Mishahara ya vigogo Serikalini wanaolipwa Ml. 36 - Ml. 40 kwa mwezi yaanza kufyekwa

[Chachu Ombara]

Siku chache baada ya Rais Dk. John Magufuli kutoa agizo la kupunguza mishahara mikubwa ya watendaji wa mashirika ya umma, hatimaye Serikali kupitia Bodi ya Mishahara imeanza kazi ya kufanya marekebisho hayo.

Hatua hiyo imekuja baada ya Rais Magufuli, kuagiza kushushwa kwa viwango vya mishahara ya viongozi wa mashirika ya umma ambapo wengine hulipwa Sh milioni 36 hadi milioni 40 kwa mwezi.

Jana Waziri wa Nchi Ofisi ya Rais Menejimenti ya Utumishi wa Umma na Utawala Bora, Angellah Kairuki, alisema katika kipindi cha miezi 15 kuanzia sasa mishahara ya watumishi hao itapunguzwa na kuwa yenye uwiano.

“Katika kuhakikisha agizo hilo linatekelezwa tunayo Bodi ya Mishahara ambayo ilianzishwa katika Serikali ya awamu ya nne na jukumu lake kubwa ni kufanya mapitio ya mishahara mbalimbali na kuhakikisha mishahara ya watumishi wa umma haipishani sana.

“Hatua ambazo tumeanza kuzitekeleza, tayari mamlaka zetu zimeanza kukutana kupitia Utumishi, Hazina na Msajili wa Hazina ili kuangalia namna ya kulitekeleza agizo hilo,” alisema Waziri Kairuki.

Alisema kutokana na hali hiyo mamlaka hizo hivi sasa zinaangalia mishahara ya taasisi mbalimbali na watumishi ili kuweza kubaini wale wanaolipwa zaidi ya Sh milioni 15 ni wangapi na itakatwa vipi.

Akizungumzia taasisi zinazozalisha kwa kiwango kikubwa na kuwa na uwezo wa kujiendesha, Waziri Kairuki, alisema Bodi ya Mishahara hivi sasa ina jukumu la kuangalia uwiano baina ya mtumishi wa umma na mashirika ya Serikali.

“Unakuta mtumishi wa taasisi X kiwango chake cha elimu, uzoefu, ujuzi, muda wa kuingia kazini pamoja na kazi anayoifanya ni sawa na ya mtumishi wa taasisi Y lakini unakuta mtumishi X analipwa mshahara mkubwa zaidi ya mara tano ya mtumishi Y jambo ambalo si haki katika utumishi,” alisema.

Chanzo: Mtanzania

 

[chlorine gas]

Itakua poa sana

 

[Bilionea Asigwa]

SIKU chache baada ya Rais Dk. John Magufuli kutoa agizo la kupunguza mishahara mikubwa ya watendaji wa mashirika ya umma, hatimaye Serikali kupitia Bodi ya Mishahara imeanza kazi ya kufanya marekebisho hayo.

Hatua hiyo imekuja baada ya Rais Magufuli, kuagiza kushushwa kwa viwango vya mishahara ya viongozi wa mashirika ya umma ambapo wengine hulipwa Sh milioni 36 hadi milioni 40 kwa mwezi.
Akizungumza na MTANZANIA jana jijini Dar es Salaam, Waziri wa Nchi Ofisi ya Rais Menejimenti ya Utumishi wa Umma na Utawala Bora, Angellah Kairuki, alisema katika kipindi cha miezi 15 kuanzia sasa mishahara ya watumishi hao itapunguzwa na kuwa yenye uwiyano.

“Katika kuhakikisha agizo hilo linatekelezwa tunayo Bodi ya Mishahara ambayo ilianzishwa katika Serikali ya awamu ya nne na jukumu lake kubwa ni kufanya mapitio ya mishahara mbalimbali na kuhakikisha mishahara ya watumishi wa umma haipishani sana.

“Hatua ambazo tumeanza kuzitekeleza, tayari mamlaka zetu zimeanza kukutana kupitia Utumishi, Hazina na Msajili wa Hazina ili kuangalia namna ya kulitekeleza agizo hilo,” alisema Waziri Kairuki.

