GOLDEN BOY
SEHEMU YA 7
MWANDISHI NI JAXWIZZY
WHAT'SAPP NO 0793538082
___________________________________
Seyran na Ferit walirejea kutoka kwenye safari yao ya mapumziko wakiwa na hali mpya – si kama wanandoa waliokamilika, bali kama watu walioko katika harakati za kujijenga upya. Ingawa bado walikuwa na majeraha ya kihisia, walikuwa karibu zaidi ya awali. Walitembea bega kwa bega, wakitazamana kwa jicho la matumaini.
Lakini jumba la familia ya Korhan halikuwa sehemu salama kwa mapenzi yanayoanza kuchanua. Mara tu walipowasili, Pelin alikuwa tayari amekaa sebuleni, akiwa amevalia mavazi ya heshima lakini ya kuonyesha makusudi. Macho yake yalielekeza moja kwa moja kwa Ferit, na tabasamu lake lilikuwa la uongo wa hali ya juu.
Seyran alishtuka kumuona, lakini alijizuia kuonyesha hisia. Alimkazia macho Pelin kisha akaenda moja kwa moja chumbani kwake.
Pelin: (Kwa sauti ya furaha ya uongo)
"Ferit! Niliposikia mmerejea, sikuweza kujizuia. Nilihisi nitapasuka kwa furaha!"
Ferit: (Kwa baridi)
"Pelin, huu si wakati wa maonyesho. Sikuja hapa kuzungumza na wewe."
Pelin: (Akiinamisha macho, kwa sauti ya kujifanya mpole)
"Sawa. Lakini kuna jambo la muhimu sana nataka nikuonyeshe. Tafadhali, ni dakika tano tu."
Ferit alisita. Aliangalia juu kwa kuchanganyikiwa, lakini hatimaye akaamua kumsikiliza.
---
Wakiwa peke yao kwenye kona ya bustani ya jumba hilo, Pelin alimkabidhi Ferit bahasha.
Pelin:
"Hii ni barua ya zamani. Aliyokuandikia mama yako. Alikuwa na siri kuhusu ndoa ya wazazi wako. Sikupanga kukupa, lakini nafsi yangu imeelemewa."
Ferit aliifungua, na ndani akakuta maneno yaliyomshtua – barua ikieleza kuwa ndoa ya baba yake ililazimishwa na Halis Ağa kwa ajili ya biashara, si kwa mapenzi. Barua hiyo ilionyesha kuwa hata mama yake aliteseka kwenye ndoa ile ile kama Seyran sasa.
Ferit: (Kwa mshangao na hasira)
"Kwanini unayo barua hii, Pelin? Nani alikupa?"
Pelin: (Kwa upole wa kinafiki)
"Ilikuwa imefichwa kwenye ofisi ya baba yako. Niliiona wakati wa siku ya kumbukumbu yake. Niliogopa kuisema, lakini sasa nahisi ni haki yako kujua."
Ferit alichanganyikiwa. Barua ile ilimchochea kutafakari zaidi kuhusu maisha ya mama yake – na jinsi historia inaweza kujirudia kama hatakuwa makini.
---
Usiku huo, Ferit alienda kwa Seyran akiwa na uso wa huzuni. Aliishika mikono yake kwa upole.
Ferit:
"Nilijua kuna vitu vingi visivyosemwa kwenye familia hii. Lakini leo nimegundua… hata mama yangu alipitia machungu sawa na yako. Na hakukuwa na mtu wa kumlinda."
Seyran:
"Kwani sasa wewe utakuwa nani kwangu? Mlinzi au sababu nyingine ya maumivu?"
Ferit:
"Nataka kuwa kinga yako, si mzigo wako. Na hata kama unahitaji muda, nitakungoja. Sitakimbia tena."
Seyran alimtazama kwa macho yaliyotetemeka. Maneno ya Ferit yaligusa sehemu laini ya moyo wake.
---
Lakini huku wakijenga matumaini mapya, İfakat alikuwa akimtembelea mtu wa zamani – msaidizi wa baba yake Ferit – aliyekuwa na siri nzito kuhusu familia. Alimwambia:
İfakat:
"Muda umefika. Ukisema ukweli, jumba hili litaanguka. Lakini ukinyamaza, mimi nitahakikisha unaishi kwa amani hadi mwisho wa maisha yako."
