PreGE2025 Polisi kuzuia waandishi/vyombo vya habari kutekeleza majukumu yao Mkutano wa CHADEMA, Seashells Millennium ni kukandamiza sauti za upinzani

[Papaa Mobimba]

​

Katika kuelekea Uchaguzi Mkuu wa mwaka 2025 nchini Tanzania, hali ya kisiasa imeendelea kuwa ya mashaka, hasa kwa upande wa vyama vya upinzani. Tukio la Jeshi la Polisi kuzingira hoteli ya Seashells Millennium, Dar na kuwaamuru waandishi wa habari kuondoka kwenye mkutano wa CHADEMA, limeibua maswali mazito kuhusu usawa wa kisiasa, uhuru wa vyombo vya habari, na nafasi ya vyombo vya dola katika mchakato wa kidemokrasia.

Pia soma > Pre GE2025 - DSM - Polisi yazuia Mkutano wa John Heche na Waandishi wa Habari uliokuwa ufanyike leo Juni 17, 2025

Waandishi wa habari wanatambulika kama nguzo muhimu ya kuhakikisha uchaguzi unakuwa wa haki, uwazi, na unaozingatia misingi ya demokrasia. Kuwazuia kushiriki au kuripoti shughuli za vyama vya upinzani ni sawa na kuziba midomo ya uwajibikaji na uwazi, hali inayowapa wananchi picha isiyo kamili ya kile kinachoendelea kwenye ulingo wa siasa. Hali hii inakuwa ya kushangaza zaidi kwa kuwa mikutano ya chama tawala, (CCM), haikumbwi na vikwazo hivyo kutoka kwa vyombo vya usalama.

Kitendo cha polisi kuwafukuza waandishi kinatafsirika kama jaribio la kukandamiza sauti za upinzani na kudhibiti mtiririko huru wa taarifa. Ni ishara ya mazingira ambayo yanaweza kuhatarisha uhalali wa uchaguzi ujao. Ukosefu wa usawa katika utekelezaji wa sheria na matumizi ya vyombo vya dola kwa maslahi ya kisiasa unahatarisha ustawi wa demokrasia ya Tanzania.

Kuna haja ya kuhakikisha haki inatendeka na mazingira ya kisiasa yanakuwa huru kwa pande zote kabla ya uchaguzi wa 2025.

 

[connections]

Heche ashtakiwe

 

[Erythrocyte]

Sasa ni Dhahiri Nchi inatafuta Vita

 

[Chilemba wamela pamputi]

Heche ashtakiwe

Wewe ni pungwani

 

[Notorious_Marcc]

When media is barred, democracy is marred.
Serikali lazima iheshimu haki za waandishi wa habari na political pluralism.

NO REFORMS. NO ELECTION.

 

[Earthmover]

Dunia ikisema inakwenda Kulia inakwenda Kulia ..kushoto MJIPANGE!++

NO REFORM NO ELECTION

 

[mb on]

Sasa ni Dhahiri Nchi inatafuta Vita

Kama inatafuta itakuwa wanaimudu hiyo vita, ni sawa na kutafuta kiwanja unatakiwa uweze kumudu kujenga nyumba.

 

[Erythrocyte]

Kama inatafuta itakuwa wanaimudu hiyo vita, ni sawa na kutafuta kiwanja unatakiwa uweze kumudu kujenga nyumba.

Kila la heri kwao

 

[HIMARS]

Polisi wako sahihi
Heche hayuko sahihi

 

[MwajabuOmary]

Pumzi imekata sasa ni mwendo wa dola, hoja zote kwapani