1. Tanzania yatupasa tuwe na moyo wa Uzalendo hasa na tuache majungu, chuki na uchochezi
2. Rais sasa ameanza kuelewa jinsi ya Kuiongoza / Kuitawala Tanzania
3. Profesa Kabudi awa ‘ turufu ‘ nzuri ya Rais hasa katika ‘ kusawazisha ‘ mambo magumu
4. Waziri Nchemba ‘ confidence ‘ yake mbele ya Rais sasa ni ‘ minus ‘ zero na ‘ anaogopa ‘ mno hadi anatia huruma na anasikitisha pia
5. Siku za uwepo wa Kampuni ya Magazeti ya MCL zinaanza ‘ Kuhesabika ‘ Kisheria
6. Rais ‘ anakerwa ‘ kwa kiasi Kikubwa na Vyombo vya Habari nchini
7. Gavana ‘ Mteule ‘ Luoga aliingia Ikulu akiwa ‘ mtiifu ‘ ila mara baada ya ‘ Kuteuliwa ‘ na alipokuwa anaenda kupiga picha kidogo ‘ mikogo ‘ ilianza japo kwa mbali kwani hajaamini kabisa kama ‘ ameukata ‘ zaidi maishani
8. Waziri Kairuki sasa ‘ confidence ‘ yake imekuwa ‘ maradufu ‘ na anaongea ‘ kiukakamavu ‘ kabisa huku akiwa hana ‘ aibu ‘ ya hadhira iliyokuwepo pale kama kwa wengineo
9. Rais anaidharau mno ‘ tasnia ‘ ya Habari na Mawasiliano hasa pale ambapo alisema kwamba Waandishi wa Habari wa Tanzania wanatakiwa kuwa ‘ Wazalendo ‘ kwa nchi yao ili hata siku moja ikija Kampuni hapa Tanzania basi wanaweza kupata Kazi ya kuwa Afisa Habari ( ila Yeye Rais alisema neno hili namnukuu “ linaweza hata likawa Liafisa Habari la hiyo Kampuni “. Nadhani Rais alisahau kwamba hii ‘ dharau ‘ yake hata ‘ Watendaji ‘ wake Wakuu akina Gerson Msigwa na Dkt. Hassan Abbas nao pia inawagusa
10. Japo Profesa Lipumba alialikuwa kutoa neno ila mwishoni alipiga ‘ Kijembe ‘ cha ‘ akili ‘ na cha ‘ Kimafumbo ‘ hasa aliposema kwamba leo ameongea sana kwakuwa sasa ‘ hawaruhusiwi ‘ kufanya Siasa nchini
11. Mzee John Momose Cheyo ameongea kifupi sana ila ametoa maneno ‘ Kuntu ‘ kabisa kwamba imefika mahala Watanzania sasa ‘ tujiamini ‘ na tuache ‘ kujidharau ‘ kwani tunaweza na pia ‘ Siasa ‘ za Tanzania zisiwe ‘ Kiwanda ‘ cha ‘ machafuko ‘ nchini
12. Kuna wengine leo ‘ Suti ‘ walizozivaa hazikuwakaa vyema hali ambayo imenifanya nihisi kwamba huenda kuna ‘ walioazima ‘ ili waende nazo pale Ikulu
13. Mara baada ya kutoka ‘ tangazo ‘ kwamba leo kutakuwa na Chakula cha pamoja na Rais pale pale Ikulu ukumbi wote ulionyesha Sura za furaha ikiwa ni ‘ Kiashirio ‘ tosha na cha ‘ Kutukuka ‘ kabisa kwamba Wageni wengi walikuwa na ‘ njaa ‘ mno na pengine hata ‘ Pesa ‘ mifukoni mwao zilikuwa hakuna hivyo Rais kaokoa ‘ jahazi ‘ kimtindo vinginevyo wengi wangepiga ‘ pasi ndefu ‘ leo
14. Rais ameonyesha wazi wazi kwamba ‘ hamkubali ‘ Gavana Ndullu na anatamani hata leo aondoke na kama vile ‘ amemchoka ‘ japo kuna wakati alimsifia ila kwa ‘ Wataalam ‘ wa diplomasia na mawasiliano tulimwelewa mapema sana alichokuwa anamaanisha
