Mwanamke auawa kwa kupigwa risasi na majambazi Mkoani Mwanza

[Donatila]

Watu watatu wanaosadikiwa kuwa ni majambazi wamemuua kwa kumpiga risasi mkazi wa mtaa wa Ibungilo, kata ya Nyamanoro wilaya ya Ilemela mkoani Mwanza Monica John na kuwajeruhi watu watatu ambao wamelazwa katika hospitali ya rufaa Bugando na kisha kupora kiasi cha fedha ambacho hakijajulikana.

Kaimu Kamanda wa Polisi mkoa wa Mwanza Mrakibu Mwandamizi wa Polisi Zarau Mpangule, amesema tukio hilo limetokea aprili 27 majira ya saa 1.45 usiku baada ya majambazi hao waliokuwa na silaha inayoaminika kuwa ni SMG kuvamia duka la m –pesa, tigo – pesa na airtel money mali ya Thomas Oganga na kumuua mke wake kwa kumpiga risasi kichwani na kisha kutokomea kusikojulikana.

Kaimu Kamanda huyo wa Polisi mkoani Mwanza SSP Mpangule, licha ya kueleza kuwa jeshi la Polisi mkoani humo limeanza msako mkali wa kuwatafuta watuhumiwa wa mauaji hayo ili kuhakikisha wanakamatwa na hatua za kisheria zinachukuliwa dhidi yao.

Maganda matatu ya risasi yameonekana katika eneo la tukio, huku baadhi ya watu walioshuhudia tukio hilo, akiwemo binti mmoja ambaye ni mkazi wa Kiseke aliyekuwa akisaidiana na marehemu Monica John kufanya biashara ya pesa katika duka hilo wakisimulia hali ilivyokuwa.

 

[IT PROFESSIONAL]

Du ,ni hatari sana aisee

 

[GREGO]

Duh watu tushageuka wanyama

 

[Quarterpin]

Hii haikubaliki kabisa, yan majambaz watatu wamevamia m pesa, anayeuza mwanamke kumnyang'anya hela tu wakaona haitoshi wakamuua kabisa, inasikitisha sana. Haya matukio yamekuwa ya kawaida sasa sijawahi kusikia wazir anaoengelea hii kitu, ifike pahala hii serikali ilete wataalamu kutoka uingereza na marekani kufundisha polisi wetu, haya mambo kuna intelijensia polisi wetu hawana lazima tukubali. Kama wamesema wanataka kuagiza magari mengi nadhan wana pesa, wanunue vifaa hata vya ku interfere mawasiliano, ni lazima serikali iwekeze kwenye usalama wa raia. Watu wanakufa kila siku, inawezekana kuna mengine hayaripotiwi lakin yapo, polisi waanze kutoa taarifa kila mwezi za matukio ya vifo vyote vya ajali, na ujambazi, tujue effeciency yao, sio kubebana tu kwenye mapikipiki outcome zero.

 

[bigonzo]

HAYA MATUKIO YA UJAMBAZI YAMEKUWA TOO MUCH SASA SERIKALI ICHUKUE HATUA

 

[wilchuma]

hakuna jambo baya kwa mwanadamu, kama hofu sa hv wajasiliamari wanaishi kwa hofu, serikali kupitia jeshi la polisi lichukue hatua kali dhidi ya vitendo hivi.

 

[jogi]

Kwani hawa majambazi hawamuungi mkono rais wetu jpm jamani, mbona hawaachi hujuma zao sasa.

 

[Mungu Mweusi]

Tumechoka; kwa Mwanza nasikia Matukio ya watu wa Mpesa, Tigo pesa etc wanauawa sana na majambazi

 

[Ciprofloxacin.]

Sitasahau mwezi uliopita nilikuwa Mwanza nikiwa nimekaa mtaa wa Rufiji nakula chips mida ya saa 3 usiku, nikawa nimechoka na safari yangu kutoka Kenya.
Nilikuwa nimekaa hapo nikiwa na rafiki zangu vijana wa kimasai tukiongelea kuhusu kushamiri Kwa ujambazi Mwanza.
Mara ghafla mpita njia mmoja mwenyewe asili ya kisomali akatusikia maongezi yetu, ilikuwa Kama hivi.
Mpita njia :Nimekusikia unasema eti jambazi hawezi kuishi maisha marefu Kwanini unasema hivyo, na una maana gani.

Mimi :Mshahara wa dhambi ni mauti, Kwa hiyo sioni Sababu ya jambazi kufikisha miaka 70.

Mpita njia akiwa na hasira) Unajua wewe sikuelewi hata kidogo, ina maana unachukia majambazi ?(akiingiza mkono ktk mfuko uliotuna akataka kutoa kitu huku akiongea Kwa hasira). Kuna Mzee namjua mimi ni kiongozi wa majambazi na yeye alikuwa jambazi, hivi sasa ana miaka 75 mbona hajafa?
kuwa makini usipende kuropoka hovyo unasikia wewe?

Mimi :Samahani Sana Kaka, nilikuwa siamanishi hivyo (niliogopa Sana ikabidi nijishushe tu, Jamaa akaondoka huku akinipa onyo Kali Kwa kauli yangu, nina 100% lazima alikuwa jambazi.
sura yake hadi leo naikumbuka.
ikitokea yamekamatwa Majambazi au watu wanaowahisi majambazi nipo tayari kusaidia serikali kumtambua huyo Jamaa endapo atakuwepo.

 

[mummitto]

Pole sana...

 

[bigonzo]

Tatizo makabila ya Mwanza yote wana roho mbaya sana jumlisha na Musoma

 

[God Heals]

Poleni san kwa waliofikwa na msiba.
Ila haya mauaji kwa jiji la mwanza ifikie mwisho, inteligensia ifanye kazi kiusahihi na si kuishia kuwabandika "stika" wauza karanga na kuonekana "kurasa za mbele" Inauma sana.