abdulahsaf
JF-Expert Member
- Aug 31, 2010
- 858
- 131
Send to a friend Tuesday, 22 February 2011 20:55
Mwenyekiti wa CCM, Rais Jakaya Kikwete
Na Nizar Visram
MWENYEKITI wa CCM, Rais Jakaya Kikwete, akihutubia kilele cha chama tawala kutimiza miaka 34 mjini Dodoma, alisema wakati umefika sasa kwa chama kufumuliwa na kuundwa upya kutokana na maadili yake. Kama vile mageuzi ya Ulaya mashariki yalivyoilazimisha CCM kuruhusu vyama vya upinzani, inawezakana mara hii Kikwete ameshawishiwa na matukio mawili
La kwanza ni haya mapinzuzi ya kidemokrasia yanayoikumba nchi za Kiarabu. Huko Misri na Tunisia vyama tawala vilitupwa kapuni na wananchi wenye hasira, na makada wake wakayeyuka hewani. Mapinduzi hayo sasa yanaenea katika Yemen, Algeria, Morocco, Bahrain, Libya na kadhalika
Labda Kikwete alishawishika na mapinduzi haya. Yawezekana pia hapa nyumbani alishinikizwa na matokeo ya uchaguzi wa Oktoba mwaka jana. Chama kilichozoea kutumia maneno kama ushindi wa kishindo na ushindi wa sunami sasa kimejikuta kikididimia. Baadhi ya makada waliendelea na jeuri yao kwa kutamba kama walivyozoea. Lakini kada mkuu Kikwete hakuficha ukweli.
Ukweli ni kuwa katika historia ya nchi hii chama tawala hakijawahi kupata pigo kama la Oktoba 2010. Mara ya kwanza chama kilipata kura chache na upinzani kuongeza kura zake pamoja na viti bungeni. Mara ya kwanza wananchi wengi hawakujitokeza kupiga kura. Haya tumewahi kujadili katika safu hii Sasa Kikwete ameona umuhimu wa kufanya mabadiliko katika chama.
Wakati alipotangaza nia hiyo alitoa mfano wa nyoka anayebadili ngozi yake kila baada ya muda. Akasema na chama nacho pia kinapaswa kubadili gamba lake. Kwa maneno mengine chama kinaiga mfano wa nyoka.
Hatujui ni mabadiliko gani atakayoyafanya Kikwete katika chama, ila tunajua kuwa hii si mara ya kwanza kutangaza mabadiliko katika chama. Tunakumbuka jinsi alivyotangaza kuwafanya viongozi wachague uongozi au biashara. Wengine tulikumbuka miiko ya uongozi chini ya Azimio la Arusha. Lakini baada ya muda mada hiyo ikasauliwa na hakuna mabadiliko yoyote aliyoyafanya katika uongozi.
Mara hii pia inawezakana nia yake hiyo ikagonga mwamba. Ni kwa sababu si rahisi kufanya mabadiliko katika chama kilichotekwa nyara na matajiri na mafisadi. Hiki si chama kile cha wafanyakazi na wakulima licha ya nembo katika bendera yake na katiba yake inavyosema. Waonaofikiria bado wanaweza kurudisha uongozi wa chama kama kilivyokuwa zamani wanajidanganya.
Suali la kujiuliza ni vipi Kikwete atafanikiwa kuunda upya uongozi wa chama ambacho wakati wa kura za maoni mwaka jana kadi feki za uanachama zililizagaa nchini. Kadi hizo feki zilitolewa kwa wapiga kura mamluki. Orodha za wanachama zilipotezwa kwa njama za makusudi na daftari feki zikatayarishwa zikiwa na wanachama mamluki.
Wanachama halali wakanyimwa haki ya kuwachagua wagombea wanaowataka. Matokeo yake ni kuvurugika kwa kura za maoni katika majimbo mengi. Hiki ni chama ambacho washindi wake waliibuka na ushindi kwa kusajili wanachama bandia ambao wamegawiwa kadi bandia ili waweze kupiga kura. Hivi ndivyo chama kilivyochagua na kuwateua viongozi na wawakilishi wake. Je Kikwete atafanikiwa kufuma upya uongozi wa chama?
Atafanikiwaje kukirekebisha chama ambacho makada wake wanahongwa bila ya kificho? Unakuta kule Songea mjini kada anadai arudushiwe fedha zake sh 800,000 baada ya kushindwa udiwani. Anatangaza kuwa alitoa fedha hizo kwa viongozi wa chama kwa makubaliano ya kumsaidia kushinda katika kinyanganyiro.
