ManiTek TV
JF-Expert Member
- Jun 3, 2011
- 410
- 159
Apple wamechelewa sana katika uwanja huu, hasa ukizingatia kampuni kama vile Samsung wameshatoa saa zaidi ya tano, huku Sony wakitangaza saa yao ya tatu itayoingia mauzoni mwezi ujao. Swali la msingi la kujiuliza ni kitu gani kitakachoifanya Apple Watch iwe ya namna ya kipekee? Tutazungumzia mambo matano muhimu.
Kioo
Kioo hichi kina umadhubuti wa hali ya juu Apple wametumia vilivyo uwezo wa kioo hichi kupinga kwa kuweka amri za "touch" na "tap" katika namna ile ile kifungo (home button) cha iPhone 6 na 6 Plus kinavyoweza kupokea amri za tap na touch na kutoa matokeo tofauti. Mtindo huu inaifanya Apple Watch kuwa saa ya kwanza yenye sifa hii.
Crown Jewel
Huu ni ufunguo wa kuzungusha wa saa kama funguo za kawaida lakini Apple wameufanya ufunguo huu wa ki-dijitali. Tunathubutu kusema kwamba hii ndio sifa kuu yenye kuvutia kwenye saa hii. Apple huwa kila wanapotoa gajeti aina mpya hutoa UI ya aina yake, Mouse ilianza na Macintosh, Wheel ilianza na iPod,
Pia hutumika kwa kuzungusha na kubonyeza. Iwapo unahitaji kutumia saa hii bila ya kutumia kioo ili kuepuka kuzinga unachohitaji kukiona kwenye kioo, Crown Jewel itarahisisha kazi yako.
Mtindo (Design)
Apple wametoa saa zenye aina mbili katika tofauti kwa ukubwa. Kubwa ikiwa na 24 mm na ndogo ina 38 mm. Zote unaweza kuzibadili kuvaa ama mkono wa kulia au wa kushoto. Pia kwa upande wa matoleo, Apple wametoa matoleo matatu tofauti, Apple Watch, Apple Watch Sport na Apple Watch Edition.
Apple Watch Edition ni ya dhahabu halisi yenye kareti 18, bila ya shaka hii itakuwa ndio ghali kuliko zote. Hii ni kwa wale wanaohitaji kuvaa saa kwa ajili ya"kupata heshima zaidi".
Apple Watch Sport imetengenezwa kwa anodised aluminium ambayo Apple wanadai ina umadhubuti wa 60% zaidi kuliko alloy na ni nyepesi kwa 30% zaidi kuliko steel.
Bila ya shaka hili ni chaguo bora kwa wanamichezo hasa unapoweka mkanda wa plastiki (sports band) ili kupunguza uzito zaidi. Huna haja ya kuwa na wasi wasi wa kuvunjika unapokuwa mchezoni ukizingatia kwamba kioo chake ni Sapphire.
Nayo Apple Watch imetengenezwa kwa Stainless Steel huku ikiwa na aina tatu za mikanda tofauti , mkanda wa ngozi, mkanda wa steel na milanese loop.
Tunaamini kwamba hii ndio itakuwa chaguo la wengi na pia ndio itakayokuwa rahisi kwa bei, ukizingatia kwamba saa hizi zitauzwa kuanzia $350.00 hata ya rahisi haitokuwa rahisi.
Hivyo ukiunganisha aina mbili za ukubwa, aina tatu za mikanda na aina tatu za matoleo, kutakuwa na jumla ya Apple Watch aina kumi na nane tofauti. Bila shaka kila mmoja atapata kile ambacho anakipenda yeye katika aina kumi na nane hizi.
Apple Pay
Na vile vile Apple Pay itakuwa kwenye simu na saa ambapo, Apple ndio wa kwanza kufanya ubunifu wa aina hii.
Gajetek tunatabiri itachukua chini ya miaka 5 Apple Pay kuwa maarufu kuliko Paypal kwa namna nyingi, hasa ukizingatia mpaka leo Payplal hutumika zaidi mtandaoni tu, ingawa ni muda mrefu tangu Paypal waanze juhudi za kutaka malipo yao yafanyike hata kwenye matumizi ya kawaida, lakini juhudi hizo bado zimegonga ukuta.
Matumizi
Saa hii haitakuwa inatumika peke yake, ingawa imewekewa bluetooth, akselerometa, gyroscope na kipima mapigo ya moyo, mtumiaji wa saa hii lazima awe na iPhone ambapo kuanzia iPhone 5 kwenda mbele zote zitakuwa zinafanya kazi na saa.
Apple Watch itaitegemea iPhone kwenye GPS, na pia itapokea taarifa (notification) mbali mbali kutoka kwenye iPhone. Saa hii haina port za kawaida, chaji yake itakuwa inaingia kwa kutumia circular magsafe connector, hivyo hii inaingia katika kundi la wireless charging.
Tunaamini apps zitamiminika kwa kasi kubwa kwenye saa kutokana na wingi wa watengeneza apps huvutika na soko la Apple.
Kikubwa zaidi saa hiyo itatoka ikiwa na Apps nyingi tayari ikiwa ni pamoja na ramani, lakini tunaamini kwa vile hili ni toleo la kwanza bado kutakuwa na uboreshwaji mkubwa wa saa hii hapo miaka ya baadae kwenye toleo la pili kwenda mbele.
Hatuna budi kusema kwamba Apple wameanza vizuri mno katika uwanja wa smartwatch. Ukweli zaidi utajitokeza wakati saa hizo zitakapoingia madukani hapo mwanzoni mwa mwaka ujao.
Chanzo:gajetek.com
