Mifuko ya Hifadhi ya jamii, imsapoti Rais kuwekeza kwenye Uvuvi Bahari Kuu

[Azizi Mussa]

wakuu salaam,
Kwa yeyote itakayempendeza anaweza kuichukua na kuifanyia kazi

“Suala la maendeleo ya nchi si la Rais peke yake bali yeye huonesha njia na wadau pamoja na wananchi ’kulingana na uwezo na mazingira’ husaidia kimawazo na kwa matendo ili kufikia lengo mahususi”

Katika maeneo ambayo nchi yetu bado haijaweza kuvuna rasilimali zake na kujinufaisha, ni eneo la kuvuna “mali” bahari kuu.Tanzania inalo eneo kubwa sana la bahari kuu linalojulikana kama “EEZ” (kwa mujibu wa sheria za kimataifa)ambapo nchi ina haki ya kulinda na kutumia rasilimali za eneo hilo kwa maslahi yake yanyewe. Eneo hilo lina samaki wengi, wakubwa na wanaopendwa dunia nzima maarufu zaidi wakiwa ni wale aina ya jodari (watamu hatari!).


Kwa bahati mbaya ni kwamba watanzania bado hatujaweza kuvuna vya kutosha samaki kwenye eneo hilo licha ya kwamba samaki wanazaliana kwa mabilioni na kukua hadi kufa bila kuiona ndoano ijapokuwa kwa mbali! (dah! Mali inapotea hivi hivi aisee!). Tatizo limekuwa ni mtaji wa kuwekeza kufika huko kwa kuwa inahitajika meli kubwa zenye uwezo kubwa na vifaa vya kisasa.

​

Kwa kuwa inaonekana rais Magufuli anatamani rasilimali za watanzania ziwanufaishe watanzania na kwa kuwa Mh.rais amekuwa akisisitiza katika kujenga viwanda Tanzania ikiwemo vya samaki na kwa kuwa soko la samaki ni la kuaminika na bei ni nzuri, na kwa kuwa kuna uhakika wa kupata samaki wa kutosha kwenye bahari kuu, na kwa kuwa samaki hao wanazaliana tu wenyewe hamna na kufuga: nashauri yafuatayo:


Mifuko ya hifadhi ya jamii iwekeze kwenye eneo la uvuvi bahari kuu kwani uwekezaji kwenye eneo hilo ni salama na wenye faida nzuri kwa kweli. Kwa kufanya hivyo, faida zifuatazo zitapatikana.

​

1.Kutakuwa na uhakika wa chakula (samaki) kwa watanzania, kwa kuwa mavuno ya samaki bahari kuu ni makubwa (kuna samaki wakubwa zaidi ya ng’ombe ujue!)

​

2. Viwanda vya kuchakata hao samaki vitajengwa na kuleta ajira kwa watanzania.

​

3.Watanzania watakaoajiriwa kwenye viwanda watajiunga na mfuko husika na kuchangia kama wanachama (faida itakuwa inazunguka ndani kwa ndani).


4. Serikali itakusanya kodi ya kitakachozalishwa na kuongeza mapato.


5.Mfuko utakaowekeza utatengeneza faida nzuri na ya uhakika.

​

6.Minofu mingine itauzwa nchi za jirani na kuingiza $’s. Hivyo kuinua uchumi wa nchi. Hizi ni faida chache tu miongoni mwa nyingi ambazo sijazitaja kufupisha mada.


Ni wito sasa mifuko ya hifadhi ya jamii kuwekeza kwenye eneo hili ambalo ni kama halijaguswa “Virgin” na lenye uhakika wa faida kwani kwa sasa mifuko yote inawekeza kwenye majengo, na miaka kadhaa ijayo upo uwezekano wa mifuko hiyoo kujikuta ikiwa imejenga majengo mengi kuliko wapangaji na kujikuta wakipata hasara kwa kukosa wapangaji wa kutosha.Ni vema kuiona fursa hii na kwa pamoja tukajenga uchumi wan chi yetu.


