Majaliwa: Wakuu wa wilaya, Wakurugenzi zingatieni mipaka ya madaraka yenu

[comrade igwe]

Waziri Mkuu, Kassim Majaliwa.

Waziri Mkuu wa jamhuri ya muungano wa Tanzania Mh Kassim Majaliwa amewataka Wakuu wa wilaya na Wakurugenzi wa halmashauri nchini kuzingatia mipaka ya madaraka yao na kuhakikisha hatua wanazochukua katika utendaji wao zinafuata Sheria ,Kanuni na Taratibu katika Utumishi wa Umma.

Ametoa kauli hiyo wakati akifungua mafunzo kwa Wakuu wa Wilaya na Wakurugenzi wa Halmashauri za Wilaya katika ukumbi wa Hazina mjini Dodoma.

Amesema viongozi hao wanatakiwa kusimamia kikamilifu nidhamu katika Utumishi wa Umma kwa sababu wenyewe ni kioo katika kuishi kwa kuzingatia miiko ya Utumishi wa Umma.

Aidha,Mh. Waziri Mkuu amesema mafunzo hayo yanalenga kuwajengea uwezo na kuendelea kuwaimarisha zaidi katika kusimamia shughuli za Serikali na maendeleo kwenye maeneo yao.

Katika hatua nyingine, Waziri Mkuu amewataka viongozi hao kutoa kipaumbelea katika kufuatilia na kusimamia kwa makini sekta za afya, kilimo, elimu na maji kwa kuwa ndizo zinazogusa zaidi maisha ya wananchi .

Pia amewaelekeza wasimamie na kuziba mianya yote ya upotevu wa dawa katika vituo vya kutolea huduma za afya na kudhibiti migogoro ya wakulima na wafugaji pamoja na kusimamia usafi na utunzaji wa mazingira katika maeneo yao.

Kwa upande wake Naibu Waziri Nchi, Ofisi ya Rais Tawala za Mikoa na Serikali za Mitaa-TAMISEMI, Mheshimiwa Suleiman Jafo amesema lengo la mafunzo hayo ni kuhakikisha viongozi hao wanapata mafanikio makubwa katika utendaji wao wa kazi ili Serikali iweze kupata tija

Awali Afisa Mtendaji Mkuu wa Taasisi ya Uongozi, Profesa Joseph Semboja alisema wametoa mafunzo kwa viongozi hao ili kuwajengea uwezo wa kuongoza kwa kuwa mazingira ya kufanyia kazi na mbinu za kungoza zinabadilika.

Alisema mafunzo hayo yatatolewa kwa awamu nne kupitia kanda nne tofauti ambapo awamu ya kwanza imeanza na kanda ya kati na imehusisha mikoa sita ya Dodoma, Kigoma, Katavi, Tabora, Morogoro na Singida na awamu nyingine zitakamilika mwishoni mwa mwezi Agosti mwaka huu.

IMETOLEWA NA:

OFISI YA WAZIRI MKUU

 

[bruno twemanye]

Ahasante kwa kuliona hilo.

 

[Safari_ni_Safari]

Amwambie na aliye wateua

 

[kilokiki]

Hao nao wanakwenda kinyume na matakwa ya mkuu.
Magu alisema wakati anawachagua kuwa haina haja ya mafunzo wala uzoefu. Yeye aliamini kuwa watajifunza kazini na kuamini kuwa waliokuwa wanawapa mafunzo walikuwa wajinga na hayo mafunzo yalikuwa ni upigaji wa hela.
Watu tukalalamika kuwa magu anakurupuka ila kuna watu humu mkatetea mno.
Haya njooni tena mtetee na hili

 

[South]

Hawawezi kumuelewa maana wana nguvu kuliko yeye

 

[usemwe]

sasa siwameshaachiwa mara zote kukiuka hiyo mipaka ya madaraka yao nahakuna alowajibishwa.

 

[mwasu]

Afadhali ameliona hilo, wakuu wenyewe hawana elimu lakini wamekuwa kibri sana na ujivuni, Gambo pokea salamu huko uliko.

 

[Bramo]

Si tumeambiwa hao sio watumishi wa umma ?
How come wawe ndio Mfano wa kuigwa miongoni mwa watumishi wa umma ?
Yaani watumishi wengine waige kufoji vyeti sio na just kujua kusoma na kuandika.

 

[Mkomavu]

Wanaiga ule muhimil unaotoa hela kama alivyosema mheshimiwa sana

 

[maroon7]

Hawawezi kumuelewa maana wana nguvu kuliko yeye

Kwa wenye akili za bashite ndio wanaamini hivyo

 

[Bramo]

Kwa wenye akili za bashite ndio wanaamini hivyo

Bashite ni Senior Vice Presidaa

 

[MABWA]

Si wataalam ni makada wa CCM anajua anatwanga kinu cha maji

 

[NAKWEDE]

maneno mazuri hayo

 

[911]

 

[misasa]

Hongera sana mheshimiwa waziri mkuu

 

[Jambazi]

Hivi Waziri Mkuu ana mamlaka ya kumfukuza kazi.. Mkuu wa Mkoa? au Wilaya? au wateule wa rais?

 

[South]

Kwa wenye akili za bashite ndio wanaamini hivyo

Wakiongozwa na Bashite mkuu