Mdunguaji wa Goma; Season2(sumu haionjwi).

[Kudo]

MDUNGUAJI WA GOMA:2

NA; BAHATI K MWAMBA

SIMU; 0758573660/0658564341.

1.

Zilikatika dakika thelathini bila mjumbe wa mwisho kuingia kwenye kikao cha dharura, simu zake hazikuwa zikipatikana na hata namba yake ya nyumbani haikupokelewa, jambo ambalo liliwafanya wajumbe wawili waliokuwa wamewahi kufika kwenye chumba cha mikutano, kuingiwa na wasiwasi. Kila walichojaribu kufikiria hakikuwashawishi kuendelea kusubiri zaidi ijapokuwa, hawakujua wafanye nini ili wasiendelee kungoja. Wote wawili walijikuta wakikigeuza chumba cha mkutano kama uwanja wa mazoezi ya kutembea, mmoja alitoka kushoto kwenda kulia huku akiburuza ulimi wake na kutoa sauti ya mfyonzo, mwingine akitoka kulia kwenda kushoto huku nae akiburuza ulimi wake mithili ya kinyonga amezae supu ya nzi. Kutembea kwao ndani ya kile chumba halikuwa zoezi pekee la kushughulisha miili yao, walitembea huku wakirusha mikono huku na huko kama mwalimu wa kwaya. Kiyoyozi kilichokuwa kikifanya kazi ya kupooza joto la miili yao ni kama kilikuwa likizo licha ya kuwa kilikuwa kikifanya kazi yake ipaswavyo, lakini hekaheka za wale mabwana zilificha kazi yake, miili yao ilitoa jasho la hofu, jasho la kiwewe na kihoro.

“Kwa mara ya kwanza Boys among men tumetikiswa na tumekubali kutikisika.” Hatimae mmoja wa wale mabwana alipata kauli iliyopenya kwenye ngome za masikio ya mwenzake, wote wakasimama huku kila mmoja akitazama upande wake bila kujali kama walikuwa ni wao ndani ya kile chumba.

‘Kiukweli tumetikiswa na tumetikisika ndani ya ngome yetu wenyewe, tumeruhusu mgeni aguse mikia yetu.” Mwingine nae aliunga hoja huku akimalizia kwa kusonya mithili ya mtu avutae uroto kwenye mfupa wa kuku wa kienyeji.

“Kama Omega' aliaga kwake na akatuthibitishia yupo njiani, lakini ghafla hapatikani na muda wa mkutano umelika kwa dakika zaidi ya arobaini, bila shaka kuna jambo na jambo laweza kuwa kubwa.” Yule alieanza kuongea awali, aliongea tena huku wakati huu akipitisha mkono wake wa kuume kwenye kichwa chake kilichootesha nywele chache zilizochangamana na mvi za kurashia, umri wake ulisogea karibu na miaka hamsini na saba au tisa kwa makadirio, mzee huyu mara nyingi alipenda kujiita Alpha’one na alikuwa ni kiongozi ndani ya kundi lao la watu watatu waliojiita, Boys among men. Kundi ambalo kilikuwa ni la kifedhuli na ujanja mwingi ndani na nje ya nchi, waliishi kwa kupora mali halali na zisizo halali ili mradi akaunti zao ziendelee kutuna na wao kuishi maisha ya anasa na starehe za kidunia. Wote watatu walikuwa ni wastaafu wa jeshi la wananchi, lakini ukwasi wao haukuwa sawa na viinua mgongo vyao wala vyeo walivyokuwa navyo jeshini. Siri ya utajiri wao waliijua wao na siri hiyo ilichagizwa zaidi na safari yao ya kutumikia jeshi la kulinda amani chini ya mwamvuli wa kulinda amani huko nchini Congo, nafasi hiyo waliitumia vema, waliiba madini na kuuza silaha haramu kila walipopata nafasi wakishirikiana na baadhi ya wanajeshi wa nchi ya Congo, ambao nao walikuwa watu wa kibaba hakijai bila kujazwa, watu wa michongo. Lakini siku zote watu husema, madini yana laana na mara nyingi wanaojihusisha nayo kwa njia haramu, huishia kubaya; kuuana ama kuzuliana chuki huwa ni laana ya kwanza kwa watu wa aina hiyo na ndivyo ilivyokuwa kwa hawa Boys among men. Wakiwa katikati ya kuhujumu nchi zao huku wakijitahidi kufua na kutakatisha pesa zao, walijikuta kwenye mgongano wa kimasilahi baina yao na kundi la wahujumu wa nchini Congo. Mgongano huo ukazua vita kubwa baina yao, lakini Boys among men wakaamua kukubali kushindwa na walifanya hivyo kwa sababu walikuwa nje ya nchi yao, wakachukua walichibakiza na kurejea nchini baada ya mkataba wao kumalizika, wakajiwekea himaya yao huku wakiendelea kutanua mikono yao haramu, walipohakikisha wamepata nguvu mpya na wanaukwasi wa kutosha, wakaamua kurejea nchini Congo kupambana na wabaya wao, lakini urejeaji wao haukuwa wa wao kupanda ndege na kutua kwenye ardhi ya Congo, walimtuma mtu, mtu wakazi ambae alienda kufanya walichomtuma mabwanyenye wale. Katikati ya kazi hiyo kuna kosa moja lilifanyika, kosa ambalo si huyo mammluki ama wao Boys aliyeligundua na wakaliacha bila kuwa na shaka na kosa hilo na hapo ukazuka ule usemi maarufu wa watu wa kale ambao ulisema; kisasi cha damu humaliza vizazi. Wahenga waliona mbali lakini kwa wakati huu haikuhitaji urithi wa vizazi, ilikuwa ni kisasi kwa walioanza kufanya na waliofanyiwa. Ilihitaji akili kutatua na kumaliza uhasama ulioanza kuota mizizi, lakini nani atabutua kopo na kuibuka mshindi wa jumla? Ikabaki kuwa kombolela ya wasichana na wavulana, kula na kula na kuliwa.

“Lakini bado sina hakika kama amejaa mtegoni.” Jamaa mwimgine ambae umri wake ulikuwa kati ya miaka hamsini na tano hadi hamsini na nane, mara nyingi wenzake walimuita Rich'one.

“Ngoja nipige simu yake kwa mara nyingine tena.” Alpha’one alisema huku akiingiza mkono kwenye moja ya mifuko ya suruali yake na kutoa simujanja, alibonyeza hapa na pale na kuweka sikioni na muda mfupi baadae aliitoa huku uso wake ukionekana kukunjamana kwa sononeko.

“Hapatikani!” Alisema huku akirejesha simu mfukoni mwake.

“Lakini kwa nini tuhofie vitisho?” Rich'one aliuliza huku akijikuna shavu lake la kushoto.

“Wasiwasi ndiyo akili lakini hivi si vitisho tu, kazi yao umeiona na hadi sasa tumepata hasara ya zaidi ya bilioni kumi na ushee, wamedhamiria haswaa!”

“Lakini swali la msingi kwa wote, ni kina nani hawa watu? Kwa nini wameamua kulenga sehemu tulizowekeza pesa nyingi?”

“Unachojiuliza ndicho ninachojiuliza pia, lakini kikubwa ni kuchukua tahadhari wakati tukiendelea kufuatilia kwa kina kilichonyuma ya haya yote na ni adui wa upande gani ambae ameamua kuja na fitina kubwa kiasi hiki.”

“Duh! Ila inani….!” Rich'one hakumalizia kauli yake, mlango wa chumba chao cha mkutano ulisukumwa kwa nguvu na sekunde chache baadae, mtu mmoja mfupi na mnene kiasi aliingia huku mwili wake ukionekana kutota kwa jasho, uso wake ulijaa wasiwasi mkubwa. Yule bwana alipoingia aligeuka na kuusukuma mlango nyuma yake, kisha akaufunga kwa komeo huku akihema kama mwanariadha aliyeshindwa kumaliza mbio. Muda wote wenzake walikuwa wakimtazama bila kusema neno.

“Tunawindwa!” Ilikuwa kauli ya kwanza kutoka kwa yule mtu, kauli ambayo iliwafanya wenzake wawe makini kusikia kauli nyingine ambayo ingeliwapa la kusema.

“Wakati natoka nyumbani nilihisi kuna kitu hakipo sawa, wakati nipo njiani shaka yangu ikatimia, kulikuwa na pikipiki ikinifuatilia kila nilipoenda na hata nilipojaribu kutumia uzoefu wa kulijua jiji, lakini bado mfuatiliaji hakukoma.” Jamaa alisema huku akichukua chupa ya maji iliyokuwa mezani na kuginda funda kadhaa za maji ili kutuliza koo.

