Rage azomewa jimboni kwake

MBUNGE wa Tabora Mjini, Ismail Rage na Diwani wa Kata ya ChemChem, Furaha Ikunji, jana walijikuta kwenye wakati mgumu baada ya kuzomewa na wananchi kwenye mkutano wa hadhara. Hatua hiyo ilikuja baada ya Mkuu wa Mkoa wa Tabora, Fatma Mwasa, kuwataka kusalimiana na wafanyabiashara wa soko kuu la mkoa huu.
Aliyeanza kusalimia wananchi ni Ikunji, ambaye baada ya kutoa salamu rasmi ya ‘Umoja’, wananchi hao walikaa kimya hata aliporudia mara tatu hawakujibu.
Baada ya kuona wananchi hao hawamjibu, alianza kueleza yake ya moyoni na kusema, hata mkinichukia mimi ni walewale, akimaanisha wafanyabiashara hao hawampendi wanamuona ni msaliti.
”Ndugu zangu wafanyabiashara wenzangu hata mimi nina vibanda hapa sokoni, mimi siku zote ninawatetea, sasa nashangazwa na nyinyi kudai kuwa mimi ni walewale mkimaanisha ninashirikiana na wakuu wa masoko na watendaji kuwakandamiza, si kweli,” alisema.
Alisema yeye ni mtu mzuri kwao kwani alirudi katika nafasi hiyo kwa kuwa ana ubunifu wa miradi na kwamba amekuwa akiwatetea kiasi cha kuchukiwa na watendaji wa Manispaa ya Tabora.
Kwa upande wake, Rage, baada ya kusalimia “Soko Kuu Tabora Oyee!” wananchi walikaa kimya na hata aliporudia tena mara ya pili, wafanyabiashara hao walikaa kimya.
Lakini bila kujali ukimya huo, Rage aliendelea kumwaga sera akisema Wanatabora wanapaswa kuondokana na kero ya maji na barabara, akisema maji yatapatikana kwa wingi na barabara za lami zitajengwa, ndipo naye kwa mara nyingine alipozomewa.
"Ndugu zangu niseme tu kuwa mnakaribia kuingia kwenye raha kwani maji na barabara za kiwango cha lami zitajengwa, kwani niligombea ubunge baada ya kuona maendeleo yanakaribia,” alisema Rage huku akiendelea kuzomewa.
Wafanyabiashara hao baada ya kuona haeleweki, waliomba kipaza sauti ili watoe kero zao huku wakimwomba mbunge huyo akae kimya kwa kuwa wameteseka vya kutosha pasipo kuwasidia.
Hatua hiyo, baada ya kuona hali tete hiyo, Mwasa alichukua kipaza sauti huku akimtaka Rage aandae mkutano na wananchi na kuwashirikisha watendaji wa manispaa hiyo.

hao wananchi na wenyewe ni wajinga! Sasa mbona walimchagua! Rage wa magamba kamua hivyo hivyo mpaka wapate akili wasije rudia tena kufanya ujinga wakati mwingine...

mtavuna mlichopanda wana tabora,wenzenu wameishabadirika bado tu......mh

wizaga said:

mtavuna mlichopanda wana tabora,wenzenu wameishabadirika bado tu......mh

Click to expand...

enyi wanyamwezi na wakati mwingine msiwe mnalalamika kana kwamba huyo Rage mlilazimishwa kumchagua?

Mmeanzan kuona kosa la kutotumia haki yenu vema na kuchagua msanii kuwa Mbunge wenu sasa mnaanza kununiana., wakati wa kupiga kura ni kipindi muhimu sana....!! poleni wana N'tobora.

Wana Tabora angalieni asije akawa fourty five(45) si unajua anamiliki mguu wa kuku(9mm)

kidele said:

enyi wanyamwezi na wakati mwingine msiwe mnalalamika kana kwamba huyo Rage mlilazimishwa kumchagua?

Click to expand...

Hawajalazimishwa...
.... Ni yale yale ya kuuziwa mbuzi ndani ya gunia.

rage waonyeshe mguu wa kuku wote hawa watapiga kimya

Kwani hawa wanyamwezi hawakujua kuwa walikuwa wanamchagua Al-Shabaab kuwa ndio mbunge wao!!Kama hivyo ndivyo ndio maana mizigo mizito wanapewa wanyamwezi kubeba.

Na bado 4 years to go

Safi sana wananchi (mahakama kuu)

wanatabora ni wanafki,wachache ndo makini..

Jaman Rage alitumainiwa sana.sasa anatusumbua vichwa kuliko maelezo.....tuliamin tumepata kumbe tumepatikana.Kazi yake ni kucheza bao na kunywa kahawa

mimi naona ndo wamejifunza hivyoooooooooo!!!

kwani sisi tuliosubutu kuchagua wa cdm _mbeya tumepata nini? zaidi ya maigizo, na misemo ya untivirus na vinega na mbaya zaidi kufundisha wanetu matusi? kwa ujumla wanasiasa wa kibongo wote nomaaaaa na hovyoooo kabisa msidanganye watu kuwa sijui magamba, cdm cuf wema wao ni pale wananjaa.