Asanteni.

 

[Azizi Mussa]

wakuu karibuni kwa maoni yenu.

 

[Azizi Mussa]

aisee

 

[Haki sawa]

Maharamia wa Kisomali wanafanya biashara ya uvuvi wa bahari kuu kuwa expensive ......kwani wao ni kati ya maeneo ambayo wanapata kipato cha kuendesha shughuli zao baada ya kushindwa kuteka Meli za Mafuta .......

 

[Azizi Mussa]

Maharamia wa Kisomali wanafanya biashara ya uvuvi wa bahari kuu kuwa expensive ......kwani wao ni kati ya maeneo ambayo wanapata kipato cha kuendesha shughuli zao baada ya kushindwa kuteka Meli za Mafuta .......

Mkuu hilo eneo ni kubwa mno kiasi kwamba hao jaamaa hawawezi kulicover hata kama wanavua kweli, na pia kuna wageni wanavua, mbona wao hawakutani na hao maharamia.

 

[Mwanagenzi]

Mkuu Bethlehem umenena vema! Hakika hu mdogo katika wajumbe wa JF!

Binafsi toka jana JPM alipotoa changamoto kwa mifuko ya hifadhi ya jamii, eneo la kwanza nililolifikiria ni hilo la uvuvi katika bahari kuu na viwanda vyake.
Pia viwanda vya ngozi, nyama na machinjio ya kisasa ni maeneo ambayo mifuko inaweza kuwekeza. Migodi na viwanda vya kuchakata vito pia ni eneo la kuangaliwa.

 

[kwemanga1]

Serikali ielekeze kama walivofanya ujenzi wa Udom

 

[Azizi Mussa]

Binafsi toka jana JPM alipotoa changamoto kwa mifuko ya hifadhi ya jamii, eneo la kwanza nililolifikiria ni hilo la uvuvi katika bahari kuu na viwanda vyake.
Pia viwanda vya ngozi, nyama na machinjio ya kisasa ni maeneo ambayo mifuko inaweza kuwekeza. Migodi na viwanda vya kuchakata vito pia ni eneo la kuangaliwa.

mkuu kwingine sawa lakini kwenye migodi hapana aisee, huko kuna risk kubwa mno.kwenye migodi ni ama kupata ama kupoteza! hatariiii! ila kwingine sawa. Ila kwenye hili la kuvuna rasilimali za bahari kuu mimi linanivutia sana.kwa kweli huko kuna utajiri mkubwa mno wa asili tena wa uhakika aisee.Kumbuka ni suala la kuvuna tu aisee!. yaani kama wakiona eneo hili na kuwekaza tutakuza uchumi sana.

 

[Azizi Mussa]

Serikali ielekeze kama walivofanya ujenzi wa Udom

nafikiri ni suala la wenyewe tu kuona fursa na kuichangamkia.ujue suala la kuelekezwa au kuagizwa hupati hamasa kama kuanza mwenyewe.

 

[Franco Zetta]