“Kwa nini hukutoa taarifa ili abananishwe?” Rich'one alimuuliza.

“Niliamua kuzima simu zangu baada ya kuhisi alikuwa akitumia GPS kunifuatilia, maana kila kona niliyopiga na kuhisi nimempoteza, nilishangaa akiibuka nyuma yangu kama mzimu.”

“Ulifanya kosa kubwa sana bwana Omega'one, hatuishi hivyo. Toa taarifa kisha zima simu zako na ukiwa na uhakika ya kuwa kuna msaada unakufuata. Siku nyingine usifanye hivyo.” Alpha'one alimuonya.

“Kwa kuwa hamjui hali niliyokuwa nayo na…”

“Wewe ni mwanajeshi mstaafu, unatetereka vipi kirahisi namna hiyo?”

“Nilishindwa kujizuia baada ya kuhisi ubaya wa mtu aliyekuwa nyuma yangu na mtu yule alikuwa akinipa ujumbe kupitia mavazi yake, ndiyo sababu nikawa na wenge ndugu zangu.”

“Ujumbe? Ujumbe gani?”

“Ujumbe kutoka Congo, ujumbe wa kifo!”

“Umejuaje ni ujumbe wa kifo! Umejuaje ni ujumbe kutoka Congo?”

“Yule bwana alivaa jezi ya timu ya taifa ya Congo, kifuani kukiwa na picha ya bastola!.”

Chumba kikawa kimya kwa sekunde kadhaa, hakuna aliyesema wala kuguna, tafakari ikabaki vichwani mwao na hawakuwa tayari kupuuzia ujumbe kutoka kwa Omega'one ambae aliingia akiwa mwingi wa wasiwasi.

“Lakini inaweza kuwa ni vazi lake la kawaida.” Rich'one alisema huku akivutavuta mkia wa tai yake.

“Mh! Haiwezi kuwa ni kawaida, tangu lini jezi ya taifa ikaambatanishwa na picha ya silaha?” Alpha alihoji huku akimtazama Omega.

“Yule mtu ni mjuzi sana wa kutumia pikipiki, haonekanai kuwa kanjanja wa mjini.” Omega aliendelea kusisitiza shaka yake juu ya mtu aliyekuwa akimfuatilia tangu alipotoka nyumbani kwake.

“Huyu mtu alitutumia ujumbe wa vitisho usiku wa jana, tusisahau ni siku mbili visima vya kuhifadhia mafuta yetu kule Kigamboni vililipuliwa na bomu la kurusha kwa mkono, tumekula hasara kubwa na imetuacha na deni kubwa kwa kampuni zilizokuwa zimeshalipia kiasi kikubwa cha mafuta, kiukweli hatuhitaji kupuuza lolote hata kama linatoka kinywani mwa mtoto mchanga.” Alpha alisema huku akijikuna kichwa chake.

“Lakini tujiulize swali moja, kwa nini hajatudhuru hadi sasa?” Rich alichombeza swali huku macho yake yakiwatizama wenzake.

“Kwanza tuondoe kumtafsiri kama nafsi moja kwa sababu hatujui ni mmoja, wawili au ni zaidi ya idadi tunayoitabiria. Kama ni mmoja basi atakuwa ni profesheno wa kufanya kazi yake, anataka kutupa mateso ili atuwinde kirahisi lakini kama wapo wengi, mipango yao ni kuhakikisha wanajua maficho yetu kwa muda wote wanaotuwinda na mwisho watafanya walichokusudia.” Alpha alijibu kwa namna alivyokuwa akihisi.

“Lengo lake au tuseme lengo la kuwindwa kwetu ni nini? Hili ni swali ambalo tunapaswa kujiuliza kabla ya kuwaza njia ya kujiokoa.” Omega aliongea huku akikaa kwenye kiti kilichokuwa kando yake.

“Kama ulimuona mtu akiwa na vazi la nchi ya Congo, huko ndiko kunakotokea haya mashambulizi. Watu wanataka mali tuliyopora au pengine wanataka kulipiza kisasi kwa kile alichokifanya mamluki wetu.” Alpha alisema.

“Lakini si tulifagia wajinga wote?”

“Kuna mjinga mwingine aliachwa na pengine ndiye anaeweza kuwa anatuhujumu.”

“Nani?”

“Zibuabanda!"

 

[Kudo]

“Huyu mtu alitutumia ujumbe wa vitisho usiku wa jana, tusisahau ni siku mbili visima vya kuhifadhia mafuta yetu kule Kigamboni vililipuliwa na bomu la kurusha kwa mkono, tumekula hasara kubwa na imetuacha na deni kubwa kwa kampuni zilizokuwa zimeshalipia kiasi kikubwa cha mafuta, kiukweli hatuhitaji kupuuza lolote hata kama linatoka kinywani mwa mtoto mchanga.” Alpha alisema huku akijikuna kichwa chake.

“Lakini tujiulize swali moja, kwa nini hajatudhuru hadi sasa?” Rich alichombeza swali huku macho yake yakiwatizama wenzake.

“Kwanza tuondoe kumtafsiri kama nafsi moja kwa sababu hatujui ni mmoja, wawili au ni zaidi ya idadi tunayoitabiria. Kama ni mmoja basi atakuwa ni profesheno wa kufanya kazi yake, anataka kutupa mateso ili atuwinde kirahisi lakini kama wapo wengi, mipango yao ni kuhakikisha wanajua maficho yetu kwa muda wote wanaotuwinda na mwisho watafanya walichokusudia.” Alpha alijibu kwa namna alivyokuwa akihisi.

“Lengo lake au tuseme lengo la kuwindwa kwetu ni nini? Hili ni swali ambalo tunapaswa kujiuliza kabla ya kuwaza njia ya kujiokoa.” Omega aliongea huku akikaa kwenye kiti kilichokuwa kando yake.

“Kama ulimuona mtu akiwa na vazi la nchi ya Congo, huko ndiko kunakotokea haya mashambulizi. Watu wanataka mali tuliyopora au pengine wanataka kulipiza kisasi kwa kile alichokifanya mamluki wetu.” Alpha alisema.

“Lakini si tulifagia wajinga wote?”

“Kuna mjinga mwingine aliachwa na pengine ndiye anaeweza kuwa anatuhujumu.”

“Nani?”

“Zibuabanda!”

“Mh! Zibuabanda hana nguvu kiasi hicho. Yule alikuwa ni mbwa wa kutumwa huku na huko na bwana zake. Hili liko zaidi ya uwezo wake.”

“Kama siye, ni nani mwingine? Au kuna masalia?”

“Moja kati ya watu wanaofanya kazi zao kwa ufanisi mkubwa ni pamoja na Miguu ya kuku, sina hakika kama aliweza kuacha salia, kazi yake ilitikisa Dunia.”

“Ni nani mwingine? Uuggh!”

“Tuna maadui wengi sana, tutu….!” Alpha hakumalizia kauli yake, king'ora cha tahadhari ndani ya jengo la mauzo kilikuwa kikitikisa ngoma za masikio yao kuashiria kuna jambo la dharura limejitokeza na jambo hilo ni moto. Jengo hilo lilikuwa na mifumo maalumu ya kunasa viashiria vya moto na kutoa tahadhari kwa watumiaji wa jengo hilo.

“Shiiit! Ni nini hicho!!?” Rich'one aliuliza kwa sauti huku akikimbilia dirishani na kufunua pazia kisha akavuta kioo na kutoa kichwa nje kujaribu kuona kilichokuwa kikijiri upande wa chini wa jengo la mauzo, wao walikuwa upande wa juu wa jengo, ghorofa ya mwisho.

“Kuna moto ghorofa ya tatu na…” Hakumalizia kauli yake baada ya kujikuta akiruka kwa kasi na kuanguka chini huku akitoa sauti ya hamaniko mithili ya mtoto aliyepokonywa pipi mdomoni mwake. Siyo yeye tu, wenzake nao walijikuta wakijiangusha chini na kulala kifudifudi kama wezi walionaswa na sungusungu wa mtaa, walihema hovyo kwa wasiwasi.

“Mko salama?” Alpha aliwauliza wenzake huku akitambaa chini kuelekea kwenye dirisha lililokuwa wazi huku kukiwa na tundu kubwa la risasi upande ambao kulikuwa na kioo kilichofunguliwa nusu, alipolifikia alijiinua huku akitumia pazia kujikinga, alivuta pazia na kufunika dirisha lote kisha akavuta kioo na kufunga.

