Kupambana na kukata tamaa: Bado Kuna Nuru?

[Zack Abdul]

Kuna muda unakaa peke yako na kujiambia, “Kama Kupambana, Nishapambana Lakini Ni Kama Najisumbua Tu.”

Unakumbuka ndoto ulizokuwa nazo, mipango uliyoweka, na juhudi ulizofanya, lakini mambo hayajaenda kama ulivyotarajia. Kadiri siku zinavyopita, ndivyo maswali yanavyoongezeka kuliko majibu.

Lakini maisha yana tabia ya kushangaza. Mara nyingi kipindi kinachoonekana kuwa kigumu zaidi ndicho kinachokutayarisha kwa jambo bora zaidi. Si kila kilichochelewa kimekataa kuja, na si kila kilichopotea kimeondoka milele.

Usiache kuamini kwa sababu tu hujaona matokeo leo. Wakati mwingine ushindi huja baada ya mtu kufika mahali ambapo alitaka kukata tamaa. Endelea kupambana kwa uvumilivu, siku moja Mungu atajibu juhudi zako.

 

[Paroco]

Na woote tuseme Aminaa!!!

 

[Superb2014]

Amina, hakuna kukata tamaa.

 

[AYnay]

Kuna ile unachapika hadi kujiweka kwenye foleni ya wanao fatia kufa. Unaona bora ufe upunguze jam hapa duniani maana unakuta kila kitu kina kukataa mzee.. But huwa kuna tumaini moja tu nalo ni Yesu Kristo mwamba wa nazaleti