Siasa za Zanzibar, kila kitu ni Zombi au Jecha

[KISHADA]

Katikati ya ukimya unaomezwa na hasira zilizojificha kuna mwangwi mkubwa wa kishindo cha ukimya wa visasi ulioipowa, ni kana kwamba unasubiri wakati ufike tu ulipuke.

Watu wana hasira ndani ya ukimya na wanameza hasira hizo. Kitu kimoja kiko wazi kule Zanzibar.

Ingawa watu wanaendelea na maisha bado wanaamini haki yao ya tarehe 25 Oktoba, 2015 itapatikana, sijui ni kwa nini? Maisha yako juu na kila kitu kibaya watu wa kule wanakiita zombe au Jecha.

Nilipata taarifa kuwa wawakilishi wapya na madiwani na hata rais wamebatizwa majina ya Wawakilishi Mazombi na madiwani mazombi.

Mtu akikosea anaitwa zombi au jecha ilimradi kila kitu ni Zombi au Jecha

Lengine liko wazi jamii imekatika vipande hasa kule kisiwani Pemba. Jambo hili naamini linawakosesha raha viongozi na watawala.

Habari ya kinachoendelea Pemba sio nzuri. Kuna taarifa za watawala na viongozi wakuu kushindwa kutembelea Pemba. sijui kwa shughuli nyingi au wanatishwa na kivuli cha Mazombi.

Kuna taarifa ambazo zinafichwa kwamba kabla ya uchaguzi wa marudio hadi sasa viongozi wa kitaifa walikuwa wakisusiwa misikiti na sehemu za ibada na shughuli za kijamii.

Ukimya wa Zanzibar unaashiria jambo na kule kila kitu ni Zombi au Jecha.

Taifa linakwenda wapi?

 

[mwasu]

Juzi kwenye taarifa ya habari walikuwa wanalalamika wenye daladala akipanda abiria wa chama fulani basi wale wapinzani wanashuka kwenye gari..kupata abiria wa kujaza gari imekuwa shida sana maana wanakimbiana kama kuna mwenye ebola.

 

[MKWEPA KODI]

Hivyo ni vikwazo vya ndani vya wananchi bado vikwazo vya wafadhili

 

[KISHADA]

Juzi kwenye taarifa ya habari walikuwa wanalalamika wenye daladala akipanda abiria wa chama fulani basi wale wapinzani wanashuka kwenye gari..kupata abiria wa kujaza gari imekuwa shida sana maana wanakimbiana kama kuna mwenye ebola.

Ni kweli hata nami niliwahi kusikia kwamba kuna masheha kadhaa wamesusiwa daladala. Akipanda watu wote wanashuka halafu dereva anamwambia amkodi kwa gharama ile ile ya kujaza abiria ili ampeleke safari yake. Hali hiyo humfanya ashindwe na kujinamia kwa aibu.

Wengine huitwa "najisi" na dereva huambiwa kwenye gari kuna najisi itoke au huachiwa gari yake. Yaani hali haifurahishi.

 

[simplemind]

Ukimya wa Zanzibar unatisha! Hali mbaya hadi watu wanakata sala viongozi wakiingia msikitini.

 

[UKAWA2]

Aiseee kumbe hali ndio imefikia hapo!!.Hivi unategemea nini eti leo ukawambie watu wa Pemba eti mwakilishi wenu anatoka ccm alafu unategemea wakukenulie!!!