15. Rais hafurahishwi na baadhi ya ‘ Sheria ‘ ambazo tayari zimeshatungwa lakini ‘ Wahusika ‘ hawazitumii ili kuleta nidhamu na ‘ kuwaadabisha ‘ wale ambao ‘ wanawashwawashwa ‘ nchini
16. Waziri wa Ardhi William Lukuvi amezidi kuonyesha kwamba Yeye ni ‘ Jembe ‘ na ‘ hazina ‘ kubwa kwa Chama cha CCM na Serikali yake kwa ‘ Utendaji ‘ wake uliotukuka wa hiyo Wizara
17. Rais anaonekana ana nia njema na nzuri sana kwa Watanzania na Tanzania kama nchi ila tu kuna uwezekano mkubwa kwamba ‘ anahujumiwa ‘ na alionao karibu na ambao pengine anawaamini mno
18. Uwepo wa Mzee Reginald Mengi ukumbini na jinsi Rais alivyokuwa akisisitiza kuwa ‘ Wazawa ‘ waaminiwe ni dhahiri shahiri kwamba ‘ dongo ‘ kwa Profesa Muhongo limefika na tayari katika Vita yake na Mengi kwa sasa Mzee Mengi ameshakuwa mshindi
19. Rais ameendelea kuonyesha kwamba bado si ‘ mtunza ‘ taarifa ‘ nyeti ‘ mzuri hasa pale alipokuwa anasema hadharani harakati za ‘ Kiintelijensia / Kijasusi ‘ waziwazi dhidi ya wale ‘ maadui ‘ wa Uchumi wa Tanzania hali ambayo kwa maoni yangu Mimi GENTAMYCINE nadhani yalipashwa yajulikane tu Kwake na kwa wale Viongozi Wakuu wa Idara za Ulinzi na Usalama za nchi hii hasa ukizingatia kwamba bado Vita inaendelea na pengine Yeye ( Rais ) kutoa vile zile ‘ Siri ‘ anaweza akawapa mwanya ‘ maadui ‘ wa Uchumi na wakajipanga upya na kivingine
20. Kuteuliwa kwa Profesa Florens Luoga ambaye ni ‘ Mtaalam ‘ hasa wa Sheria za Kodi ( Taxation Laws ) kunaonyesha kwamba ‘ Wanasheria ‘ wengi hasa waliopo Serikalini ni ‘ goi goi ‘ tupu kwani muda wote Taifa linaingia katika ‘ hasara ‘ kubwa ya ‘ Kiuchumi ‘ wao walikuwa hawajali na hawatumii ‘ utaalam ‘ wao katika kutetea na kulinda ‘ rasilimali ‘ za nchi ambazo zilikuwa ‘ zinanyakuliwa ‘ kwa udhaifu wa hao Wanasheria ‘ goi goi ‘ wa Serikalini ambao wengi wao wapo Benki Kuu na Mamlaka ya Mapato vile vile
Hayo ndiyo ambayo ‘ jicho la Tatu ‘ la “ Purely Talented and Charismatic Fella “ GENTAMYCINE limeweza kuyaona, kuyagundua na kuyaelewa pia ila na Mimi kwa kumalizia tu niseme kwamba ndiyo inawezekana kukawa na ‘ mapungufu ‘ ya hapa na pale ya Kiutendaji kutoka ‘ juu ‘ ila sasa umefika muda kwa Watanzania wote kujenga tabia ya Kuungana na Kuonyesha ‘ Uzalendo ‘ pindi panakuwa na suala lenye umuhimu na maslahi kwa nchi yetu ya Mama Tanzania. Tunavyozidi ‘ Kugombana ‘ na ‘ Kuzozana ‘ sisi kwa sisi tunawapa ‘ mwanya ‘ hata ‘ maadui ‘ zetu kutucheka, kutudharau na hata kujipanga zadi kuweza kutugawa na kuzidi kututawala na sisi kubakia hapa hapa na ‘ maendeleo ‘ yetu duni.
Nawasilisha.