“Mse@@@ng# anaakili sana, alijua ni lazima tutafungua dirisha ili kuangalia kilichokuwa kikiendelea.” Alpha aliwambia wenzake huku akivuta bastola iliyokuwa kiononi mwake, akaondoa kilinda usalama na kuwataka wenzake wasimame.

“Uugh! Oh! Mjinga kanikosa kidogo sana la sivyo, mngekuwa mnaniimbia Baba Jeni baibai. Haki siamini!.” Rich'one alisema huku akijiinua chini na mkono wake mmoja ukifuta jasho jingi lililokuwa likitoka kila kona ya mwili wake, mwili wake haukuwa na amani baada ya kukoswa risasi na mdunguaji ambae hawakujua alikuwa jengo gani kati ya mengi yaliyokaribu na jengo walilokuwamo.

“Huu si utani tena watu wapo kazini, roho zetu zinawindwa na anaetuwinda anatufahamu vizuri sana.” Alpha alisema huku akipiga hatua kuuendea mlango wa kutoka ndani ya chumba cha mikutano.

“Kitendo cha jengo hili kuwashwa moto na mdunguaji kutega windo hakikutokea kwa bahati mbaya, moto umewashwa ili kuzidi kutuchanganya, tuweni watulivu.” Omega alisema huku nae akiondoa kilinda usalama kwenye bastola yake, akapiga hatua kumfuata Alpha aliyekuwa ameufikia mlango na kugusa kitasa chake.

“Hatupaswi kuachana, tukikimbia kila mtu njia yake tutamrahisishia huyu mwanaharamu kazi ya kutuchakaza, tuondoke kwa pamoja.” Rich'one alisema huku nae akivuta bastola yake na kuiwea vema mkononi mwake, akawafuata wenzake na wakatoka nje ya chumba cha mikutano yao, moja kwa moja walielekea upande uliokuwa na kambarau ya dharura ambayo ni wao pekee walijua inafungukaje, kambarau nyingine iliyotumika kila siku ilikuwa bize kushusha watu wengi waliokuwa kwenye hekaheka za kulikimbia jengo la mauzo lililokuwa likiendelea kuteketea kwa moto hasa ghorofa ya tatu, sehemu zingine ving'ora vya tahadhari viliendelea kupiga kelele huku mashine za kuzima moto ndani ya jengo zikiendelea kupambana kumwaga maji kwenye vyumba ndani ya lile jengo.

Wazee watatu wakiwa na bastola zao mikononi waliendelea kupiga hatua kwenye korido za ghorofa ya saba, hawakujali maji yaliyokuwa yakitiririka na kuwalowesha suti zao, walichojali wakati huo ni kufika salama kwenye kambarau na waitumie kushuka upande wa chini kabla hawajakutana na dhahama nyingine. Ni wao pekee waliokuwa na nusu ya ukweli ni kwa nini jengo lile lilikuwa likiwaka moto, lakini wakati huo haukuwa rafiki kwao kujadili kilichotokea, walihitaji kuwa salama kisha wajipange upya kupambana na adui aliyeonekana kuwa na nguvu na akili ya kufanya mambo kwa ufanisi mkubwa.

Waliifikia kambarau na kuiita, sekunde chache baadae mlango wa vioo ukajifungua na wao wakaingia ndani huku wakiwa makini wasije kuhujumiwa. Walipokwisha ingia wakaruhusu isafiri kuelekea chini ya jengo. Licha ya kambarau waliokuwemo kuwa na vioo ambavyo wao au mtu yeyote akiwa nje anaweza kuwaona waliokuwa ndani na wa ndani kuona waliokuwa nje, lakini ukweli ni kwamba vioo vile vilikuwa ni maalumu kwa usalama wa watumiaji, havikuwa vikipitisha risasi ya aina yoyote na ndiyo sababu ilikuwa haitumiwi na mtu mwingine yeyote na sehemu ya kuitia kulikuwa na tangazo, tangazo ambalo lilionesha kambarau ile ilikuwa na hitilafu lakini ukweli ni kwamba, haikuwa na hitilafu yoyote ila iliwekwa maalumu kwa dharura kama zile na watumiaji walikuwa ni Boys among men, wamiliki wa lile jengo.

Kambarau nyingine ilitumiwa na watu wote ndani ya lile jengo, nayo ilikuwa na ya vioo lakini havikuwa vioo salama kwa shambulizi la silaha. Kwa namna kambarau hizo zilivyokuwa zimewekwa ilikuwa ni rahisi mtu aliyekuwa kwenye kambarau moja kumuona aliyekuwa kambarau nyingine, zilitazamana.

Wakati wazee wa michongo wakiwa kwenye kambarau yao wakishuka chini, upande wa kambarau ya wote ilionesha ilikuwa ikipanda kuelekea juu na ilipofika ghorofa ya nne, ile iliyokuwa na wale mabwana nayo ilikuwa usawa huohuo ikishuka chini na kufanya watu waliokuwa ndani yake waonane.

“Shiiit! Huyu khanithi kafikaje huku?” Omega alijikuta akiropoka huku akikodoa macho yake kufuatisha kambarau ya upande mwingine iliyokuwa ikielekea juu, wenzake nao waliinua macho yao na kutazama na hapo walijikuta hawana swali kwa mwenzao, waliona kile walichosimuliwa muda mfupi uliopita. Ndani ya kambarau ile kulikuwa na bwana mmoja wa kimo cha wastani, mweusi kidogo na mzuri wa sura akiwa amevalia jezi ya timu ya taifa ya Congo huku kifuani kukiwa na picha ya bastola, mkononi mwake alishika bastola iliyofanana sawa na ile iliyokuwa kwenye nguo yake.

“Anaenda wapi huko juu?” Rich'one alijikuta akiuliza swali ambalo alijua hakuna wa kumjibu, kila mmoja hakuwa amejua dhamira ya yule bwana kuelekea upande wa juu wakati watu wengine walikuwa wakishuka chini kuokoa nafsi zao.

“Guys, tumekutana na mjanja kutuzidi, anafanya mambo yake kwa akili nyingi sana tena bila papara.” Alpha alisema huku akiangaza huku na huko kama aliyepoteza pesa sokoni, macho yake hayakutulia.

“Lakini bwana mdogo anasura ya upole kiasi kwamba ni ngumu mtu kumsimulia kuwa, yule ndiye anaetukimbiza kama kuku wa sikukuu.” Omega alisema na wenzake wakamtizama, nao hawakusema kitu zaidi zilisikika pumzi zao zikipishana kwa namna walivyokuwa wakivuta na kushusha pumzi zao, vifua vyao vilisinyaa na kutanuka harakaharaka, bila shaka mapigo mioyo yao yalikuwa hayapo kawaida, hofu iliwabeba kwa kiasi kilichopitiliza.

“Hebu oneni!” Alpha alivunja ukimya ulioanza kuota mizizi ndani ya kambarau iliyokuwa kwenye mwendo wa kawaida, tofauti na nyingine ambayo huwa na mwendo mkali.
Wenzake waliinua macho yao kuelekea kule alikokuwa akiwaonesha, ilikuwa ni juu kidogo ya mlango wa kambarau yao kulipokuwa na alama ya tahadhari na alama ile ilikuwa ikimweka kuonesha kulikuwa na tatizo.

“Tumebakiza ghorofa mbili kabla ya kufika mwisho, tupo kwenye ghorofa inayowaka moto. Tusimamishe na tushuke kabla mambo hayajaharibika.” Omega alisema huku akibonyeza kitufe cha kusimamisha, sekunde chache baadae mlango ulifunguka na wao wakatoka kwa kasi na kuungana na kundi la watu lililokuwa likishuka chini kwa kutumia ngazi, moto ulikuwa unaelekea kudhibitiwa na maji yaliyokuwa yakitoka kwenye mabomba ya mvua kwenye lile jengo, ikawa rahisi kwa watu kupita bila kubughudiwa na moshi ama joto la moto.

“Oh my God!” Rich’one alijikuta akiropoka huku akishika kichwa chake, wenzake ambao walikuwa wameanza kupiga hatua na kuipa mgongo kambarau, waligeuka kumtazama mwenzao na wao walijikuta wakizubaa kwa mshangao.
Kambarau walioshuka ilikuwa ikirudi juu kwa kasi kubwa huku king'ora kilichokuwa ndani yake kikitoa sauti kubwa ya dharura, kumaanisha kulikuwa na tatizo.
Wakiwa bado hawaelewi kilichokuwa kikitokea, mara macho yao yakashuhudia kambarau ikishuka kwa kasi kubwa mithili ya mwanga wa kimondo angani na kuacha mvumo mkubwa na cheche kwenye nyaya zilizokuwa zimeishika, kisha kikafuatia kishindo kikubwa upande wa chini ilikoenda kudondokea.

