Nape: CCM haihitaji mgombea wa kusafisha kwa "dodoki"

[Salary Slip]

Dar es Salaam. Katibu wa Itikadi na Uenezi wa Chama Cha Mapinduzi (CCM), Nape Nnauye amesema chama hicho hakitampitisha mgombea urais asiye na sifa na kuhangaika kumsafisha kwa dodoki ili atakate.

Amesema chama hicho kimeweka mfumo mzuri wa kupata mgombea mwenye sifa, msafi na salama ambaye kazi kubwa itakayokuwapo kwa CCM ni kumwombea kura tu na si kumsafisha.

Alisema CCM ina utaratibu imara ambao utatoa mgombea bora, huku akisisitiza kuwa utawashangaza wengi pale atakapopitishwa mgombea ambaye hakutarajiwa na wengi.

"Mwaka 1995 Mwalimu Julius Nyerere aliwahi kusema ‘msinipe mgombea ambaye nikisimama naanza kumsafisha kwanza.' Tutatafuta mgombea wa kumuombea kura," Nape alisema jana wakati akizungumza na wahariri wa Magazeti ya Mwananchi na The Citizen alipotembelea ofisi za Mwananchi Communications Limited (MCL), Tabata Relini.

Kauli hiyo ya Nape imekuja siku chake baada ya Mwenyekiti wa chama hicho, Rais Jakaya Kikwete kuwataka wenye sifa kujitokeza kuchukua fomu huku akisema: "Uchaguzi Mkuu utakaofanyika Oktoba, mwaka huu wa kupata rais wa awamu ya tano, utakuwa wa kihistoria."

Nape alisema chama hicho kitatumia misingi yake ya asili ambayo itatoa mgombea ambaye hatatiliwa shaka na kusisitiza kwamba hakitayumbishwa na kelele za barabarani.

Alisema hata wale wanaotabiri kwamba majina (ya wagombea), yakikatwa wataondoka na chama kitapasuka, hawatafanikiwa... "hata kama mtu ataondoka yeye, mkewe na watoto bado CCM itabaki imara. "Utaratibu wa CCM katika uteuzi haujawahi kuwa na ushawishi wala sababu kutoka nje ya mfumo wenyewe. Kelele na ushabiki ni mambo tu ya barabarani," alisema.

Akitolea mfano utaratibu uliotumika kupata mgombea urais wa chama hicho mwaka 1995, 2000 na 2010 alisema, "Mwaka 1995 magazeti mengi, yaliandika ‘eti Mkapa (Rais wa Awamu ya Tatu) naye achukua fomu'. Kwenye orodha ya magazeti Mkapa aliwekwa kama mtu wa nane, lakini akawa ndiye mgombea wa CCM na akashinda."

Alisema mwaka 2000 visiwani Zanzibar, Makamu wa Rais Dk Mohammed Gharib Bilal alipigiwa kura 45 huku Rais mstaafu wa Zanzibar, Amani Karume akipata kura tisa, lakini baada ya majina yao kupelekwa katika vikao vya juu vya chama, Karume alipitishwa kugombea na akashinda.

"Mwaka 2010 watu wengi waliamini kuwa Dk Bilal hana mpinzani, lakini dakika za mwisho alipitishwa Dk Ali Mohammed Shein kuwa mgombea urais wa Zanzibar na akashinda," alisema.

Alisema mifano hiyo inaonyesha kwamba taratibu ndani ya chama hicho haziyumbi wala kuyumbishwa na matukio mengine yaliyopo nje ya mfumo ambao kimejiwekea.

"CCM ni chama imara kina katiba, sheria, kanuni, taratibu na tamaduni zake. Bado tutaweza na tunaweza kutoa mgombea mzuri, mwenye sifa, mwadilifu na anayeweza kuwa rais na Mwenyekiti wa CCM," alisema.