Mzee huyo:
"Ukweli ukikaa kimya kwa muda mrefu, huanza kulia usiku..."
---
Wakati huo huo, Pelin alimtumia Seyran ujumbe wa vitisho kwa njia isiyo ya moja kwa moja – alipoweka picha za zamani za yeye na Ferit kwenye ukurasa wa mitandao wa siri. Picha hizo zilikuwa na maandishi:
"Wapo wanaodhani wameshinda. Lakini kumbukumbu huwa hazifi."
Seyran alipoyaona, uso wake ulijaa ukimya wa hasira.
GOLDEN BOY
SEHEMU YA 8
MWANDISHI NI JAXWIZZY
WHAT'SAPP NO 0793538082
___________________________________
Siku iliyofuata, Seyran aliamka na moyo mzito. Macho yake yalikuwa yamevimba kidogo – si kwa sababu ya uchovu wa mwili, bali wa moyo. Alienda jikoni mapema kuliko kawaida, akakaa kwenye kona ya dirisha na kuangalia bustani ya jumba hilo, akili yake ikiwa mbali sana.
Wakati huo huo, Ferit alikuja nyuma yake kimyakimya. Alikuwa amevaa shati rahisi la nyumbani na uso wake ulionyesha hali ya kutotulia. Alikaa upande wake bila kusema kitu, na kimya kilitawala kwa dakika kadhaa.
Ferit: (Kwa sauti ya upole)
“Seyran… ninaogopa. Ninaogopa kuwa sitatosha kwako. Ninaogopa kuwa kila ninalofanya halitoshi kurekebisha yaliyopita.”
Seyran: (Akitazama chini, kwa sauti ya huzuni)
“Kama kweli unania ya kubadilika, basi acha maneno na nifanye nijisikie salama kwa vitendo. Sihitaji ujasiri wako wa kuzungumza tu, nataka uwe mwanaume wa kweli – si kwa wengine, bali kwa familia yetu.”
Maneno haya yalimuuma Ferit, lakini yalikuwa na ukweli wa kutosha kumchoma moyo. Alimkazia macho, akaweka mkono wake juu ya meza, lakini Seyran hakuutoa macho yake dirishani.
---
Wakati huo, kwenye upande wa pili wa jumba, İfakat alikuwa amekutana na Pelin chumbani kwake kwa siri.
İfakat: (Akitabasamu kijanja)
“Ferit hawezi kubadilika kwa haraka. Mwanaume kama huyo hawezi kudhibitiwa na mwanamke kama Seyran. Lakini wewe Pelin… wewe unajua jinsi ya kutumia udhaifu wake.”
Pelin: (Kwa sauti ya ushindani)
“Seyran anajifanya mjanja, lakini bado hajui kuwa mimi na Ferit tuna historia ya kweli – si maigizo ya kifamilia. Hiki ni kipindi tu, nitakachotaka nitakipata.”
İfakat:
“Basi kazi yako ni kuhakikisha kuwa hawanawii tena pamoja. Ndoa yao ikisimama, mimi nitahakikisha Ferit anakuwa upande wako.”
---
Jioni yake, Kazım Baba – baba yake Seyran – aliwasili kwenye jumba hilo ghafla. Uso wake ulikuwa mkali, na hakuwa amealika yeyote kujua anakuja. Alifika hadi sebuleni, ambapo Halis Ağa alikuwa akipumzika akisoma gazeti.
Kazım: (Kwa sauti ya juu)
“Sina muda wa kupoteza. Nimekuja kumchukua binti yangu. Kama mmeshindwa kumpa heshima anayostahili, basi narudisha heshima hiyo mwenyewe.”
Halis Ağa: (Akiweka chini gazeti, kwa sauti ya mamlaka)
“Kazım, heshima ya binti yako iko juu yangu. Uamuzi wa kumtoa hapa hautafanyika kwa kelele bali kwa hoja. Nani kakulalamikia?”
Kazım:
“Sitaki kuzunguka. Picha, udhalilishaji, na kimya cha familia yenu ni ushahidi tosha.”
Kabla hali haijazidi kuwa mbaya, Ferit aliingia haraka.