“Twendeni, hapa si salama tena!” Alpha aliwashitua wenzake ambao bado walikuwa wamepigwa bumbuwazi mithili ya mlevi aliyepita makaburini usiku mnene, hawakuamini kama mfumo wa kambarau ulikuwa umeharubiwa kiasi ikashindwa kujiendesha na kuishia kuanguka.

“***** walah! Huyu mpuuzi alidhamiria kutuua kifo kibaya sana leo.” Omega alisema huku akiungana wenzake kushuka chini kwa kutumia ngazi.

“Hili jambo ni kubwa kuliko tulivyodhani, tuombe tutoke salama maeneo haya.” Rich’one alisema huku akiwa ameongoza mbele mithili ya ng'ombe anaewahi maji masafi mtoni, alitangulia mbele huku macho yake yakizunguka huku na huko kuhakikisha anamuona kila mtu aliyekuwa mbele yake.

“Hakika leo tumepatikana, tunakimbia kama fisi walioona punda mwenye mtoto!” Alpha nae akaomgeza huku nae akiwa makini kuhakikisha hahujumiwi na yeyote aliyekuwa karibu yao.

Mbio zao ziliwafikisha nje ya jengo wakiwa salama, walijiunga na watu wengine waliokuwa wamefanikiwa kutoka nje na kubaki wakishangaa wenzao waliokuwa bado wanahangaika kujiokoa.

“Hapa hapatufai, tuondoke hapa haraka.” Omega aliwaambia wenzake ambao bado walikuwa wakishangaa hekaheka za watu, walishangaa na kujisahau kama walikuwa wameshika bastola katikati ya umati wa watu.

“Tutumie gari la mmoja wetu.” Rich’one alisema huku akianza kupiga hatua, lakini Alpha alimdaka mkono na kumzuia kuelekea kwenye gari lake, akamwambia…

“Kila kosa utakalolifanya litampa ushindi wa mezani hayawani anaewinda roho yako, kutumia gari lako ni kuihujumu roho yako uliyopewa bure na Mwenyezi Mungu.”

“Kwa hiyo tufanye nini?” Rich aliuliza akiwa haelewi wenzake walikusudia kitu gani.

“Nifuateni!"

 

[Kudo]

Mbio zao ziliwafikisha nje ya jengo wakiwa salama, walijiunga na watu wengine waliokuwa wamefanikiwa kutoka nje na kubaki wakishangaa wenzao waliokuwa bado wanahangaika kujiokoa.

“Hapa hapatufai, tuondoke hapa haraka.” Omega aliwaambia wenzake ambao bado walikuwa wakishangaa hekaheka za watu, walishangaa na kujisahau kama walikuwa wameshika bastola katikati ya umati wa watu.

“Tutumie gari la mmoja wetu.” Rich’one alisema huku akianza kupiga hatua, lakini Alpha alimdaka mkono na kumzuia kuelekea kwenye gari lake, akamwambia…

“Kila kosa utakalolifanya litampa ushindi wa mezani hayawani anaewinda roho yako, kutumia gari lako ni kuihujumu roho yako uliyopewa bure na Mwenyezi Mungu.”

“Kwa hiyo tufanye nini?” Rich aliuliza akiwa haelewi wenzake walikusudia kitu gani.

“Nifuateni!” Alpha alisema huku akianza kupiga hatua kupita katikati ya umati wa watu uliokuwa ukizidi kuongezeka ili kushangaa kilichokuwa kikiendelea jengo la mauzo. Walitembea bila kujali migongano baina yao na watu waliokuwa wakitafuta nafasi za kushuhudia jengo lilivyokuwa likifuka moshi, walichojali wao wakati huo ni kuwa mbali na mazingira hatarishi kwao.
Baada ya kutembea kwa zaidi ya dakika tano, hatimae walifika mtaa uliokuwa na bajaji na taxi…

“Mnaona bora tutumie usafiri gani?” Alpha aliwauliza wenzake huku akificha bastola yake kwa kuifunika na koti la suti aliyokuwa amevaa, wenzake nao walifanya alichofanya mwenzao.

“Taxi ingeliweza kuwa sahihi lakini bajaji ni sahihi zaidi, kama tukiwekwa mtu kati ni rahisi kujitetea.” Omega alipendekeza.

“Upo sahihi!” Alpha alikubali huku akipiga hatua na kuingia kwenye moja ya bajaji iliyokuwa karibu yake, wenzake nao walipanda na muda mfupi baadae bajaji ilikuwa barabarani kwa kufuata maelekezo ya Alpha'one kiongozi wa Boys among men.

SAA moja baadae wazee watatu walikuwa wanaingia kwenye moja ya nyumba nzuri na ya kisasa maeneo ya Masaki, nyumba ile ilikuwa ni miongoni mwa nyumba nyingi zilizokuwa zikimilikiwa na utatu wa boys among men na ilikuwa ni nyumba ya siri ambayo watu wengine hawakuwa wakiifahamu.

“Mifumo yote ya usalama inafanya kazi, hapa tupo salama kidogo kuliko maeneo mengine.” Alpha alisema huku akijibweteka kwenye moja ya sofa iliyokuwa imepamba sebule ya nyumba ile nzuri na ya kisasa, iliyojengwa kwa mtindo bora unaozingatia usalama kwa kiwango kikubwa, ilikuwa na njia za dharura na mifumo mingine ya usalama.

“Ni wakati wa kuwajadili hawa viumbe wanaotufanya tukimbie kama wezi wa mifugo.” Rich alisema huku akivua koti lake na kulitupia juu ya sofa iliyokuwa kando yake.

“Nadhani mmemuona yule bwana mdogo niliyekuwa nawaambia, mmeona balaa lake kwenye ile kambarau, kama tungelichelewa kutoka ndani ya ile lift nina hakika sasa hivi nchi ingelizizima kwa vifo vyetu.” Omega alisema.

“Kilichoniogopesha ni kasi ya matendo yake, yaani kwa muda ule tuliomuona akielekea juu na dakika moja baadae kambarau yetu ikapata hitilafu na kujiondoa kwenye mfumo wake, inahitaji mtu mwenye akili na ujuzi mkubwa sana wa kufanikisha hilo jambo kwa muda mfupi namna ile.” Rich alisema.

“Naona tunamjadili yule bwana pekee huku tukimsahau mdunguaji aliyetuvuruga kwenye chumba cha mkutano.” Alpha aliwakumbusha.

“Ina maana wapo zaidi ya mmoja, kuna mdunguaji na yule bwana mwenye sura ya huruma anaevaa jezi ya timu ya taifa ya Congo, au pengine wapo zaidi ya hao wawili.”

“Tukadirie bila idadi, tuseme ni kikundi cha wahuni fulani.”

“Mh! Wahuni! Wale sio wahuni, wahuni wasingeliweza kutufanya tukimbie kama wezi wa kuku, wale ni profesheno na wenye uwezo mkubwa wa kufanya mambo yao.”

“Nadhani swali la msingi tujiulize dhamira yao ni ipi?”

“Hatuwezi kuifumbua dhamira yao halisi bila wao wenyewe kutwambia, tubaki na utabiri kuwa wanatuwinda kutuua na kututia hasara ya mali tunazomiliki.”

“Hii ni vita na inasababu zake, lakini sababu kuu ni sisi kupotezwa kwenye uso wa Dunia.”

“Kina nani wapo nyuma ya haya yote?”

“Hilo ni swali ambalo hakuna wa kujibu zaidi ya kutafuta jibu lake.”

“Nani atatutafutia? Polisi?”

“Tukiwatumia polisi tunaweza kujikuta kwenye matatizo zaidi endapo wakijua sababu ya kuwindwa kwetu, tutakuwa tunajitafutia matatizo yasiyo ya lazima.”

“Tuingie mstari wa mbele sisi wenyewe?”

“Hapana! Tumtumie mtu mwingine.”

“Nani?”

“Zuki Gadu p.a.k Miguu ya kuku.”

“Mh!”

“Unaguna nini?”

“Yule bwana anagharama sana.”

“Endelea kuwa bahiri ufyatuliwe risasi ya makalio, shauri yako.”

“Duh

 

[ADK]

Naash nash

 

[mbwewe]

Yap tunasubiri

 

[Bendanda]

Safi

 

[fyddell]

Muendelezo unachukua muda sana!

