Sakata la tuhuma za Rushwa kwenye Kamati ya Huduma za Jamii: Zitto na Bashe waitwa TAKUKURU

[Lizaboni]

Akiandika kwenye akaunti yake ya Twitter, Mbunge wa Kigoma Mjini Zitto Zuberi Kabwe amesema kuwa amepokea wito wa kwenda Makao Makuu ya TAKUKURU kuhojiwa kutokana na sakata la Rushwa ndani ya Kamati ya Kudumu ya Bunge ya Huduma za Jamii. Amesema kuwa Amesikia pia na Hussein Bashe naye ameitwa na kwamba anafurahi sana kupokea wito huo kwa vile atasema kila kitu na ukweli utabainika.

Ngoma inogile. TAKUKURU acheni siasa ili wananchi wawe na imani nanyi. Msaidieni Rais kutumbua majipu hata kama yamekaa sehemu mbaya

============

Siku tatu baada ya kuibuka kwa kashfa ya rushwa miongoni mwa wajumbe wa Kamati za Kudumu za Bunge, Taasisi ya Kuzuia na Kupambana na Rushwa (Takukuru) imemuita Mbunge wa Kigoma Mjini, Zitto Kabwe kumhoji.

Muda mfupi baada ya taarifa za kashfa hiyo kuwa wazi, Zitto na mwenzake wa Nzega Mjini, Hussein Bashe ambao ni wajumbe wa Kamati ya Huduma za Jamii, walimuandikia barua Spika wa Bunge, Job Ndugai kujiondoa kwenye nafasi zao ili kupisha uchunguzi dhidi ya tuhuma hizo.

Zitto alithibitisha kupata wito kutoka makao makuu ya Takukuru ili kuhojiwa juu ya sakata hilo na akapongeza kuwa endapo vyombo vya Serikali vitakuwa makini kushughulikia tuhuma zote zinazoelekezwa kwa wanasiasa na watumishi wengine wa umma, itasaidia kuongeza uwajibikaji na kupunguza uzushi kwa wananchi.

“Nimepata wito huo kupitia Ofisi ya Bunge. Nasikia Bashe ameitwa pia. Nafurahi wito wetu wa uchunguzi umechukuliwa kwa uzito unaostahili na tutatoa ushirikiano wote kwa vyombo vya uchunguzi ili kumaliza zoezi hili kwa haraka na kwa ufanisi,” alisema Zitto.

Alipotafutwa Bashe ili kupata ukweli wa kuitwa kwake, ingawa hakutimiza ahadi yake, alisema:“Sipo kwenye nafasi nzuri ya kuzungumza hivi sasa.”

Mpaka jana, wakati Takukuru ikiendelea kuwahoji wanasiasa na watendaji wa mashirika yaliyotajwa kuhusika kutoa rushwa ili kubadili maoni ya wajumbe juu ya utendaji wao, wabunge wawili walithibitika kuitwa na Takukuru.

Tuhuma hizo zimekwenda sambamba na Ndugai kuwaondoa wenyeviti wa kamati za Ardhi, Maliasili na Utalii; Nishati Madini; Uwekezaji na Mitaji ya Umma huku ile ya Hesabu za Serikali za Mitaa (LAAC) na Huduma na Maendeleo ya Jamii lakini akisema ni uhamisho wa kawaida

Mkurugenzi Mkuu wa Taakukuru, Valentino Mlowola, bila kuingilia uchunguzi unaoendelea alithibitisha kuwaita wabunge hao na watendaji wa mashirika waliohojiwa.

“Hili ni suala la uchunguzi Bado linaendelea hivyo si wakati muafaka kutaja watu waliohojiwa mpaka sasa ingawa mahojiano yanaendelea. Kazi ikikamilika utapata taarifa kamili,” alissema Mlowola.

Chanzo: Mpekuzi

 

[kibanga 3]

Na mbunge yeyote ikidhibitika kaomba rushwa afukuzwe na ubunge italeta heshima

 

[mtayeshelwa]

Na mbunge yeyote ikidhibitika kaomba rushwa afukuzwe na ubunge italeta heshima

Kweli mkuu,maana wanalitia aibu bunge letu tukufu.