Ferit: (Kwa msisitizo)
“Seyran hatoki hapa. Nitampigania hadi mwisho. Baba Kazım, nakuahidi mbele ya kila mtu hapa – sitamfanya binti yako kulia tena. Na nitakayeumia ni mimi, si yeye.”
Kazım alimtazama kwa muda mrefu, halafu akaondoka bila kusema neno lingine. Lakini kabla hajaondoka, alimuambia Seyran:
Kazım:
“Ukiona haya hayaishi, usisite kurudi nyumbani. Nyumba yangu haijafungwa kwa ajili yako.”
---
Baada ya kelele hizo, usiku huo Seyran alikaa na kujifikiria. Alimwangalia Ferit aliyekuwa amejilaza pembeni mwa kitanda, uso wake ukiwa na wasiwasi mwingi. Alimsogelea, akamshika bega.
Seyran:
“Kama kweli unamaanisha hayo uliyomwambia baba yangu, basi ni wakati wa kuonyesha. Sasa.”
Ferit:
“Seyran, kama unipe nafasi moja tu… siwezi kukuahidi maisha yasiyo na makosa. Lakini naku
GOLDEN BOY
SEHEMU YA 9
MWANDISHI NI JAXWIZZY
WHAT'SAPP NO 0793538082
___________________________________
Usiku uligubikwa na ukimya mzito ndani ya jumba la familia ya Korhan, lakini mioyo ya Ferit na Seyran haikuwa kimya hata kidogo. Siku ya jana ilikuwa na mvutano mkubwa – kati ya maneno ya baba yake Seyran, picha za aibu zilizotumwa mtandaoni na Pelin, na ile barua ya zamani aliyopata Ferit kutoka kwa Pelin kuhusu ndoa ya wazazi wake. Hali yote ilimuacha Ferit akijiona kama mwanaume anayegombea na mizimu ya familia yake mwenyewe.
Seyran alikuwa amekaa kitandani, akiwa ameshika kitabu lakini macho yake hayakuwa kwenye maandishi. Aliinua kichwa taratibu na kumwangalia Ferit ambaye alikuwa ameketi kwenye sofa dogo akitafakari kwa kina, uso wake ukiwa umejaa huzuni na mawazo.
Seyran: (Kwa sauti ya utulivu lakini ya dhahiri)
“Ferit… unafikiri ni lini tutaishi kama watu wa kawaida? Bila figisufigisu, bila hofu ya kile kitakachotokea kesho?”
Ferit: (Akiinamisha kichwa, kisha akamtazama kwa macho ya huzuni)
“Sijui, Seyran. Lakini natamani ningekupa maisha hayo… maisha ya utulivu na furaha, bila shinikizo la familia, bila kelele za nyuma. Lakini kila siku, ninajifunza kwamba haya maisha yetu si hadithi ya kawaida.”
Seyran:
“Basi tuandike hadithi yetu mpya. Moja ambayo sisi wenyewe tutaitawala, si familia zetu, si marafiki wa zamani, si historia. Tuanze sasa.”
Ferit alitabasamu kwa huzuni, kisha akasimama na kumkaribia. Alipiga magoti mbele yake, akaushika mkono wake kwa upole.
Ferit:
“Kama uko tayari kusimama nami, hata kwenye mioto ya moto wa familia yangu, basi nipo tayari kuipigania ndoa yetu hadi tone la mwisho la damu yangu.”
Seyran alitabasamu taratibu. Huo ulikuwa mwanzo wa matumaini, lakini hawakujua kuwa kimbunga kilikuwa kikiwakaribia polepole kutoka kona nyingine ya jumba hilo.
---
Asubuhi yake...
İfakat alikuwa amekutana na mzee mmoja, aliyewahi kuwa dereva wa marehemu baba yake Ferit. Mzee huyo alikuwa na nywele zilizochanganyika na weupe, macho yake yalionekana kama mtu aliyebeba siri nzito kwa muda mrefu.
İfakat: (Kwa sauti ya kunong’ona lakini kali)
“Kama hutosema kitu, kila kitu kitakwenda vizuri. Utapewa nyumba, pesa ya kutosha, na huduma ya afya hadi mwisho wa maisha yako.”
Dereva: (Kwa sauti ya kutetemeka)
“Lakini… ukimya wangu unaumiza nafsi yangu. Nilimwona Ferit akizaliwa, nikamwona mama yake akilia siku alipoambiwa ndoa yake ilikuwa biashara tu. Sasa unataka nibaki kimya, wakati kijana huyo yuko kwenye njia ileile?”
