GAGL
JF-Expert Member
- Aug 5, 2010
- 392
- 400
Kwa kweli nashindwa kuelewa serikali yetu chini ya mhe Kikwete inaelekea wapi. Kwa sasa mafuta ya aina zote namaanisha dizeli, petrol na mafuta ya taa ni sh. 2000 kwa lita. Sasa najiuliza anakuwa na ujasiri gani wa kuwaambia wauza sukari washushe bei wakati gharama za kusafirisha ni kubwa kiasi hiki. Mhe. serikali yako haina mpango wowote wa kuwawezesha vijana wengi wasio kuwa na ajira japo hata kwa kuwapa mitaji, sasa unategemea katika hali ya kupanda kwa gharama za maisha hivi waishi vipi bila ajira? Akitokea mtu wa kuwashawishi waingie mtaani kuandamana kudai unafuu wa maisha utawaambia wanahatarisha amani? Maana nashindwa hata kuona faida ya hiyo amani kama watu hawana amani moyoni tena wale walio nguvu kazi ya taifa. juzi naibu waziri wa fedha ameongea juu ya kutunisha mfuko wa mkopo kwa wabunge na wafanyakazi wa serikali, lakini hakuzungumzia kuhusu mfuko wa kuwawezesha wahitimu wa vyuo wanaotaka kujiingiza katika ujasiriamali. Hii inasikitisha sana, sijui kama unaelewa kuwa ukosefu wa ajira ni bomu zaidi ya yale ya gongo la mboto. Tukimbilie kwa mjomba gani kumpelekea shida zetu wakati wewe unaelewa na hauchukui hatua? Mnatuambia tuunde vikundi ili tuwezeshwe, mimi ni mwanakikundi, lakini ukweli ni kwamba hakuna hata ofisi moja ya serikali yako ambapo watu wanaweza pewa fedha za kuendesha miradi waliyobuni, sana utajibiwa kuwa, ofisi inafanya kazi ya kuwa-recomend kwa wafadhiri tu. kama mimi muongo, tazama kazi inayofanyika idara ya vijana chini ya wizara ya habari na pia tume ya uwezeshaji ya taifa, hakuna kitu pale, kulipana mishahara tu. Kali nikikaa na kufikiri naona elimu niliyopata imefanya kazi ya kuwafirisi wazazi wangu kwa kunilipia karo na bado hadi leo bado wanaendelea kunisaidia fedhe ya matumizi, ajira za kuajiriwa hakuna wakati tunaambiwa uchumi unakua, kuwezeshwa kijasiriamali pia hakuna, zimebakia siasa tu, manataka tufanyeje?