 

[THE SPIRIT THINKER]

naam KUDO nimeisoma vyema

 

[bobefu zoefu]

Wacha waendelee kuwa mabahiri wapigwe shaba za makalio

 

[Kudo]

SAA moja baadae wazee watatu walikuwa wanaingia kwenye moja ya nyumba nzuri na ya kisasa maeneo ya Masaki, nyumba ile ilikuwa ni miongoni mwa nyumba nyingi zilizokuwa zikimilikiwa na utatu wa boys among men na ilikuwa ni nyumba ya siri ambayo watu wengine hawakuwa wakiifahamu.

“Mifumo yote ya usalama inafanya kazi, hapa tupo salama kidogo kuliko maeneo mengine.” Alpha alisema huku akijibweteka kwenye moja ya sofa iliyokuwa imepamba sebule ya nyumba ile nzuri na ya kisasa, iliyojengwa kwa mtindo bora unaozingatia usalama kwa kiwango kikubwa, ilikuwa na njia za dharura na mifumo mingine ya usalama.

“Ni wakati wa kuwajadili hawa viumbe wanaotufanya tukimbie kama wezi wa mifugo.” Rich alisema huku akivua koti lake na kulitupia juu ya sofa iliyokuwa kando yake.

“Nadhani mmemuona yule bwana mdogo niliyekuwa nawaambia, mmeona balaa lake kwenye ile kambarau, kama tungelichelewa kutoka ndani ya ile lift nina hakika sasa hivi nchi ingelizizima kwa vifo vyetu.” Omega alisema.

“Kilichoniogopesha ni kasi ya matendo yake, yaani kwa muda ule tuliomuona akielekea juu na dakika moja baadae kambarau yetu ikapata hitilafu na kujiondoa kwenye mfumo wake, inahitaji mtu mwenye akili na ujuzi mkubwa sana wa kufanikisha hilo jambo kwa muda mfupi namna ile.” Rich alisema.

“Naona tunamjadili yule bwana pekee huku tukimsahau mdunguaji aliyetuvuruga kwenye chumba cha mkutano.” Alpha aliwakumbusha.

“Ina maana wapo zaidi ya mmoja, kuna mdunguaji na yule bwana mwenye sura ya huruma anaevaa jezi ya timu ya taifa ya Congo, au pengine wapo zaidi ya hao wawili.”

“Tukadirie bila idadi, tuseme ni kikundi cha wahuni fulani.”

“Mh! Wahuni! Wale sio wahuni, wahuni wasingeliweza kutufanya tukimbie kama wezi wa kuku, wale ni profesheno na wenye uwezo mkubwa wa kufanya mambo yao.”

“Nadhani swali la msingi tujiulize dhamira yao ni ipi?”

“Hatuwezi kuifumbua dhamira yao halisi bila wao wenyewe kutwambia, tubaki na utabiri kuwa wanatuwinda kutuua na kututia hasara ya mali tunazomiliki.”

“Hii ni vita na inasababu zake, lakini sababu kuu ni sisi kupotezwa kwenye uso wa Dunia.”

“Kina nani wapo nyuma ya haya yote?”

“Hilo ni swali ambalo hakuna wa kujibu zaidi ya kutafuta jibu lake.”

“Nani atatutafutia? Polisi?”

“Tukiwatumia polisi tunaweza kujikuta kwenye matatizo zaidi endapo wakijua sababu ya kuwindwa kwetu, tutakuwa tunajitafutia matatizo yasiyo ya lazima.”

“Tuingie mstari wa mbele sisi wenyewe?”

“Hapana! Tumtumie mtu mwingine.”

“Nani?”

“Zuki Gadu p.a.k Miguu ya kuku.”

“Mh!”

“Unaguna nini?”

“Yule bwana anagharama sana.”

“Endelea kuwa bahiri ufyatuliwe risasi ya makalio, shauri yako.”

“Duh!”

“Eeh! Hakuna mtu mwingine anaeweza kuifanya kazi hii zaidi ya Zuki, ana akili nyingi sana wakati wa kutatua matatizo.”

Ukapita ukimya mfupi baada ya mabishano mafupi kati ya Alpha na Rich'one ambae hakuwa anataka kushirikishwa kwa Zuki Gadu kwenye sekeseke lililokuwa likiwakabili.

“Sina shaka na uwezo wa Zuki Gadu…” Hatimae Omega aliyekuwa kimywa kwa muda mrefu, akaongea.

“Mtu wa kwanza anaeweza kuusimamisha mji na sisi kuwa salama ni yule bwana, pesa yoyote niko tayari kuiweka mezani ili atutafutie hawa mabazazi waliotugeuza njiwa pori.” Alisema huku akiwatizama wenzake ambao walikuwa makini kumsikiliza, hakuna aliyebisha baada ya hapo, kila mmoja alikubali na kilichofuata ni kumtafuta Zuki kwa njia walizokuwa wakijua ni rahisi kumpata.

Wakati wao wakiwa kwenye harakati za kumtafuta Zuki Gadu p.a.k Miguu ya kuku, yule bwana aliyekuwa amevaa jezi ya timu ya taifa ya Congo nae alikuwa anafanya jambo lingine mahali fulani ndani ya jiji la Dar es laam, lengo lake likiwa ni kuwatoa mafichoni wabaya wake ambao walimpotea kwenye mazingira tata kwenye jengo la mauzo, mipango yake alihakikisha inakwenda sawia ili kumaliza kazi aliyokuwa akitarajia kuikamilisha muda wowote. Yule bwana wakati huo alikuwa kwenye karakana ya kuhifadhia magari ya mizigo, karakana ambayo ilikuwa chini ya usimamizi wa boys among men, na ndiyo ilikuwa karakana kuu yenye idadi kubwa ya magari na kontena za kusafirishia mizigo. Wakati huo shida yake haikuwa yale magari wala kontena, shida yake ilikuwa ni wale waliokuwa wakifanya kazi ndani ya karakana ile, aliamua kubadili aina ya mbinu za kuwatoa mafichoni adui zake kwa kuwa mbinu za awali za kuchoma moto hazikuwa zinawajaza kama alivyokusudia, lakini wakati huu alipiga hesabu na kugundua ni rahisi kuwapata aliowahitaji kwa kufanya alichokuwa anataka kufanya. Kwa nini? Kwa sababu alitaka kuwachonganisha wale wazee na vyombo vya dola moja kwa moja, kisha wakati wao wakihangaika kuzima mkono wa dola, atakuwa akiwaokota mmoja mmoja kwa atakavyotaka.
Pikipiki yake kubwa alienda kuigesha mbali kidogo na lango la kuingilia ndani ya karakana, akashuka na kutoa kofia nyeusi kwenye mfuko aliokuwa ameuweka kwenye pikipiki, kisha akaivaa na kuanza kupiga hatua kurejea kwenye lango la karakana. Alipobakiza hatua chache kulifikia geti la karakana, alisimama na kugeuka nyuma, hakuona mtu karibu yake licha ya kwamba alikuwa baranarani, lakini ni moja ya barabara zenye watu wachache wanaotembea kwa miguu, karakana ilikuwa maeneo ya viwanda huko Kigamboni. Alipohakikisha hakuna mtu karibu yake, akaufungua mfuko uliokuwa mkononi mwake kisha akaugeuza na kumwaga vilivyokuwa ndani ya mfuko, viliposambaa chini akaanza kuviokota kimoja baada ya kingine na kuviunganisha kwa umakini mkubwa na ndani ya dakika nne, tayari alikuwa na bunduki kubwa mkononi mwake ikiwa imepachikwa magazini yake yenye risasi thelathini na tano, akafyatua kilinda usalama na kuruhusu risasi iingie chemba. Alipohakikisha yupo kama alivyotaka, akavuta kofia kichwani na kufunika uso mzima hadi shingoni huku kofia ikiacha uwazi sehemu ya macho pekee, kwa harakaharaka alikuwa amefanania na wacheza filamu za kininja. Akapiga hatua kuelekea getini na alipofika, akagonga kwa kutumia mtutu na muda mfupi baadae, mlinzi alikuwa akifungua geti bila kujua alikuwa akimkaribisha mtoa roho.

Bwana yule baada ya kuona mlinzi anafungua lango bila kumtazama, akafyatua risasi iliyoenda kutua mbavuni mwa mlinzi ambae alianguka chini huku akipiga ukelele wa maumivu, risasi nyingine ilienda kumfumba mdomo asipige kelele na ukawa mwisho wa yule mlinzi.