İfakat: (Kwa macho ya hila)
“Hili jumba likianguka, wote tunaangamia. Tafakari vizuri. Sio kila ukweli unatakiwa kusemwa.”
Mzee huyo alinyamaza, lakini macho yake yalionyesha kuwa vita vya ndani vilikuwa vinamsumbua.
---
Wakati huo huo, kwenye chumba cha Pelin...
Pelin alikuwa akizungumza na rafiki yake kwa simu, huku macho yake yakitazama kompyuta ndogo.
Pelin:
“Ndiyo, nimeshapakia picha nyingine. Na sijamaliza. Kesho nitashusha video ndogo. Si lazima iwe ya aibu sana, ila yaoneshe tu ukaribu wetu wa zamani na Ferit. Hii itatosha kumvunja Seyran taratibu.”
Rafiki wa Pelin (kwa simu):
“Unajua unaweza kuharibu maisha ya mtu kwa njia hiyo, siyo?”
Pelin:
“Mimi siharibu maisha. Narejesha kilicho changu. Ferit ni wangu. Na kama hawataelewa kwa maneno mazuri, basi wataelewa kwa ushahidi wa kumbukumbu.”
Akaweka simu chini na kutabasamu kwa ushindi wa muda. Lakini ndani yake kulikuwa na wivu, hasira na tamaa ya kumshinda Seyran kwa hali na mali.
---
Jioni yake...
Seyran alipokea ujumbe wa WhatsApp usio wa kawaida. Ulikuwa wa video fupi, ukionesha Ferit na Pelin kwenye karamu ya zamani, wakicheka na kukumbatiana. Hakukuwa na jambo la aibu ndani yake, lakini ukaribu ule ulioteseka machoni pa mke halali.
Seyran: (Akijisemea kwa sauti ya huzuni)
“Kwa nini unaniambia unanipenda, lakini bado historia yako haina mipaka? Kwa nini Pelin anaweza kutumia kila picha kutufanya sisi tuonekane wadhaifu?”
Alimtazama Ferit kwa muda, lakini hakumwambia. Aliamua k
GOLDEN BOY
SEHEMU YA 10
MWANDISHI NI JAXWIZZY
WHAT'SAPP NO 0793538082
___________________________________
Usiku ulipokuwa unazidi kupenyeza giza katika kuta za jumba la familia ya Korhan, hali ya sintofahamu ilizidi kupamba moto mioyoni mwa wengi ndani ya nyumba hiyo. Ferit alihisi kuna kitu hakiko sawa. Ingawa Seyran hakuwa amemwambia chochote, maneno yake yalikuwa ya kawaida, lakini macho yake yaliongea kwa huzuni isiyoelezeka. Alijua kuna jambo linamtafuna.
Seyran alitoka chumbani kimya kimya na kuelekea bustanini. Hali ya hewa ilikuwa baridi, lakini moyo wake ulikuwa na moto wa maswali mengi. Aliweka mikono yake kwenye kifua, akapumua kwa nguvu. Mara mlango wa bustani ukafunguka, na Ferit akaonekana.
Ferit: (Kwa upole)
“Kwa nini uko hapa nje peke yako? Ungetaka kutembea pamoja nami ningefurahi…”
Seyran: (Bila kumtazama)
“Sikuhitaji mtu wa kutembea naye. Nilihitaji nafasi ya kutafakari.”
Ferit aliguswa na majibu hayo. Alimsogelea, akasimama pembeni yake, akimtazama kwa upande.
Ferit:
“Seyran, kuna jambo unaficha. Najua macho yako. Umeniona katika hali zote. Huwa huniangalii hivi bila sababu. Tafadhali, niambie.”
Seyran: (Akigeuka na kumtazama moja kwa moja)
“Ulikuwa na Pelin kwenye karamu ya usiku. Mlikuwa mnakumbatiana. Mlikuwa mnafurahi kana kwamba hakuna mwingine duniani. Je, hiyo ilikuwa kabla yangu au wakati tayari tumeoana?”
Ferit alitetemeka. Alishindwa mara moja kujibu.