Alisema fedha hizo ni za kuwaweka sawa wanachama ili wamchague kama mgombea. Lakini fedha zake zikaliwa na viongozi na akaukosa uteuzi kama mgombea. Hiki ni chama ambacho madiwani wake na wabunge ndivyo walivyochaguliwa si Songea tu bali hata kwengineko.
Haya yalithibitishwa hata na katibu mkuu Yusuf Makamba aliyesema kila mmoja alihonga ila tu walizidiana dau akimaanisha kuwa hakuna mgombea aliyekuwa msafi. Yaani chama kiliwapitisha wenye dau kubwa.Halafu Kikwete anatuambia anakusudia kukirekebisha chama.
Atafanikiwaje kuikarabati CCM ambayo makada wake katika wilaya ya Kahama walisusia mkesha wa Mwenge wa Uhuru kwa sababu waliambiwa hakuna fungu la posho lililoandaliwa kwa ajili ya mbio za mwenge mwaka huu?
Chama ambacho makada wake wilayani wanakimbilia posho kitawezaje kutoa wabunge na mawaziri wanaojituma? Tusishangae kama nao wakidai posho mbili wanapohudhuria kikao kimoja. Tusishangae kama wao wakitumia vyeo vyao kujitajirisha kwa kuvamia ardhi na mali za umma na kudai asilimia 25 wanaposaini mikataba ya umeme.
Kwani ukweli ni kuwa hata chama chenyewe kimejitajirisha kwa kuvamia mali za taifa kama viwanja na majengo yaliyotokana na jasho la Watanzania wote. Chama hakioni hata aibu kwa udhalimu kilioufanya kwa kukwapua na kuhodhi mali za umma. Kama Kikwete anataka kukirekebisha chama basi aanze kwa kurudisha mali hizi kabla ya wananchi kupata ujasiri wa kudai haki zao.
Atawezaje kufanya ukarabati huo aliouahidi iwapo hata makamo wake wa mwenyekiti, Pius Msekwa, anazungumzia uozo huu kwa kusema eti tatizo la rushwa haliwezi kubebeshwa chama chake kwa sababu ni tatizo la taifa zima! Hawa ni wakuu wa chama waliozoea kutamba na kujivunia mafanikio ya serikali. Mazuri ni yetu, mabaya ni yao. Huu ni uhuni ambao Kikwete atakuwa na kazi kubwa kupambana nao
Si ajabu mbunge wa CCM aliyejiunga na upinzani (akashinda uchaguzi) alisema Hakuna CCM asilia, iliyopo ni CCM mamboleo iliyovaa joho la CCM asilia.
0713-562181
Na Nizar Visram
MWENYEKITI wa CCM, Rais Jakaya Kikwete, akihutubia kilele cha chama tawala kutimiza miaka 34 mjini Dodoma, alisema wakati umefika sasa kwa chama kufumuliwa na kuundwa upya kutokana na maadili yake. Kama vile mageuzi ya Ulaya mashariki yalivyoilazimisha CCM kuruhusu vyama vya upinzani, inawezakana mara hii Kikwete ameshawishiwa na matukio mawili
La kwanza ni haya mapinzuzi ya kidemokrasia yanayoikumba nchi za Kiarabu. Huko Misri na Tunisia vyama tawala vilitupwa kapuni na wananchi wenye hasira, na makada wake wakayeyuka hewani. Mapinduzi hayo sasa yanaenea katika Yemen, Algeria, Morocco, Bahrain, Libya na kadhalika
Labda Kikwete alishawishika na mapinduzi haya. Yawezekana pia hapa nyumbani alishinikizwa na matokeo ya uchaguzi wa Oktoba mwaka jana. Chama kilichozoea kutumia maneno kama ushindi wa kishindo na ushindi wa sunami sasa kimejikuta kikididimia. Baadhi ya makada waliendelea na jeuri yao kwa kutamba kama walivyozoea. Lakini kada mkuu Kikwete hakuficha ukweli.
Ukweli ni kuwa katika historia ya nchi hii chama tawala hakijawahi kupata pigo kama la Oktoba 2010. Mara ya kwanza chama kilipata kura chache na upinzani kuongeza kura zake pamoja na viti bungeni. Mara ya kwanza wananchi wengi hawakujitokeza kupiga kura. Haya tumewahi kujadili katika safu hii Sasa Kikwete ameona umuhimu wa kufanya mabadiliko katika chama.
Wakati alipotangaza nia hiyo alitoa mfano wa nyoka anayebadili ngozi yake kila baada ya muda. Akasema na chama nacho pia kinapaswa kubadili gamba lake. Kwa maneno mengine chama kinaiga mfano wa nyoka.