 

[Camilo Cienfuegos]

Hakuna jipya, sana sana tutasikia uchunguzi unaendelea

 

[lokomu]

yuda ameitwa Na kaisari amefurahi kweli

 

[gnassingbe]

Na mbunge yeyote ikidhibitika kaomba rushwa afukuzwe na ubunge italeta heshima

Kwa sheria zipi? nadhani mahakamani halafu kifungo faini kwa pamoja itakuwa poa.

 

[kibanga 3]

Kweli mkuu,maana wanalitia aibu bunge letu tukufu.

Inakua kama bungeni tumepeleka majizi ni bora magu ahakikishe hawa watu wanapungua huko mjengoni la sivyo kuna siku watatuuza na sisi

 

[Gamba la Nyoka]

Kweli kabisa, mbunge kuomba rushwa ni aibu kubwa sana, wanatufanya watanzania wote tuonekane watu cheap cheap tu, Sheria kali zichukuliwe dhidi yao ili kuleta nidhamu na heshima kwa bunge

 

[KWEZISHO]

Ni hatua nzuri, lakini liwe lengo ni kutafuta ukweli na sio kufubaza ukweli

 

[Lizaboni]

Na mbunge yeyote ikidhibitika kaomba rushwa afukuzwe na ubunge italeta heshima

Ni kweli kabisa. Kama wanavyotumbuliwa watendaji wa serikali, basi na hawa waheshimiwa watumbuliwe ama wajitumbue wenyewe

 

[Lizaboni]

Ni hatua nzuri, lakini liwe lengo ni kutafuta ukweli na sio kufubaza ukweli

Haswaaa. Ila TAKUKURU ya Magufuli ni tofauti na ile ya Kikwete

 

[KWEZISHO]

Haswaaa. Ila TAKUKURU ya Magufuli ni tofauti na ile ya Kikwete

Jamaa sasa wanafanya kazi, sio ule unafiki wa zama zile

 

[PRINCE CROWN]

Wangeitwa na Mh Magufuli. Awatumbue Papo hapo.

 

[nkongu ndasu]

kama takukuru itavalia njuga suala la rushwa nusu ya wabunge watafukuzwa. wabunge wengi wameingia bungeni kwa kuhonga na hata raia wakawaida wanajua. wengine wameteuliwa uwaziri na unaibu waziri.....

 

[KWEZISHO]

kama takukuru itavalia njuga suala la rushwa nusu ya wabunge watafukuzwa. wabunge wengi wameingia bungeni kwa kuhonga na hata raia wakawaida wanajua. wengine wameteuliwa uwaziri na unaibu waziri.....

Bora wafukuzwe tuanze kuchagua upya

 

[Tabutupu]

Mh zitto ameitwa na takukuru kwa mahojiano kama mmoja wa wajumbe wa kamati ya maendeleo ya jamii.

===========================

Nimepata wito kwenda makao makuu ya TAKUKURU kupitia Ofisi ya Bunge. Nasikia na ndg. Bashe, mbunge wa Nzega Mjini ameitwa pia. Nafurahi wito wetu wa uchunguzi umechukuliwa kwa uzito unaostahili na tutatoa ushirikiano wote kwa vyombo vya uchunguzi ili kumaliza zoezi hili kwa haraka na kwa ufanisi.

Chanzo: zzk

 

[chuwaalbert]

Inakua kama bungeni tumepeleka majizi ni bora magu ahakikishe hawa watu wanapungua huko mjengoni la sivyo kuna siku watatuuza na sisi

...Majizi hawataenda Bungeni kama MFUMO utawekwa kwa Wabunge kuwa WATUMISHI wa Wananchi. Kwa sasa wanaenda Bungeni ili Watajirike. Wanatumia fedha nyingi sana. Wanataka juhudi zao ZIWALIPE! Hivyo kuwa wala rushwa linakuwa jambo la kawaida. Natoa wito kuwa Katiba ya wananchi (ile ya Warioba), ipitishwe! Kusema ukweli, binafsi hapa ndipo NITAKAPOMPIMA Mheshimiwa Raisi Magufuli....

 

[nkongu ndasu]

ni jambo jema.yasije yakawa maigizo....

 

[Econometrician]

takukuru iache vipi siasa huku mkurugenzi wake kateuliwa na mwanasiasa?

 

[Sometimes]

Nafikiri na wengine wataitwa ili wajitakase na tuhuma za rushwa kwenye kamati zao!