Akiwazungumzia wagombea wanaoungwa mkono na wanachama wa CCM alisema: "Leo nakuunga mkono kwa sababu nautaka uwaziri. Sasa ukitoka kutaka kuhama chama, nitakuwa na uhakika gani kama tukienda wote nitapata ninachokitaka? Wanakwenda na wewe na ukifika mahali umepigwa wanasema siyo riziki wanageukia kwingine."

Alisema hivi sasa joto katika la uchaguzi limeanza kupanda nchini na kuvitaka vyombo vya habari kutumia weledi katika kuhakikisha nchi inavuka salama katika mchakato huo.

"Joto limeanza ndani ya CCM na nje ya CCM. Lakini joto la ndani ya CCM ni kubwa zaidi kwa sababu inawezekana kabisa kwamba mgombea atakayepitishwa ndiye atakayekuwa Rais wa nchi hii."

Hadi sasa makada kadhaa wa CCM wamejitokeza na kutangaza nia kuwania nafasi hiyo ya juu kabisa ya uongozi wa nchi huku wengine wakitajwa kujiandaa kuchukua fomu mchakato huo utakapotangazwa rasmi na chama.

Waliokwishatangaza ni Naibu Waziri wa Sayansi, Teknolojia na Mawasiliano, January Makamba; Mbunge wa Nzega, Dk Hamis Kigwangalla; Waziri Mkuu, Mizengo Pinda na Waziri wa Maliasili na Utalii, Lazaro Nyalandu.

Wanaotajwa ni Naibu Waziri wa Fedha, Mwigulu Nchemba; Mbunge wa Songea Mjini, Dk Emmanuel Nchimbi; Mbunge wa Sengerema, William Ngeleja; Waziri wa Mambo ya Nje na Ushirikiano wa Kimataifa, Bernard Membe; Waziri wa Uchukuzi, Samuel Sitta na mawaziri wakuu wa zamani, Edward Lowassa na Frederick Sumaye.

Wengine ni Spika wa Bunge, Anne Makinda; Waziri wa Katiba na Sheria, Dk Asha - Rose Migiro; Waziri wa Nchi, Ofisi ya Rais (Kazi Maalumu), Profesa Mark Mwandosya na Waziri wa Kilimo, Chakula na Ushirika, Stephen Wasira.

Nape na ubunge

Akizungumzia kugombea ubunge katika Jimbo la Ubungo kama alivyofanya mwaka 2010, Nape alisema: "Sijaoteshwa (kicheko). Lakini hata kama nitaamua kugombea si katika Jimbo la Ubungo. Hata hivyo, mimi na Kinana tumeamua kufanya kazi ya kutengeneza mtumbwi ambao baadaye watu watautumia kuvuka.

"Kwa sasa tunachokifanya ni kuweka akili zetu zote kutengeneza mtumbwi huo, ukitoboa tuuzibe na kuufanyia ukarabati. Kazi yetu zaidi ni urefa na kama nikiamua kucheza mpira ni lazima nivue magwanda ya urefa ili nicheze mpira."

Mwaka 2010, Nape aligombea ubunge katika Jimbo la Ubungo lakini alishindwa katika kura ya maoni na Hawa Ng'umbi ambaye alishindwa katika uchaguzi huo na John Mnyika wa Chadema.

Chanzo:Mwananchi

MY TAKE:
Hapa kuna mtu fulani analengwa.

 

[Chademakwanza]

Hapo anamsema Mamvi hakuna mwingine

 

[imalinyi]

Lowasa kweli anawatesa

 

[ungonella wa ukweli]

Hapo ni wivu tu kwa lowasa na si kingine kamwe!

 

[Salary Slip]

Hapo anamsema Mamvi hakuna mwingine

Nakumbuka zile swaga zake za kujivua gamba.Huyu jamaa anatakiwa awe makini maana JK anamtumia alafu baadae akiona upepo umekaa vibaya anamgeuka na kumwaacha aonekane "vuvuzela".

 

[Ryaro wa Ryaro]

Wanasisiem waliowengi wanaimani na Lowassa, sasa hizi chuki binafsi anazomwonyesha preident mtarajiwa zitamgalimu wakati ukifika.

