GE2025 Ndaisaba George Ruhoro atinga na baiskeli kuchukua fomu ya kutetea ubunge jimbo la Ngara

[Mkalukungone Mwamba]

Mbunge wa jimbo la Ngara Mhe. Ndaisaba George Ruhoro amechukua fomu ya maombi ya kuomba tena ridhaa ya kugombea ubunge kwa kipindi kingine cha miaka mitano kupitia tiketi ya Chama Cha Mapinduzi (CCM).

Soma Pia: Uzi maalum wa wanaotia nia kugombea Ubunge Uchaguzi Mkuu 2025​

Fomu hiyo ameichukua leo Juni 30 2025 katika Ofisi za Chama Cha Mapinduzi CCM Ngara Mkoani Kagera.

Ndaisaba anaomba ridhaa ya kugombea ubunge katika Jimbo hilo kwa muhula wa pili

 

[Stephano Mgendanyi]

MBUNGE RUHORO ACHUKUA FOMU YA KUGOMBEA UBUNGE JIMBO LA NGARA 2025-2030​

Mbunge wa jimbo la Ngara Mhe. Ndaisaba George Ruhoro amechukua fomu ya maombi ya kugombea tena nafasi ya ubunge kwa kipindi kingine cha 2025/30 kupitia tiketi ya Chama Cha Mapinduzi (CCM).

Fomu hiyo ameichukua leo Juni 30 2025 katika Ofisi za Chama Cha Mapinduzi CCM Ngara Mkoani Kagera. Hata hivyo vyombo vya habari vilivyokuwepo katika eneo la tukio walipotaka mahojiano hakuwa tayari kuzungumzia chochote zaidi alisema wakati ukifika atazungumza.

Ikumbukwe kuwa Mheshimiwa Ruhoro ni miongoni mwa viongozi wenye ushawishi mkubwa kwa wananchi wa jimbo lake kwani wananchi hao wamekuwa wakimchangia fedha kwaajili ya kuchukua fomu ya kugombea tena katika kipindi kingine 2025-2030.

 

[Numbisa]

Duh aiseee

 

[komasalonde]

Duh aiseee

Kila mtu safari hii anaweka mbwembwe zake kisiasa. Masikitiko ni kuwa Tanzania ni siasa, siasa, siasa hata mahala pasipohitaji siasa. Elimu ni siasa, Barabara, siasa, afya siasa, kilimo siasa, hatuachi utaalam, utendaji, utumishi, utafiti na ugunduzi vijitenge mbali na siasa.

 

[makaveli10]

Usishangae mwingine akienda anajishenyenta kwa makalio kama kiwete kwenda kuchukua form..

Wanasiasa wetu wameshatuona sisi ni MAZUMBUKUKU

 

[baz kaiza]

Jina tu la Ndaisaba hatakiwi kurudi Bungeni ilo Jina tayari ni tatizo

 

[Sexless]

Hakutakuwa na uchaguzi mwaka huu