OFA! Siku tatu kwa watanzania kutembelea mbuga za wanyama bure

[kALEnga kidamali]

Serikali imetangaza kuanzia June 2 hadi 4, 2017 Watanzania wataingia bure katika Mbuga na Hifadhi za Wanyama nchini kote ikiwa ni sehemu ya maadhimisho ya Siku ya Mazingira Tanzania ambayo yatafanyika kitaifa Butiama mkoani Mara.


Waziri wa Mazingira na Muungano January Makamba amesema tayari utaratibu umeshafuatwa ikiwa ni pamoja na kuwasiliana na Wizara ya Maliasili na Utalii pamoja na TANAPA kuwa katika siku hizo tatu Watanzania wataingia bure katika Mbuga na Hifadhi za Wanyama.


Maadhimisho ya siku ya mazingira duniani kitaifa yanatarajiwa kufanyika June 5 mwaka huu Butiama Mkoani Mara huku kukitarajiwa kuwa na mijadala mbalimbali itakayojadiliwa kuhusu utunzaji wa mazingira.


Akizungumza na wanahabari jana, waziri wa wizara hiyo, January Makamba alisema lengo la kupeleka maadhimisho hayo Butiama ni kumuenzi Nyerere ambaye alikuwa mwanamazingira namba moja nchini sanjari na kukumbuka mchango wake katika masuala ya uhifadhi wa mazingira nchini.


Kwa mujibu wa Makamba ambaye ni Mbunge wa Bumbuli Mkoani Tanga, kauli mbiu ya maadhimisho ya mwaka huu nchini ni utunzaji wa mazingira na maendeleo ya viwanda.
======================


Kalenga kidamali

 

[Manosa]

Wanasubiria watu wafunge ndio wanatoa offer,

 

[Raimundo]

Vizuri, ila kama ninaweza kulipia gharama za nauli, malazi nashindwa kiingilio kweli?

 

[chipolopolo 2]

Usafir na malazi ni bure pia . Ngoja nijiandae niende ngorongoro, Manyara . Na tarangire kama watatupatia transport na accommodation

 

[Joseverest]

Sawa nikipata nafasi nitaenda kuzuru mojawapo ya hifadhi

 

[k-star]

Naona sasa Serikali yetu imeanza kutufikiria na sisi makabwela somehow.

 

[Tabutupu]

not serious

 

[Tabutupu]

 

[King klax]

Tembeleeni wenyewe mm sina hata pesa ya nauli ya kujia kwenye mbuga hizo

 

[rubii]

Vizuri, ila kama ninaweza kulipia gharama za nauli, malazi nashindwa kiingilio kweli?

Viumbe wazito!

 

[Raimundo]

Viumbe wazito!

Sijakuelewa hapa madam rubii.