Ebu akamwulize yule aliyekuwa mkuu wa mkoa Morogoro ( kipindi kama hiki alivyokuwa analopoka kuhusu Bwana kubwa wa sasa..Yaliyompata hadi sasa hatujui alistaafia wapi....??

Yule mkuu wa Mkoa Machachari na mchapa kazi mbona hasikiki tena na ni zaidi ya miaka tisa kwa sasa.

 

[jme]

Nape ataweza mziki wa lowasa?

 

[free gage]

acha uongo wana ccm wana imani na wasira
kwa lowasa ni kwamba wengi njaa inawasumbua

 

[mbaswike]

huyu atakuwa anamsema Pinda.

 

[Salary Slip]

huyu atakuwa anamsema Pinda.

We mgeni nchi hii?

 

[specialist88]

acha uongo wana ccm wana imani na wasira
kwa lowasa ni kwamba wengi njaa inawasumbua

Hii nchi bana......eti Wassira! Wasirra mjinga mjinga labda akawe Rais wa wanaoshindwa kufunga vishikizo vya koti,hatuwez ruhusu nchi ikaangukia kwa wajinga wajinga tena 2015

 

[Tukundane]

Katibu mwenezi wa CCM,Nape Nnauye amesema chama chake hakihitaji mgombea wa kusafisha kwa dodoki akimanisha mtu asie na kashifa miongoni mwa wale wanaosaka uraisi kupitia chama hicho.

CHANZO:Mwananchi

MY TAKE:
Hapa kuna mtu fulani analengwa.

Pia ana takiwa aelewe kuwa palipo na Inzi wengi ndipo palipo na mzoga.

Kama CCM inafuatwa na wagombea wanaotakiwa kusafishwa kwa dodoki Ina maana kuwa CCM ndiyo inayotakiwa kufishwa kwa dodoki Ili wagombea wasivutiwe na uchafu Kama Inzi.

 

[BIGURUBE]

Wanasisiem waliowengi wanaimani na Lowassa, sasa hizi chuki binafsi anazomwonyesha preident mtarajiwa zitamgalimu wakati ukifika.

Ebu akamwulize yule aliyekuwa mkuu wa mkoa Morogoro ( kipindi kama hiki alivyokuwa analopoka kuhusu Bwana kubwa wa sasa..Yaliyompata hadi sasa hatujui alistaafia wapi....??

Yule mkuu wa Mkoa Machachari na mchapa kazi mbona hasikiki tena na ni zaidi ya miaka tisa kwa sasa.

Unamaanisha Stephen Mashishanga? Alishajizeekea anakula penshen zake na amekuwa mkulima kwa sasa

 

[BIGURUBE]

acha uongo wana ccm wana imani na wasira
kwa lowasa ni kwamba wengi njaa inawasumbua

free gage upo sahihi, wengi wanaomuunga mkono Lowassa wana njaa wanategemea wapate chochote. Wanajua kuwa hafai kuwa Rais wa nchi:sly:

 

[King Kong III]

Ccm kuna ambaye hajachafuka?

 

[KUNDULE]

ccm wote ni wachafu rais ni Slaa over

 

[jme]

Nape atuambie nan msafi ccm mwenye ubavu wa kumnyoshea kidole mwingine?

 

[jme]

Lowasa ataitesa Sana ccm mwaka huu

 

[mkafrend]

Lowassa story ya zamani, leo tuna story mpya (rais mpya asiye fisadi, mwenye afya bora, wa makamo, ambaye akisimama umma wa wanachadema unaficha uso). Hatutaki rais mnayemtaka kwa kuwa nia yenu ccm isimamishe mtu dhaifu mpate njia.

Story ya sasa ni rais msafi!

 

[mnyepe]

Nape atuambie nan msafi ccm mwenye ubavu wa kumnyoshea kidole mwingine?

Hio kauli ukiangalia vizuri inakubali kuwa wote ni wachafu ila wengine hawasafishiki mpaka watumie dodoki.