nngu007
JF-Expert Member
- Aug 2, 2010
- 15,860
- 5,803
[h=2][/h]JUMAMOSI, SEPTEMBA 29, 2012 08:45 NA MWANDISHI WETU, DAR ES SALAAM
MGOMBEA wa nafasi ya Ujumbe wa Halmashauri Kuu ya Chama Cha Mapinduzi (CCM), Sango Kasera, amesema anaamini ana sifa za kuitumia nafasi hiyo, huku akiwataka wajumbe wa UVCCM kumuunga mkono.
Kasera ambaye alikuwa anawania nafasi ya Makamu Mwenyekiti wa UVCCM Taifa, alisema, hatua ya kukatwa jina lake katika kuwania nafasi hiyo na kupata nafasi ya kugombea nafasi ya ujumbe wa Halmashauri Kuu ya Taifa kupitia UVCCM, ni mchakato wa kawaida ndani ya CCM, hasa inapotokea idadi ya wagombea kuwa zaidi ya mmoja.
Akizungumza na MTANZANIA jijini Dar es Salaam jana, Kasera alisema kwa kuwa CCM ndiyo inayoongoza Serikali ni wazi Halmashauri Kuu ya CCM itakapokuwa na wajumbe mahiri kama yeye, itaweza kumudu na kupigania maslahi ya Watanzania kwa vitendo.
Agenda kubwa zinazoyakabili maisha ya Watanzania, ni pamoja na vijana kukosa ajira na akina mama kuwa na mazingira magumu katika kupata huduma za afya na utunzaji wa familia.
Mbali na hayo, pia wanaume wanakabiliana na hali ya mdororo wa uchumi, ambao unaathiri maisha ya watu wengi katika dunia ya sasa.
Kwa maana hiyo, nitakapochaguliwa kuwa mjumbe wa NEC kama ninavyogombea, nitahakikisha ninakuwa daraja huru la kusaidia kusukuma agenda zinazolenga kuiamsha Serikali kuhusu namna njema ya kujenga nchi yetu.
Sambamba na kuhamasisha chama chetu kubakia kuwa chama bora kwa maslahi ya Watanzania, ninatambua kuwa, jukumu la mjumbe wa NEC pamoja na mambo mengine ni kuifahamisha, kuitaarifu na kuieleza Serikali juu ya hali ya maisha ya wananchi, sambamba na mtazamo wao kwa mantiki ya kukiendeleza na kukidumisha chama chetu.
Kwa bahati nzuri, nina muda wa kutosha kutumikia nafasi hii na hili nalisema kwa kuwa nina mapenzi ya dhati kwa chama chetu na ninaamini kuwa, bila uwepo wa CCM madhubuti nchi hii itayumba.
Sikushinikizwa na yeyote kuomba nafasi hii na wala sina agenda zaidi ya kukisaidia chama chetu, ili kibakie katika duru za kuongoza Serikali ya nchi yetu.
Kwa kuwa mimi ni kijana makini na wajumbe wa Baraza la Umoja wa Vijana wa Taifa wananijua vizuri, ninawaomba kwa heshima kubwa kuwekeza kura zao kwangu, ili niwalipe utumishi uliotukuka, alisema Kasera.
Mgombea huyo wa NEC, aliushukuru uongozi wa CCM Taifa, pamoja na viongozi na wanachama wote nchini kwa kumpa nguvu wakati wote hasa katika kuwania nafasi hiyo.