Ni hisia ya ajabu sana jinsi mtu anaweza kuwa katika maisha yako kwa miezi au hata miaka na kisha siku moja ... kwa ghafla hayupo tena. Si kwamba katwaliwa toka maisha la hasha.. Kakuacha! Hana hisia tena nawe..!
Labda uhusiano uliisha kwa makubaliano mazuri .... au labda ulikuwa janga kabisa, na kwa maumivu sana. Vyovyote vile iwavyo .... inashangaza sana jinsi mahusiano yanaweza kubadilika kwa kiasi kikubwa na kwa haraka. Na kila kitu kikawa historia
Na unajua nini .... unaweza kuwa huna amani na kile kilichotokea kati ya nyinyi wawili ... na hiyo ni sawa kabisa. Wakati mwingine mwisho wa uhusiano unaweza kuwa moja ya mambo magumu zaidi tunayopitia maishani. Nataka ujue ni sawa kwamba moyo wako bado unauma kwa sababu ya kile kilichotokea.
Umefanya kumbukumbu nyingi na mtu huyu. Na kumbukumbu hizi ambazo umefanya ni kitu ambacho huwezi kufuta hata ujaribu kwa nguvu kiasi gani. Ikiwa unapenda au la, hizo kumbukumbu zinabaki kuwa sehemu ya historia ya maisha yako.
Najua kutazama kumbukumbu hizi kunaweza kuwa ngumu, na unaweza kutamani kuzisahau. Lakini badala ya kusahau, labda tujaribu kuzingatia kile kilichotoka kwenye uhusiano. Nyinyi wawili mlipendana kwa sababu fulani. Labda mlipitia nyakati ngumu zaidi pamoja.
Labda mlielewana kwa njia ambayo hakuna mtu mwingine aliyewahi kuelewa. Labda mlihimizana kuwa na nguvu au kuaminiana sana. Au labda uhusiano wako nao ulifungua macho yako kwa kile ulichohitaji sana katika maisha yako. Bila kujali hoja ilikuwa nini, ni sawa kukiri kwamba .... mtu huyo alikuwa na maana kubwa kwako.
Na ni sawa ikiwa bado unaumia kwa kutendwa na mtu uliyemuamini sana. Pia ni sawa kwamba mtu huyo hayuko katika maisha yako tena. Kile ambacho watu wengi hawaelewi ni kwamba, sio kila uhusiano tunaokutana nao utadumu maisha yote. Haupaswi kukawia katika siku za nyuma kuhoji kwa nini kila kitu kilifanyika jinsi kilifanyika.
Unachotakiwa kufanya .... ni kuchukua kile ulichojifunza kutoka kwa uhusiano huo na kusonga mbele katika maisha yako. Kujua kuna mahusiano mengine ambayo yatakupa kile ambacho umekuwa ukitamani kila wakati na zaidi. Nahitaji ujue kuwa hutahisi hivi milele. Utaendelea kusonga mbele na utaendelea kukua na kila siku inayopita.
Chukua ushauri wangu na ukumbuke.... Wakati mwingine watu uliotaka kama sehemu ya maisha yako, kumbe walikuwa wapita njia tuu.. Usiumizwe sana nao simama songa mbele kuna kupendwa tena na ukapendeka
View attachment 2811677
Sent using
Jamii Forums mobile app