Mlio wa risasi ukawashitua wafanyakazi wa karakana ile wakiwemo madereva wa magari na watu wengine, kila mmoja akaanza kukimbia hovyo huku akipiga kelele za kuomba msaada, lakini kelele zao hazikuwasaidia badala yake baadhi yao walijikuta wakiloa risasi na kuachwa wakiwa mahututi na wengine wakiwa hawana uhai. Mtu yule alimshambulia kila aliyepita mbele yake na wakati mwingine alishambulia hata aliowaona walikuwa wakijificha kwenye mivungu ya malori ama sehemu zingine ndani ya karakana. Alizidi kutamba kwa risasi hadi zilipoisha kwenye magazini na silaha kutoa sauti ya kuridhika baada ya kutema risasi thelathini na tano kwa mtindo wa busta, yaani kutoa risasi mfululizo.

Alipohakikisha amesababisha mauaji ya kutisha, haraka alikimbia na kutoka nje ya geti huku akiitelekeza bunduki aliyoitumia kando ya geti kuu la kuingilia, akaifikia pikipiki yake na kuiwasha kisha akatoweka Kigamboni kwa mwendo mkali na wa kutisha, nyuma yake akiacha balaa lililotikisa nchi nzima, watu zaidi ya thelathini walikuwa hawana uhai.
--------------------------

2.

Zuki Gadu p.a.k Miguu ya kuku, hakuwa na habari na mambo yaliyokuwa yakiendelea nje ya eneo alilokuwepo, akili yake haikuwa inawaza jambo lolote baya kwa wakati huo na alikuwa anasogeza siku yake kwenye kijiwe cha mchezo wa kusukuma kete na bao, pembeni kidogo ya soko la Tegeta kwa ndevu. Wakati huo ni yeye aliyekuwa akipambana kurejesha goli alizokuwa kafungwa na mpinzani wake mwenye tambo za karaha na maudhi, huku watu wengine wakiwa wamewazunguka na kuwa waalimu kwa kutoa maelekezo pale walipoona kuna njia ya kusukuma kete, vicheko vya hapa na pale viliendelea huku wababe wengine waliokuwa wakisubiri zamu yao wakiendelea kutambiana.

“Tunacheza, lakini mnakumbuka tunatakiwa kwenda kuzika mtaa wa pili?” Zuki aliwauliza wenzake huku akisukuma kete kuingia King.

“Ohoo! Tumalizie tuelekee huko, muda ndiyo huu.” Mpinzani wake alisema huku nae akipeleka kete na kula kete moja kutoka upande wa Zuki.

“Tumakizie ama tuinuke? Kwa maana tayari nimeshakufunga supa, yaani tatu bila.” Zuki alisema huku akizungusha kete ya utawala kila eneo na kula kete muhimu za mpinzani wake.

“Aah wapi, umeotea bwana ila leo ningelikupiga bao nyingi sana kama tungelikuwa na muda.” Mpinzani wake alibisha huku akiwa hana cha kufanya, hakuwa na kete ya kusukuma, zote zilishaliwa.

“Ungenipiga, ila mimi nimeshakupiga bao za uhakika bila makandokando, najua unaugulia moto sasa hivi.” Zuki alisema huku akicheka kwa furaha, watu wengine nao waliungana nae kucheka kwa kauli ile ya kuudhi aliyomwambia mpinzani wake.

“Lakini nilianza mimi kukupiga bao la dakika mbili, sema umebahatisha kunipiga supa.” Mpinzani wake nae alitupa kijembe huku akitabasamu.

“Kwa kuwa twaenda mazishini lakini leo ningekupelekea moto hadi uombe maji kupoozea.” Zuki alitupa kijembe kingine na kufanya kundi lote lililokuwa limeongozana kuelekea msibani, kuangua kicheko cha haja.
Zuki Gadu alikuwa ni mtu watu kwenye mazingira aliyokuwa akiishi, alipendwa na kila mtu kwa sababu alikuwa ni mmoja wa watu waliokuwa wakijitoa kwa ajili ya wengine, licha ya ukwasi aliokuwa nao lakini hakuwa kuonekana akiwapita watu akiwa ndani ya gari akiwa kafunga vioo, alishiriki kila tukio mtaani kwake, iwe siku ya kuzaliwa, harusi au msiba ni lazima utaiona sura yake na mara zote alichangia kiasi kikubwa cha pesa kwenye hayo matukio. Kitu kikubwa kilichowafurahisha watu wa rika zote, ni kwa kuwa alikuwa tofauti na matajiri wengine nyakati za msiba, wengine hutokea na kutoa rambirambi kisha huondoka, lakini yeye alikuwa anakaa na wakati wa kuzika hushika koleo na kufukia kaburi tena kwa kunyang'anyana na vijana ambao hugombea chepe wakati wa kufukia, na baada ya mazishi ilikuwa ni lazima arejee kwa wafiwa na kuwapa mkono wa pole. Jambo hilo lilimweka karibu na watu kuliko kawaida, vijana kwa wazee walimtolea mfano kwa kila jambo, licha ya kuishi kimjinimjini lakini alikuwa na tabia tofauti na watu wa mjini ambao kwao msiba ni muda wa mazishi tu, baada ya hapo kila mmoja hupita njia yake. Upande wa vijana walimpenda Zuki kwa sababu alikuwa ni mtu wa kujichaganya nao kila mara, kuwachangia kwenye timu zao za mpira na kujumuika nao kucheza mchezo wa kusukuma kete, kujiweka sawa na wao bila kujali tofauti kubwa ya kipato baina yake na wao, kila mmoja alitamani kuwa rafiki yake. Lakini licha ya hayo yote, hakukuwa na mtu aliyekuwa akijua Zuki alikuwa anafanya kazi gani, wengine walihisi ni afisa usalama, wengine walihisi ni mfanyabiashara wa madini na wengine walihisi ni dalali wa magari kwa namna alivyokuwa amejaza gari nyingi nyumbani kwake, kwa tabia yake hakuna aliyehisi kuwa yule bwana alikuwa ni kiumbe hatari kwa binaadamu wengine, binaadamu wenye makandokando ya hapa na pale. Jirani zake kama ungewamsha na kuwambia rafiki yao ni muuaji wa kukodiwa, hakika wangekupigia nduru na kukushambulia kwa mawe na mapanga kwa kumsingizia ndugu ubaya. Naam, huyo ndiye alikuwa Zuki Gadu p.a.k Miguu ya kuku aliyekuwa akiishi maeneo ya Tegeta kwa ndevu, mtu mwenye sura nyingi kulingana na mazingira yalivyomtaka awe kwa muda husika.

Miguu ya kuku na wenzake walijumuika na watu wengine kuelekea makaburini, walipokezana kubeba mwili wa kijana mwenzao aliyefariki kwa ajali ya gari siku mbili nyuma, walifika makaburini na kusubiri mwongozo wa viongozi wa dini waliokuwepo, baada ya muongozo kutoka ikiwemo sala ya mwisho kwa marehemu, mwili ukaingizwa kaburini na kilichofuata ni kutupia mchanga, Zuki na wenzake walishiriki vema bila kutegea huku utani wa hapa na pale ukiendelea. Wakiwa hatua za mwisho, saa ya Zuki ilitoa mlio mara mbili na kisha ukafuatia mzizimo mwepesi, Zuki akaacha alichokuwa anafanya na kuzuga kama anapokea simu huku akienda kujitenga mbali na kundi la watu, alipohakikisha yupo peke yake, akaachana na simu na kuuvuta ufunguo wa saa yake na kikatoka kikaratasi chembamba, kilichokuwa na maandishi ya namba ambazo zilibadilishwa mpangilio, badala kuanza na 1 hadi 9, ilianzia 9 kurudi nyuma. Kwa harakaharaka alitambua alihitajika kutatua jambo haraka na aliyeutuma ujumbe alimfahamu vema na alijua ni jambo la dharura kwa sababu, mtuma ujumbe huwa hamtafuti kama anakazi za kawaida, hutamfuta akiwa na kazi ngumu na zenye kuhitaji matokeo ya haraka.

“Mh!” Aliguna huku akitafuna karatasi iliyotoka kwenye saa yake kisha akapiga hatua kuelekea kwenye kaburi, wenzake walikuwa hatua za usawazishaji. Aliungana nao bila kujali uharaka wa wito aliopokea. Nusu saa baadae watu walikuwa wanatawanyika makaburini nae akiwa mmoja wao. Tofauti na siku nyingine ambazo huongozana na kundi la watu kurejea nyumbani, siku hiyo alitafuta usafiri wa bodaboda na moja kwa moja aliomba kupelekwa nyumbani kwake, muda mfupi baadae alikuwa akimlipa dereva na kuagana nae huku yeye akiingia nyumbani kwake na dereva pikipiki akiondoka kuendelea na majukumu yake.

