Nakumbuka kuna wakati serikali ilitoa amri kwamba watumishi wote wa serikali lazima wapate japo elimu ya kidato cha nne, na wapate cheti ili kuthibitisha hiyo elimu yao. Wale wote ambao walikuwa wameruka au wamekosa kuipitia hatua hiyo kwa sababu moja ama nyingine walipewa muda maalum wa kufanya hivyo. Maamuzi ya awali ilikuwa kwamba wale ambao muda huo utapita wakiwa hawajatekeleza masharti ya amri hiyo watakuwa wamefukuzwa kazi, ila baadaye masharti yakalegezwa kwamba hawataweza kupandishwa madaraja kutoka pale walipo. Sina taarifa kama ndivyo ilivyokuwa au yalikuwa maneno tu, wahusika na watawala wa ofisi za serikali wanajua.
Kutokana na amri hiyo watu walijikita kwenye masomo. Wahudumu/wasaidizi maofisini, wahazili, madereva na wengineo wote walilazimika 'kuingia msituni' kukwepa rungu hilo. Sina hakika kama kuna uwezekano wa mtu kupata ajira kwenye ofisi hizo bila hiyo elimu kwa sasa.
Sasa hili suala la kusema mbunge hatakiwi kuwa na angalau elimu fulani linanitatiza sana. Yaani tunamwekea masharti ya kusoma miaka minne ya sekondari atakayekuwa anafanya usafi ofisini kwa kudaii ni sharti la lazima na muhimu, lakini tumesema hilo halina umuhimu kwa mbunge ambaye ninaamini anatakiwa awe na majukumu makubwa sana kuliko anayefanya usafi ofisini. Yeye mbunge tumesema anatakiwa ajue tu kusoma na kuandika jina lake (ili wakati wa kuchukua posho asije akashindwa kusoma vizuri jina lake na kujikuta akitia saini kwenye jina la mheshimiwa mwenzake akamsababishia usumbufu usiokuwa wa lazima)!
Huyu anahusika katika kutunga na kurekebisha sheria za nchi, kusimamia idara nyeti za serikali kupitia kamati za bunge, kuisimamia na kuiwajibisha serikali katika utendaji wake wa kila siku. Huyu anayo mamlaka ya kuwawajibisha watendaji wa serikali kama mawaziri, waziri mkuu hata Rais inapobidi. Huyu ni mwakilishi wa wananchi katika harakati za kuwaletea maendeleo katika maeneo yao. Na zaidi ya hayo tunamlipa mamilioni kwa mwezi kama mshahara na posho (siyo kama yule mhudumu wa ofisini anayeambulia kima cha chini tu).
Pamoja na sifa zake zote na wajibu wake huo, tumesema elimu si muhimu kwake kama mfagiaji wa ofisi. mfagiaji wa ofisini anatakiwa kwanza ajue kiingereza kwa sababu vumbi la ofisini limetoka kwenye viatu vya wasomi, usipolifagia 'kiingereza' au 'kisomi-somi' haliondoki! Hata dereva wa gari la serikali asipoingiza gia kwa mkono uliofanya mtihani wa NECTA zitakuwa zinagoma kila wakati hivyo kuhatarisha maisha ya maafisa na mali za serikali.
Ila kwa mbunge kwa sababu kazi yake ni kuongea tu, bila kujali kama anachoongea ni cha kweli au la, mradi ameongea hakuna sababu ya mtu huyu kuhangaika na elimu. Kwanza hata asipoongea, akiweza kulala mwanzo na kuamka mwisho wa kikao hakuna tatizo, mradi tu asishindwe kuona jina lake wakati wa kutia saini!
Mambo mengine yanashangaza sana, hadi kufikia hatua unashindwa kuyashangaa. Lakini tutafika tu. hata mkuu wa boma alisema siku moja kuwa 'ndio hao hao tulio nao'...tutafika tu
Kutokana na amri hiyo watu walijikita kwenye masomo. Wahudumu/wasaidizi maofisini, wahazili, madereva na wengineo wote walilazimika 'kuingia msituni' kukwepa rungu hilo. Sina hakika kama kuna uwezekano wa mtu kupata ajira kwenye ofisi hizo bila hiyo elimu kwa sasa.
Sasa hili suala la kusema mbunge hatakiwi kuwa na angalau elimu fulani linanitatiza sana. Yaani tunamwekea masharti ya kusoma miaka minne ya sekondari atakayekuwa anafanya usafi ofisini kwa kudaii ni sharti la lazima na muhimu, lakini tumesema hilo halina umuhimu kwa mbunge ambaye ninaamini anatakiwa awe na majukumu makubwa sana kuliko anayefanya usafi ofisini. Yeye mbunge tumesema anatakiwa ajue tu kusoma na kuandika jina lake (ili wakati wa kuchukua posho asije akashindwa kusoma vizuri jina lake na kujikuta akitia saini kwenye jina la mheshimiwa mwenzake akamsababishia usumbufu usiokuwa wa lazima)!
Huyu anahusika katika kutunga na kurekebisha sheria za nchi, kusimamia idara nyeti za serikali kupitia kamati za bunge, kuisimamia na kuiwajibisha serikali katika utendaji wake wa kila siku. Huyu anayo mamlaka ya kuwawajibisha watendaji wa serikali kama mawaziri, waziri mkuu hata Rais inapobidi. Huyu ni mwakilishi wa wananchi katika harakati za kuwaletea maendeleo katika maeneo yao. Na zaidi ya hayo tunamlipa mamilioni kwa mwezi kama mshahara na posho (siyo kama yule mhudumu wa ofisini anayeambulia kima cha chini tu).
Pamoja na sifa zake zote na wajibu wake huo, tumesema elimu si muhimu kwake kama mfagiaji wa ofisi. mfagiaji wa ofisini anatakiwa kwanza ajue kiingereza kwa sababu vumbi la ofisini limetoka kwenye viatu vya wasomi, usipolifagia 'kiingereza' au 'kisomi-somi' haliondoki! Hata dereva wa gari la serikali asipoingiza gia kwa mkono uliofanya mtihani wa NECTA zitakuwa zinagoma kila wakati hivyo kuhatarisha maisha ya maafisa na mali za serikali.
Ila kwa mbunge kwa sababu kazi yake ni kuongea tu, bila kujali kama anachoongea ni cha kweli au la, mradi ameongea hakuna sababu ya mtu huyu kuhangaika na elimu. Kwanza hata asipoongea, akiweza kulala mwanzo na kuamka mwisho wa kikao hakuna tatizo, mradi tu asishindwe kuona jina lake wakati wa kutia saini!
Mambo mengine yanashangaza sana, hadi kufikia hatua unashindwa kuyashangaa. Lakini tutafika tu. hata mkuu wa boma alisema siku moja kuwa 'ndio hao hao tulio nao'...tutafika tu
