Shairi: Heko mjaza ukurasa

[Idd Ninga]

HEKO MJAZA KURASA.

1)ole adharau mwiba,atapata maumivu.
Ndogo hujaza kibaba,kubwa hushiba mashavu.
Penati wameikaba,na kuzisahau nyavu.
Heko mjaza kurasa,kwa kuwashinda magwiji.

2)fani hitaki madevu,wala gongo lilopinda.
Yataka fikra angavu,siyo kale zilokonda.
Bora umeona nyavu,acha wacheze mnanda
Heko mjaza kurasa,kwa kuwashinda magwiji.

3)jina hili ni utani,hapa limeja tumika.
Umebeba hii fani,kwenye kata wasikika.
Chukua yako medani,fani izidi panuka.
Heko mjaza kurasa,kwa kuwashinda magwiji.
HA HA HA HA HA HA.

Shairi=HEKO MJAZA KURASA.
Mtunzi=Idd Ninga wa Tengeru Arusha.
+255624010160.
iddyallyninga@gmail.com

 

[KENZY]

na kweli heko amejaza kurasa na amewashinda magwiji

 

[Idd Ninga]

ha ha ha ha ha KENZY ,kumbe nawe unaelewa hadi tungo kama hizi.
duuuh heko kwako.

 

[KENZY]

ha ha ha ha ha KENZY ,kumbe nawe unaelewa hadi tungo kama hizi.
duuuh heko kwako.

heko na kwako pia kwa shairi zuri