Alipofika ndani moja kwa moja akaifuata kompyuta yake na kuiwasha, akaruhusu data na kuingia kwenye barua pepe yake na kutafuta anuani ya mtu aliyekuwa amemtafuta, alipoipata, akaandika swali na kutuma.

“Nanunua gari au pikipiki?” Alipohakikisha ujumbe umemfikia mlengwa, akasubiri kidogo na majibu yakarudi.

“Ni zaidi ya vyote, njoo haraka Kichangachui 970.” Ujumbe ulikuwa unasomeka hivyo, aliusoma taratibu na kuelielewa neno Kichangachui. Kichangachui lilikuwa ni jina la awali la eneo lote la Masaki ya sasa, hivyo kabla ya mji kuitwa Masaki, wenyeji walioishi hapo zamani waliita Kichangachui. 970 alijua ni namba ya nyumba aliyohitajika kufika.

Zuki Gadu alivua nguo zake alizotoka nazo msibani na moja kwa moja alielekea bafuni, alioga na kurejea chumbani kwake ambapo alilainisha mwili wake kwa mafuta kisha akafungua kabati la nguo na kuvaa nguo alizoona ni sahihi kwa wakati huo, alipohakikisha amevaa vema, akafungua kabati dogo la chuma alilolitoa mvunguni mwa kitanda chake, akatoa bastola na kuificha sehemu ambayo ingelikuwa rahisi kuifikia, kisha akachukua na kisu kidogo nacho akakipachika sehemu ambayo alijua ni rahisi kufika endapo kungelitokea lolote. Alipohakikisha amejikoki vema, akatoka chumbani kwake na kuufunga mlango kisha akaelekea upande wa jikoni na kuchukua ufunguo uliokuwa miongoni mwa funguo nyingi zilizokuwa kwenye ubao. Alipohakikisha ufunguo alioukusudia ulikuwa mkononi mwake, akapiga hatua na kutoka nje ya nyumba na kufunga mlango, kisha ufunguo akauweka chini ya ua lililokuwa hatua chache kutoka ulipokuwa mlango. Akapiga hatua kuelekea upande uliokuwa na pikipiki zaidi ya sabini, pikipiki zote zikiwa na thamani ya zaidi ya milioni kumi, akaifuata pikipiki moja aliyokuwa na ufunguo wake, alipoifikia akaweka ufunguo na kuiwasha na kuondoka hadi getini, akashuka na kufungua geti, akatoa pikipiki na kulifunga kwa nje kisha akadandia pikipiki yake na kuelekea maeneo ya Kichangachui nyumba namba 970.

Wakati Zuki Gadu akiwa juu ya pikipiki kuelekea Masaki, Boys among men walikuwa katikati ya kikao kizito huku wakiwa hawaelewi wachukue hatua gani za haraka ili wasiendelee kukutana na mkono wa chuma wa mtu aliyekuwa akiwawinda na kuwatia hasara kila wakati. Kila mmoja alijaribu kuweka hoja yake mezani lakini haikutosha kuwa mwarobaini wa tatizo lililokuwa mbele yao, kuuawa wafanyakazi wao zaidi ya thelathini lilikuwa ni pigo kubwa sana tena pigo ambalo lilikutanisha na mkono wa serikali.

 

[Boogman]

Kudo Nimekupigia simu nikakuuliza riwaya ipo tyr nilipie ukanijibu ndio, nimelipia huu unaenda mwezi wa pili imekua danadana.
Sshv nikikupigia hupokei, nimekutext whatsap, sms ya kawaida hunijibu, nakusihi nirejeshee cent yng.kwann unalazimisha uadui na kutaka kuamsha vilivyolala?alafu baadae utaanza kuleta lawama ooh kada fulan wakorofi!nimemaliza.[emoji120]

 

[Frega Bao]

Na mimi nimo humu japo kwa mbali

 

[MLUGURU]

Kudo Nimekupigia simu nikakuuliza riwaya ipo tyr nilipie ukanijibu ndio, nimelipia huu unaenda mwezi wa pili imekua danadana.
Sshv nikikupigia hupokei, nimekutext whatsap, sms ya kawaida hunijibu, nakusihi nirejeshee cent yng.kwann unalazimisha uadui na kutaka kuamsha vilivyolala?alafu baadae utaanza kuleta lawama ooh kada fulan wakorofi!nimemaliza.[emoji120]

Leta ushahidi mkuu tuamini ukisemacho.

 

[Boogman]

Leta ushahidi mkuu tuamini ukisemacho.

Muhusika amebisha?

 

[Kudo]

Muhusika amebisha?

Kwa hiyo kwa akili yako unategemea nijibu mihemko yako mkuu?

 

[Kudo]

Zuki Gadu alivua nguo zake alizotoka nazo msibani na moja kwa moja alielekea bafuni, alioga na kurejea chumbani kwake ambapo alilainisha mwili wake kwa mafuta kisha akafungua kabati la nguo na kuvaa nguo alizoona ni sahihi kwa wakati huo, alipohakikisha amevaa vema, akafungua kabati dogo la chuma alilolitoa mvunguni mwa kitanda chake, akatoa bastola na kuificha sehemu ambayo ingelikuwa rahisi kuifikia, kisha akachukua na kisu kidogo nacho akakipachika sehemu ambayo alijua ni rahisi kufika endapo kungelitokea lolote. Alipohakikisha amejikoki vema, akatoka chumbani kwake na kuufunga mlango kisha akaelekea upande wa jikoni na kuchukua ufunguo uliokuwa miongoni mwa funguo nyingi zilizokuwa kwenye ubao. Alipohakikisha ufunguo alioukusudia ulikuwa mkononi mwake, akapiga hatua na kutoka nje ya nyumba na kufunga mlango, kisha ufunguo akauweka chini ya ua lililokuwa hatua chache kutoka ulipokuwa mlango. Akapiga hatua kuelekea upande uliokuwa na pikipiki zaidi ya sabini, pikipiki zote zikiwa na thamani ya zaidi ya milioni kumi, akaifuata pikipiki moja aliyokuwa na ufunguo wake, alipoifikia akaweka ufunguo na kuiwasha na kuondoka hadi getini, akashuka na kufungua geti, akatoa pikipiki na kulifunga kwa nje kisha akadandia pikipiki yake na kuelekea maeneo ya Kichangachui nyumba namba 970.

Wakati Zuki Gadu akiwa juu ya pikipiki kuelekea Masaki, Boys among men walikuwa katikati ya kikao kizito huku wakiwa hawaelewi wachukue hatua gani za haraka ili wasiendelee kukutana na mkono wa chuma wa mtu aliyekuwa akiwawinda na kuwatia hasara kila wakati. Kila mmoja alijaribu kuweka hoja yake mezani lakini haikutosha kuwa mwarobaini wa tatizo lililokuwa mbele yao, kuuawa wafanyakazi wao zaidi ya thelathini lilikuwa ni pigo kubwa sana tena pigo ambalo lilikutanisha na mkono wa serikali.

“Huyu bwege ametuweza ndugu zangu.” Alpha alisema huku akitikisa kichwa chake kwa masikitiko.

“Kinachonitisha ni uwezo wake wa kufanya mambo na kila jambo anauhakika linatuacha madhara, mfano, ameua watu wetu kwa sababu anajua ni lazima vyombo vya usalama vitatuhoji na vikashotuhoji, lolote laweza kutokea hasa kuhusu uhalali wa mali zetu.” Rich alisema huku nae akiwa hajui wataepuka vipi mkono wa serikali.

“Lakini si huwa tunawalipa polisi na baadhi ya wakubwa serikalini?” Omega alihoji huku akioneka kuwa na maelezo zaidi kwa hoja yake.

“Hili jambo ni kubwa sana na si ajabu likaigusa hadi Ikulu, kumbuka kilichotoekea ni msiba wa kitaifa, nchi imezizima na Dunia imeshitushwa na shambulizi hilo ambalo viashiria vyote vinaonesha ni shambulio la kupangwa, watu thelathini si kitu kidogo.” Alpha alipinga wazo la Omega.

“Tutafanya nini ili kuepuka jambo hili? Tuisahau kwamba ni mfululizo wa matukio yanayotuhusu sisi tu.” Rich'one alisema.

“Huyu mjinga amejua kututia adabu.” Alpha alisikitika.