Huu uzi nime ukubali vilivyo ni miongoni mwa fursa za kuipandisha nchi hii kiuchumi na raia wake ni hii,migodi bado sana hatuna uwezo wa kudhibiti pato lake na hata Mwalimu Nyerere ali tahadharisha ila wakubwa walisha fungulia mbwa tuna achiwa mashimo tu hivi sasa na STAMICO shirika lilopaswa kuwa na nguvu kutokana na utajiri wa Raslimali madini tuliyo nayo pengine ndio maskini zaidi ya mashirika yote nchini,nikirejea kwenye Uvuvi hapa ndio ulipo jificha hasa utajiri wa Watanzania ni bahati mbaya sana Viongozi tunao kuwa nao wengi wao ni Wafujaji tu na wabinafsi hawana uchungu wa kweli kwa nchi hii na raia wake, vinginevyo Mwalimu alisha tuwekea misingi ya kila kitu ila wajanja zaidi badala ya kuiendeleza waka jinufaisha na kuua kabisa,bado nina jiuliza sana sababu ya kifo cha shirika la uvuvi pekee nchini na lililo kuwa na tija na miundo mbinu bora kwa wakati wake TAFICO,meli za uvuvi ikiwemo mama tafico,Refrigeration centre kubwa Kurasini, packaging materials zilizo kuwa na ubora wa kusafirishia aina tofauti za samaki wakiwemo Kamba,hapakuwa na sababu ya kufa shirika lile kama Bahari tunayo na haija kauka ila ndio hivyo wenye akili zaidi waliona lina wazibia maslahi yao wakaliua na wakasajili meli za Wagiriki kufanya shughuli za uvuvi mahala pake kama ilivyo kuwa kwa NASACO ila ah! Ndio Tanzania yetu hii,sijui mwelekeo wa baadae, lakini ina furahisha kuwa kunao Watanzania wachache wenye kuiona fursa hii kama mtoa mada,na kama mashirika tajwa ya kijamii ya kiona umuhimu uliopo kudhamini uwekezaji katika sekta hii basi Tanzania na Watanzania tutabadilika bila ya shaka yoyote na si lazima wote twende shamba au kuchunga, Lakini je ipo dhamira ya kweli kwa viongozi wetu? hilo ndio la kujiuliza.

 

[kwemanga1]

nafikiri ni suala la wenyewe tu kuona fursa na kuichangamkia.ujue suala la kuelekezwa au kuagizwa hupati hamasa kama kuanza mwenyewe.

Ni kweli usemayo, ila kwa hali ilivyo sass hivi nchini, ni ngumu kwa haya mashirika viongozi wanamuogopa mkuu wa kaya, bila kupewa maelekezo ni ngumu kutekeleza, sasa hivi ukipita ktk haya mashirika wamekua waoga, kila mtu anaogopa kutumbuliwa

 

[Azizi Mussa]

kama mashirika tajwa ya kijamii ya kiona umuhimu uliopo kudhamini uwekezaji katika sekta hii basi Tanzania na Watanzania tutabadilika bila ya shaka yoyote na si lazima wote twende shamba au kuchunga,

Mkuu umeongea jambo muhimu sana. sasa hivi kuna tatizo la watu wote kuona kitu kimoja na kila mtu kukimbilia hapo hapo na mwishowe wote wanawekeza na kusongamana kwenye kitu kimoja na mwishowe sekta waliyowekeza ikiyumba wanakwama wote.(mayai kwenye kapu moja).kwa mfano suala la mifuko hii kuwekeza kwenye majengo ni zuri maana majengo yana risk ndogo lakini kwa kuwa wote wanawekeza hapo hapo tu na maeneo yale yale, mimi nahofia kuwa baada ya muda si mrefu, hii mifuko itakuwa na maofisi mengi ya kukodisha mjini kuliko wahitaji (hasa kwenye kwenye yale majengo makubwa sana), mwishowe eneo kubwa litabaki bila matumizi na hivyo kuzua hali ya sintofahamu.

 

[Franco Zetta]

Mkuu umeongea jambo muhimu sana. sasa hivi kuna tatizo la watu wote kuona kitu kimoja na kila mtu kukimbilia hapo hapo na mwishowe wote wanawekeza na kusongamana kwenye kitu kimoja na mwishowe sekta waliyowekeza ikiyumba wanakwama wote.(mayai kwenye kapu moja).kwa mfano suala la mifuko hii kuwekeza kwenye majengo ni zuri maana majengo yana risk ndogo lakini kwa kuwa wote wanawekeza hapo hapo tu na maeneo yale yale, mimi nahofia kuwa baada ya muda si mrefu, hii mifuko itakuwa na maofisi mengi ya kukodisha mjini kuliko wahitaji (hasa kwenye kwenye yale majengo makubwa sana), mwishowe eneo kubwa litabaki bila matumizi na hivyo kuzua hali ya sintofahamu.