Hatujui ni mabadiliko gani atakayoyafanya Kikwete katika chama, ila tunajua kuwa hii si mara ya kwanza kutangaza mabadiliko katika chama. Tunakumbuka jinsi alivyotangaza kuwafanya viongozi wachague uongozi au biashara. Wengine tulikumbuka miiko ya uongozi chini ya Azimio la Arusha. Lakini baada ya muda mada hiyo ikasauliwa na hakuna mabadiliko yoyote aliyoyafanya katika uongozi.
Mara hii pia inawezakana nia yake hiyo ikagonga mwamba. Ni kwa sababu si rahisi kufanya mabadiliko katika chama kilichotekwa nyara na matajiri na mafisadi. Hiki si chama kile cha wafanyakazi na wakulima licha ya nembo katika bendera yake na katiba yake inavyosema. Waonaofikiria bado wanaweza kurudisha uongozi wa chama kama kilivyokuwa zamani wanajidanganya.
Suali la kujiuliza ni vipi Kikwete atafanikiwa kuunda upya uongozi wa chama ambacho wakati wa kura za maoni mwaka jana kadi feki za uanachama zililizagaa nchini. Kadi hizo feki zilitolewa kwa wapiga kura mamluki. Orodha za wanachama zilipotezwa kwa njama za makusudi na daftari feki zikatayarishwa zikiwa na wanachama mamluki.
Wanachama halali wakanyimwa haki ya kuwachagua wagombea wanaowataka. Matokeo yake ni kuvurugika kwa kura za maoni katika majimbo mengi. Hiki ni chama ambacho washindi wake waliibuka na ushindi kwa kusajili wanachama bandia ambao wamegawiwa kadi bandia ili waweze kupiga kura. Hivi ndivyo chama kilivyochagua na kuwateua viongozi na wawakilishi wake. Je Kikwete atafanikiwa kufuma upya uongozi wa chama?
Atafanikiwaje kukirekebisha chama ambacho makada wake wanahongwa bila ya kificho? Unakuta kule Songea mjini kada anadai arudushiwe fedha zake sh 800,000 baada ya kushindwa udiwani. Anatangaza kuwa alitoa fedha hizo kwa viongozi wa chama kwa makubaliano ya kumsaidia kushinda katika kinyanganyiro.
Alisema fedha hizo ni za kuwaweka sawa wanachama ili wamchague kama mgombea. Lakini fedha zake zikaliwa na viongozi na akaukosa uteuzi kama mgombea. Hiki ni chama ambacho madiwani wake na wabunge ndivyo walivyochaguliwa si Songea tu bali hata kwengineko.
Haya yalithibitishwa hata na katibu mkuu Yusuf Makamba aliyesema kila mmoja alihonga ila tu walizidiana dau akimaanisha kuwa hakuna mgombea aliyekuwa msafi. Yaani chama kiliwapitisha wenye dau kubwa.Halafu Kikwete anatuambia anakusudia kukirekebisha chama.
Atafanikiwaje kuikarabati CCM ambayo makada wake katika wilaya ya Kahama walisusia mkesha wa Mwenge wa Uhuru kwa sababu waliambiwa hakuna fungu la posho lililoandaliwa kwa ajili ya mbio za mwenge mwaka huu?
Chama ambacho makada wake wilayani wanakimbilia posho kitawezaje kutoa wabunge na mawaziri wanaojituma? Tusishangae kama nao wakidai posho mbili wanapohudhuria kikao kimoja. Tusishangae kama wao wakitumia vyeo vyao kujitajirisha kwa kuvamia ardhi na mali za umma na kudai asilimia 25 wanaposaini mikataba ya umeme.
Kwani ukweli ni kuwa hata chama chenyewe kimejitajirisha kwa kuvamia mali za taifa kama viwanja na majengo yaliyotokana na jasho la Watanzania wote. Chama hakioni hata aibu kwa udhalimu kilioufanya kwa kukwapua na kuhodhi mali za umma. Kama Kikwete anataka kukirekebisha chama basi aanze kwa kurudisha mali hizi kabla ya wananchi kupata ujasiri wa kudai haki zao.
Atawezaje kufanya ukarabati huo aliouahidi iwapo hata makamo wake wa mwenyekiti, Pius Msekwa, anazungumzia uozo huu kwa kusema eti tatizo la rushwa haliwezi kubebeshwa chama chake kwa sababu ni tatizo la taifa zima! Hawa ni wakuu wa chama waliozoea kutamba na kujivunia mafanikio ya serikali. Mazuri ni yetu, mabaya ni yao. Huu ni uhuni ambao Kikwete atakuwa na kazi kubwa kupambana nao
Si ajabu mbunge wa CCM aliyejiunga na upinzani (akashinda uchaguzi) alisema Hakuna CCM asilia, iliyopo ni CCM mamboleo iliyovaa joho la CCM asilia.
0713-562181