Alisema kutokana na hali hiyo mamlaka hizo hivi sasa zinaangalia mishahara ya taasisi mbalimbali na watumishi ili kuweza kubaini wale wanaolipwa zaidi ya Sh milioni 15 ni wangapi na itakatwa vipi.

Akizungumzia taasisi zinazozalisha kwa kiwango kikubwa na kuwa na uwezo wa kujiendesha, Waziri Kairuki, alisema Bodi ya Mishahara hivi sasa ina jukumu la kuangalia uwiano baina ya mtumishi wa umma na mashirika ya Serikali.

“Unakuta mtumishi wa taasisi X kiwango chake cha elimu, uzoefu, ujuzi, muda wa kuingia kazini pamoja na kazi anayoifanya ni sawa na ya mtumishi wa taasisi Y lakini unakuta mtumishi X analipwa mshahara mkubwa zaidi ya mara tano ya mtumishi Y jambo ambalo si haki katika utumishi,” alisema.

Kauli ya Magufuli

Machi 30, mwaka huu akiwa wilayani Chato, Mkuu huyo wa nchi, alisema kuna watu wanalipwa kiwango kikubwa cha mishahara na wamekuwa wakiishi kuliko hata malaika na sasa ni lazima washushwe ili waishi kama shetani.

Hatua ya Rais Magufuli, kupitisha panga na kuweka uwiyano wa mishahara kwa watendaji wa taasisi hizo unaelezwa kuwa utaisaidia uwajibikaji na usawa kwa watendaji.

Katika mkutano huo, Rais Magufuli, alishangazwa na baadhi ya bodi za wakurugenzi kushindwa kufanyakazi zao kwa mujibu wa sheria na badala yake wamekuwa na kazi ya kupandisha mishahara kwa watendaji.

Alisema anashangazwa na bodi hizo, kwani kila kukicha zimekuwa zikifanya kazi ya kupandisha mishahara pamoja na kufanya vikao nje ya nchi.
Alisema hivi sasa ameunda timu ya wataalamu ambayo imeanza kufanya kazi ya upunguzaji mishahara mikubwa kwa watendaji wakuu wa mashirika ya umma.

“Tena hawa wakurugenzi ndio wanaongoza kwa kulipwa fedha nyingi na hata kwenda kufanya vikao ulaya. Ninasema hapa kwamba suala hili litaanza kushughulikiwa katika bajeti hivi karibuni,” alisema Rais Magufuli.

Alisema tayari ameunda timu ya wataalamu ambayo inafanya kazi ya kupunguza mishahara hiyo na kufikia Sh milioni 15 kwa mwezi ili asipatikane Mtanzania anayelipwa zaidi ya kiwango hicho.

“Kuna watu wanaishi kuliko hata malaika lazima tuwashushe waishi kama shetani,” alisema Rais Magufuli.

Source: Mtanzania

 

[MKWEPA KODI]

Katika kipindi cha miezi 15 ndiyo mishahara hiyo itapunguzwa jamani huu sio uhuni kweli

 

[Musoma Yetu]

Huo ni uhuni mkubwa. Angesema miezi miwili au kuanzia mwaka ujao wa bajeti yaani kuanzia July. Kwani kazi ya bodi hiyo kukaa na kupitia mishahara na kutoa maamuzi inahitaji course work? Kama ni watu ambao wame specialize kwenye hizo kazi, week mbili zinatosha.

 

[yasn gahoile]

hili jambo lingefanyika haraka sana naona miezi 15 wanawasogezea fursa ili wapige fasta waondoke

 

[mwasu]

miezi 15?! TUtasubiri sana kama tunavyosubiri zoezi la ada elekezi.

 

[evansGREATDeal]

mwaka na miez3 nikipi kigumu hasa.......
huyu mama vipi...

