Shangaa nikushangae, watushangae malenga

[Herbalist Dr MziziMkavu]

Leo naishika tama, nikijikuna kichwani,
Dunia sasa zahama, imejaa hamkani ,
Sungura kaila nyama, akayawacha majani,
Shangaa nikushangae, watushangae malenga.

Mwiko kukoroga chai, mwenzenu ninauliza,
Na bubu kuwa laghai, hili linanitatiza,
Lagombaniwa papai , uwa halijachomoza,
Shangaa nikushangae, watushangae malenga.

Dagaa linafukizwa, harufu lisijetoa,
Hili nalo lashangaza, pele kuitwa churua,
Na eda hajamaliza , posa keshaipokea ,
Shangaa nikushangae, watushangae malenga.

Ana upara kichwani , kitana cha kazi gani?
Papa kakutwa mtoni, na makaziye ni pwani,
Huyu kavaa miwani , kuficha tongo machoni,
Shangaa nikushangae, watushangae malenga.

 

[kishoka wa kichagga]

Mmmh mtunzi eee...ebo mm napita2

 

[Van dick]

Jamani kuna Watu wanaweza tuache matan. Mngekuwa mnawatungia wasanii tingefka Mbali up to now. Wasingefliska

 

[MankaM]

Hii malenga aisee