“Tusiseme mjinga, tuseme wajinga, mnamsahau sana yule mdunguaji.” Omega aliwakumbusha wenzake.
Wakati huohuo king'ora cha tahadhari kililia mara mbili na kutulia, haraka Alpha aliinuka na kuelekea kwenye moja ya chumba kilichokuwa maalumu kwa ajili ya kuendesha mifumo ya ulinzi ya ile nyumba, wakati huo wenzake walisimama kwa wasiwasi baada ya king'ora kuwajulisha kulikuwa na mtu aliyesogelea nyumba yao.
Alpha ambae alikuwa chumba cha kuendesha mifumo ya ulinzi wa ile nyumba, macho yake yalikuwa yakitazama runinga kubwa iliyokuwa ukutani na moja ya kamera zilizounganishwa kwenye ile runinga, ilikuwa imenasa picha ya mtu aliyekuwa hatua moja kutoka getini, mtu yule alikuwa juu ya pikipiki na alikuwa akiwasha taa na kuzima kwa mtindo maalumu.

“Mwamba amefika!” Alpha alijikuta akiongea peke yake huku akitabasamu, kidole kimoja cha mkono wa kulia kikibofya kutufe fulani na geti likajifungua ili kumpa nafasi yule aliyekuwa nje, kuingia ndani ya uzio wa nyumba. Alipohakikisha yule bwana ameingia na pikipiki yake, akabofya kitufe kingine na geti likajifunga huku yeye akipiga hatua kuelekea sebuleni, aliwakuta wenzake wakiwa wamesimama kwa wasiwasi.

“Easy boys! Chuma kipo nje.” Alpha aliwambia huku akienda kukaa kwenye sofa na kubebanisha miguu yake, waswahili husema, amechora nne. Wenzake walipoona nuru usoni kwa mwenzao, nao wakarejea kukaa huku wakiwa na nyuso zenye matumaini.
Dakika chache baadae, mlango uligongwa na mmoja wao akaenda kufungua na mlangoni alikutana na mtu mrefu na mwembamba akiwa amesimama wima bila kupepesa macho yake.

“Karibu komredi!” Rich'one alimkaribisha mgeni wao ambae hakuwa mwongeaji sana awapo maeneo kama yale.

Zuki Gadu moja kwa moja alipitiliza hadi ndani na bila kusema na yeyote, akaenda kukaa kwenye sofa ambayo ingelimwezesha kutazamana na wenyeji wake, hakuwasalimia wala kuwasemesha, alibaki akiwatizama kwa namna ya kuhitaji kusikia alichoitiwa.

“Karibu sana bwana Zuki Gadu.” Alpha alimwambia huku akijiweka sawa kwenye sofa.

“Nadhani tujielekeze kwenye hoja ya msingi iliyotukutanisha hapa.” Zuki alisema huku akiwa hana hata chembe ya tabasamu usoni mwake.

“Hapa tunachangamoto ambayo hayujui namna ya kuitatua..” Alpha alianza kusema na alichukua zaidi ya dakika tano kueleza kila tukio walilokutana nalo na namna yule bwana anaewawinda, anavyotumia akili kufanikisha mambo yake.

“Kwa hiyo mnachotaka ni kufahamu walionyuma ya matukio yote au mnataka kumfahamu yule bwana anaewawinda?” Zuki aliwauliza.

“Tunataka yote kwa pamoja. Hatuna amani kisa mambo haya, hatujui kesho yetu ipo vipi.” Omega alijibu.

“Mmesema baada ya kumkimbia jengo la mauzo, akaenda kuua kwenye karakana?” Zuki aliuiza.

“Hakika iko hivyo.” Rich' alijibu.

“Na mpango wenu upoje baada ya kutakiwa kuripoti kituo cha polisi kuhojiwa kuhusu tukio hilo?”

“Hatuna budi kwenda kama tulivyoagizwa.”

“Mmenasa kwenye mtego!” Zuki alisema huku akizungusha macho yake kwa wenyeji wake ambao walikuwa wakitazamana kwa mshangao bila kumwelewa.

“Baada ya kuwakosa jengo la mauzo alijua ni lazima mtajichimbia kujificha na itakuwa kazi ngumu kuwapata, ili msijifiche na apate urahisi wa kuwashugulikia, ilikuwa ni lazima afanye hilo tukio ili mtoke kwa lazima mlikojificha na kuanza kutaka kuzima sekeseke la uchunguzi.” Aliwaelewesha.

“Duh! Hii ni hatari. Hatukuwaza jambo hilo.”

“Liwazeni kuanzia sasa..” Zuki alisema na kunyamaza kidogo kisha akasema…

“Huu ni ujumbe kutoka Goma..!”

“Unamaanisha nini?”

“Kwa maelezo yenu inaonesha kuna kitu kutoka Congo na kama namna maadui wengine zaidi ya Goma, tambueni huo ni ujumbe wa Goma na wakati huu na nyie msipoangalia hamtoki.”

“Unatutusha?”

“Siwatishi, kazi yao nadhani mmeiona.”

“Kama ni hivyo inabidi ukimaliza kutafutia huyu kidudumtu anaetusumbua, uende Congo na kusafisha kila kitu hata kama ni sisimizi.”

“Mh! Goma siendi hata kama mkiniwekea pesa za kujaza uwanja wa taifa.”

Boys among men walitazamana kwa mshangao, hawakutarajia jibu kama lile kutoka kwa Zuki Gadu.

“Kwanini huendi?” Alpha aliuliza kinyonge.

“Huko natafutwa kila kona, hata kikionekana kivuli changu ni lazima kishambuliwe, Goma ni sehemu hatari sana kwangu.”

“Lakini kazi ya hapa upo tayari kuifanya?”

“Hii nitaifanya kuanzia leo ila huko Goma pelekeni mtu mwingine.”

“Tungeweza kupeleka lakini ni hadi tupate majibu ya nani hasa aliyenyuma ya haya yote, ili iwe rahisi kushugulika nae.”

“Sawa, wekeni milioni mia mbili nimsake mshenzi.”

Kwa mara nyingine boys among men walitazamana, hawakutarajia kutajiwa kiasi kidogo cha pesa namna ile, wamemzoea Zuki ni mtu wa dau kubwa lenye kuumiza, lakini wakati huu alitaka kiasi ambacho hakikuwa kwenye mahesabu yao.

“Manajiuliza kuhusu pesa? Kila wakati huwa nipo kinyume cha matarajio.” Aliwambia baada ya kuhisi walishangaa kiasi alichotaja.

“Kiukweli upo kinyume na matarajio.” Alpha alisema.

Ukapita ukimya wa sekunde chache.

“Niwekeeni mazingira rahisi ya kuingia jengo la mauzo.” Zuki aliuvunja ukimya uliokuwa umeanza kujiwekea utawala.

“Sasa hivi?” Omega alihoji.

“Ndiyo!” Zuki alijibu huku akiinuka na kuongoza kutoka nje, hakuhitaji mjadala mwingine bali wakati huo alikuwa akihitaji kufanya kazi na kazi yake ya kwanza ilikuwa ni kwebda jengo la mauzo, huko alitaka kuchunguza jambo kabla hajaamua kuianza kazi rasmi, lakini kitu ambacho hakujua ni kuwa, wakati yeye akiwaza kuelelea jengo la mauzo na yule mwindaji mwenye sura ya upole nae alikuwa amekumbuka kufanya jambo fulani ili kujiweka mbali na mazingira ya ushahidi, miamba wawili wenye kazi tofauti walikuwa wanaenda jengo la mauzo kila mmoja kwa kazi yake, lakini siku zote hasi na chanya

 

[ngombelee]

Kwa hiyo kwa akili yako unategemea nijibu mihemko yako mkuu?

Inaonekana tuhuma za mdau ni kweli ndomana unataka kujitoa faham, utapeli sio nzuri mkuu

 

[Kudo]

Inaonekana tuhuma za mdau ni kweli ndomana unataka kujitoa faham, utapeli sio nzuri mkuu

Punguza kiherehere boss! Kwa hiyo watu woote wanaonunua kwangu yeye ndo pesa yake tamu ya kutapeli na siyo hao wengine? Au unahisi nafanya biashara na yeye tu. Au ulitaka nijibu nini kwake?

 

[mtzmweusi]

Punguza kiherehere boss! Kwa hiyo watu woote wanaonunua kwangu yeye ndo pesa yake tamu ya kutapeli na siyo hao wengine? Au unahisi nafanya biashara na yeye tu. Au ulitaka nijibu nini kwake?

Mkuu vipi hii mi alosto sipendi afu sikupati whatsapp

 

[Mkogoti]

Endelea mkuu ili kuvuta vuta ka muda siku iishe