 

[KWEZISHO]

Wajiandae kuishi maisha ya kishetani

 

[Freeland]

Katika kipindi cha miezi 15 ndiyo mishahara hiyo itapunguzwa jamani huu sio uhuni kweli

wengi wa hao watu wana ajira za mikataba mifupi...nahs mikataba itakuwa imeisha

 

[Mazindu Msambule]

Kuna watu naona mnalalamikia issue ya hiyo miezi 15; ninavyo jua mimi ni hivi, huwezi mshusha mshahara mtu ambaye umeisha ingia nae mkataba kwa kigezo chochote kile, kwakua wengi wa hao wanao lalamikiwa na watu wa presidential appointment then nachofikiria ni kwamba rais anatakiwa kutengua uteuzi wao (hata kama hawajakosea chochote) and then either aweke mtu mwingine kwa mkataba mpya au yule yule kwa mkataba mpya. Huwezi kumwambia Mr. X kwamba kuanzia leo mshahara wako utashushwa kwa 60%, atakushtaki na atakushinda cause mwajiri ndio utakua umevunja mkataba nae so Mrs Kairuki yupo sahihi. Kuanzia sasa hivi tutegemee wakurugenzi wengi wa mashirika kuachishwa kazi na kuwekwa wapya na tukisikia hivyo tujue sio lazima kwamba nao watakua wametumbuliwa majipu bali issue ni hiyo mishahara. The good thing is, kwasasa ajira za serikali sio za kudumu tena kama tulivyo kua tunajidanganya zamani.Nina jamaa zangu kadhaa waliacha mishahara kwenye sekta binafsi mizuri tu (1 alikua akilipwa Laki 8, five years ago) kaenda serikalini Tanroads mkoa wa Mara kwa mshahara karibu nusu ya alichokua akilipwa, issue ilikua ni ajira za serikalini ni za uhakika; sina hakika kama hadi leo anaweza sema hivyo tena.

 

[Mmawia]

Katika kipindi cha miezi 15 ndiyo mishahara hiyo itapunguzwa jamani huu sio uhuni kweli

Mkuu kwani umesahau kuwa CCM ni ile ile?

 

[Pro Magufuli Wa 47]

Huo ni uhuni mkubwa. Angesema miezi miwili au kuanzia mwaka ujao wa bajeti yaani kuanzia July. Kwani kazi ya bodi hiyo kukaa na kupitia mishahara na kutoa maamuzi inahitaji course work? Kama ni watu ambao wame specialize kwenye hizo kazi, week mbili zinatosha.

Contract kaka, tutaingia ghalama nyingine

 

[kibila]

Huyu mama na yeye ni jipu Magufuli amtumbue tu

 

[M-mbabe]

wengi wa hao watu wana ajira za mikataba mifupi...nahs mikataba itakuwa imeisha

yeah....this is the main (if not the only) logical justification to slash someone's salary.

 

[tutaweza]

Mkuu kwani umesahau kuwa ccmni ile ile?

Tupende kuzijua sheria za nchi yetu. Mimi CCM siwapendi, ila pia sipendi ushabiki wa kivyama kwa kila hoja. Sasa unadhani kumpunguzia mtu mshahara mlioingia kwenye mkataba unaweza ukaamka leo na kusema, nakupunguzia mshahara!?
Nadhani aliposema kipindi cha miezi 15 amemaanisha ndani ya huo muda kila kitu kitakuwa kimekamilika. Kumbuka wengi wao ni presidential appointees na huwa madarakani kwa vipindi maalum na pia Raisi anaweza akatengua uteuzi. Tusubiri tuone nini kitafuatia

 

[Dr Akili]

Kwa nini zoezi hili lichukuwe miezi 15? Mwezi mmoja hautoshi kweli au hakuna dhamira? Na SCOPO inapaswa irudi.

 

[Offline User]

haya maigizo sasa... hiyo miezi 15 wanaenda short course ya kusoma jinsi ya kupunguza mishahara??

 

[Jambazi]

Hadi miezi hyo 15 iishe nadhani kila mtanzania atakuwa amesha sahau

 

[S.Liondo]

Kwa kweli Tanzania ni nchi ya aina yake! Yaani kuna watu walikuwa wanalipwa kiasi hicho cha fedha! Na hapo utakuta bado pamoja na mshahara mkubwa hivyo, wanalipiwa kila kitu: nyumba, umeme, maji, usafiri, matibabu, bila kusahau posho za kila aina zikiwepo za kupasha viti moto kwenye vikao.