Unalo eleza ni sahihi kabisa na ni kweli hapa na pale athari zimesha jitokeza majumba makubwa mengi city centre hayana wapangaji wakati mengine yana zidi kujengwa na hali hii ita sababisha mrejesho wa gharama za ujenzi kuchukua miaka mingi,ni ugeni wa masuala ya uwekezaji tulio nao kuanzia wataalam wetu katika mashirika mpaka wananchi biashara ni za kuigana tu kama ulivyo eleza saloon hapa saloon nyumba ya pili kadhalika na mabaa,ni woga uliopitwa na wakati hakuna biashara yenye mafanikio isiyo na risk ndio maana biashara zetu zina dumaa kwa mitaji duni kwa kuogopa mikopo benki maana hatujiamini na bahati mbaya Watanzania hatupewi elimu ya maandalizi ktk kujiajiri na kuchukua mikopo,kama ina tolewa ni kwa ufinyu sana.

 

[Azizi Mussa]

Ni kweli usemayo, ila kwa hali ilivyo sass hivi nchini, ni ngumu kwa haya mashirika viongozi wanamuogopa mkuu wa kaya, bila kupewa maelekezo ni ngumu kutekeleza, sasa hivi ukipita ktk haya mashirika wamekua waoga, kila mtu anaogopa kutumbuliwa

Mkuu wa nchi ndo kasema anataka viwanda, kwa hiyo kwa hilo atapewa ushirikiano sana bila shaka.

 

[Azizi Mussa]

Suala la maendeleo ni suala la wadau wote jamani.

 

[Gracious]

Muwe mnashirikisha akili kwenye kufikiri

Mifuko ya hifadhi ya Jamii haiwezi kuwekeza kwenye Risky Projects kama hizo

Social security schemes zinapaswa kuwekeza katika Treasury securities ambazo ni less risky...Kwenye shares za very stable companies and kwenye real estate hasa katika Prime areas......

Mifuko ya jamii haiwezi kuanza kufanya kazi ya kuuza samaki

Halafu msitake kuilazimisha mifuko ya jamii kutimiza ajenda zenu za kisiasa na ahadi zisizotekelezeka

 

[Gracious]

Mkuu wa nchi ndo kasema anataka viwanda, kwa hiyo kwa hilo atapewa ushirikiano sana bila shaka.

hela ya mifuko ya hifadhi za jamii ni ya wanachama sio ya serikali...serikali haina mamlaka nayo

 

[Azizi Mussa]

Muwe mnashirikisha akili kwenye kufikiri

Mifuko ya hifadhi ya Jamii haiwezi kuwekeza kwenye Risky Projects kama hizo

Social security schemes zinapaswa kuwekeza kwenye real estate hasa katika Prime areas......

Mifuko ya jamii haiwezi kuanza kufanya kazi ya kuuza samaki

mkuu, Mh. Rais ulimsikia jana? je una maoni gani kuhusu alichokisema jana kuhusu mifuko ya hifadhi ya jamii!

 

[bagamoyo]

Naunga mkono serikali iangalie sekta ya uvuvi bahari kuu kwa kununua vyombo vya uvuvi na kuvitoa kwa mkopo nafuu kama Mozambique


Vyombo vya kisasa kwa ajili ya uvuvi wa samaki bahari kuu vilivyonunuliwa kwa mkopo na serikali ya Mozambique Mozambique's tuna fleet rusts as an African success story fades

 

[Gracious]

mkuu, Mh. Rais ulimsikia jana? je una maoni gani kuhusu alichokisema jana kuhusu mifuko ya hifadhi ya jamii!

hujui kuwa yeye ni layman kwenye masuala ya uchumi