Ferit: (Baada ya kimya)
“Ilikuwa kabla yako, Seyran. Kabla sijakujua wewe ni nani. Kabla sijajua kuwa kuna mtu atakayebadili maisha yangu. Nimekosea sana… lakini sikuwahi kufikiria video hiyo itarudi kutuumiza sisi wawili.”
Seyran:
“Na kwa nini Pelin ana video hiyo? Kwa nini ana uwezo wa kuirusha wakati wowote? Kwa nini… bado ana nafasi kwenye maisha yako?”
Ferit: (Kwa dhati)
“Hana nafasi yoyote. Na ikiwa kuna mabaki ya kumbukumbu, nitayafuta yote. Sitaki Pelin, sitaki historia yangu ya zamani—nataka wewe. Tena kwa kweli.”
Seyran aligeuka na kuanza kutembea polepole kuelekea ndani. Lakini kabla hajaingia, aligeuka tena.
Seyran:
“Ninaamini maneno yako. Lakini ukweli ni huu, Ferit… kila kidonda cha zamani unachokificha, Pelin anakitumia kama silaha dhidi yetu. Na kama hutajifunza kutufungulia moyo mapema, nitachoka kuwa upande wako.”
---
Siku iliyofuata…
Pelin alikuwa amekutana na İfakat katika bustani ya hoteli ya kifahari, wakiwa wamekaa kwenye meza ya kona, mbali na macho ya watu wengi.
Pelin: (Kwa kujigamba)
“Seyran tayari ameona video. Hali yao imechafuka. Ni suala la muda tu kabla hajachoka kabisa.”
İfakat:
“Hiyo ni hatua nzuri. Lakini kumbuka, kila hatua yako lazima iwe na mpango. Halis Ağa bado anamtazama Ferit kama mrithi wa familia. Tukiharibu sura yake haraka sana, tutaharibu kila kitu.”
Pelin:
“Nataka Ferit anirudie. Sihitaji hadhi, sihitaji mali. Namtaka yeye.”
İfakat:
“Kwa maneno hayo, unaweza kuwa hatari hata kwetu sote. Tumia akili, sio hisia.”
---
Kwenye upande wa mzee dereva…
Mzee huyo aliyeitwa Musa alikuwa akijitazama kwenye kioo chake cha chumbani kwake. Mikono yake ilitetemeka aliposhika karatasi ya zamani—barua aliyoiandika kwa mkono wake miaka mingi iliyopita. Barua hiyo ilifichua kuwa ndoa ya mama yake Ferit na baba yake ilikuwa ndoa ya kulazimishwa – biashara ya kifamilia, iliyofungwa kwa nguvu ili kulinda hadhi ya familia, si mapenzi.
Mzee Musa (akijisemea):
“Je, nitaendelea kuwa kimya? Je, Ferit anastahili kuwa mfungwa wa historia kama baba yake? Hapana… huu mzigo lazima ukome. Huu ukweli lazima uelezwe.”
Alianza kuandika barua mpya, akiamua kuifichua siri hiyo kwa Ferit mwenyewe. Aliijaza kwa maelezo yote – ukweli kuhusu jinsi mama yake Ferit alivyoteseka, na jinsi baba yake alivyoishi maisha ya majuto hadi kifo chake.
---
Jioni hiyo…
Ferit alipokea bahasha ndogo kutoka kwa mfanyakazi wa zamani wa jumba lao, ikisema ilikuwa ni maalum kutoka kwa “rafiki wa marehemu baba yake”. Alipofungua na kusoma, uso wake ulionyesha mshtuko mkubwa. Aliangalia kila ukurasa kwa macho yaliyojaa ukakasi.
Ferit (akizungumza na nafsi yake):
“Mama aliteseka… na baba alikaa kimya. Na sasa mimi… mimi napita njia ileile. Hapana! Hapana kabisa! Sitaruhusu historia ijirudie. Sitaruhusu Seyran kuwa mhanga wa hadhi ya familia hii kama mama yangu alivyokuwa!”
Aliinuka na kuchukua koti lake kwa haraka, akaondoka kwenda kwa Seyran.ukaa kimya, akisubiri ajue kama Ferit atakuwa mkweli kwake kuhusu kila kitu.hakikishia, kila siku nitajifunza jinsi ya kuwa mume unayestahili.”
