zaidi ya 34...40 kuna uwezekano hali ikajitokeza kama ya Libya.
Bado muda wa kuepusha machaafuko upo na jukumu kubwa liko kwa CCM. CCM ikukubali kuwa kuona upinzani ni uadui, dhana hii imepitwa na wakati.
Kwa watetezi na wapenzi wa CCM, wafikishieni ujumbe viongozi wenu ambao pia ndio viongozi wa serikali kuwa ni vyema kuwaalika viongozi wa vyama vya upinzani kwa pamoja na viongozi wa asasi muhimu za kiraia ili kuanza mazungumzo yatakayoweka njia muafaka wa kuinusuru Tz kufikia "hapatatosha au hapatakalika".
Kwa wapenzi wa vyama vya upinzani, washaurini viongozi wenu waepuke kauli za kupandisha mori wafuasi wao na badala yake waikaribishe CCM katika njia ya amani na mpito kuelekea Tanzania ya watanzania na sio Tanzania ya wanachama wa chama cha siasa. Upinzani ekeni bayana mbadala wa sheria au sera ili wananchi wajionee bila jazba tofauti iliyopo baina ya upinzani na CCM.
CCM ikikataa mpito kwa njia ya amani itabeba jukumu lote la yatakayotokea. CCM imeshika usukani si vyema baada ya miaka 34 kusababisha ajali kutokana na ulevi wa madaraka pamoja na kutumia vyombo vya dola kung'ang'ania madaraka. Ujanja mwingi,mbele giza nene!