Django
JF-Expert Member
- Apr 15, 2013
- 354
- 147
Kuna methali isemayo: Mchimba kisima huingia mwenyewe. Maana yake mtu anayemchimbia mwenziye shimo kwa dhamira mbaya huishia kuingia mwenyewe.
Methali hii hutumiwa kumshauri mtu anayekusudia kumfanyia ubaya mwenzake kuwa huenda ubaya huo ukamrudia yeye. Kama jinsi kuku aliyechinjwa anavyotapatapa kabla ya kufa, ndivyo kilivyo sasa CCM. Kinatumia kila njia kujiokoa. Ndio maana Bunge latumika kuwashambulia wapinzani, hususan Chadema, kana kwamba si wawakilishi halali wa wananchi!
Katika kikao cha 10 cha Bunge lililopita, Mbunge wa Iramba Magharibi, Mwigulu Nchemba aliifananisha bajeti kivuli iliyoandaliwa na upinzani kama takataka akiwauliza wapinzani walisomea wapi uchumi. Kama hiyo haikutosha, akaitupa chini nakala ya bajeti ya Kambi ya Upinzani aliyokuwa nayo mkononi!
Wabunge wa CCM walitumia wingi wao kushangilia kwa vifijo, vicheko, kubeza na kugonga meza. Si Spika wala Mnadhimu Mkuu wa Serikali Bungeni, William Lukuvi aliyekemea kitendo hicho.
Ingekuwaje kama hotuba ya bajeti ya serikali ingetupwa chini na mbunge wa upinzani?
Bunge si ukumbi wa mipasho, kejeli, kuzomeana wala kulala. Wabunge wanapaswa kuwakilisha kero za wananchi ili zishughulikiwe na serikali. Si mahala pa kutetea sera za vyama zisizokuwa na tija kwa wananchi, wala serikali inapokosea.
Hiyo si maana ya uwakilishi. Wabunge wakumbuke ahadi walizotoa walipokuwa wakiomba kura; baadhi yao wakipiga magoti majukwaani na kuamkia shikamoo hata kwa vijana wadogo!
Kikao cha 11 cha Bunge la Bajeti ya mwaka 2013/2014 yamezuka mauzauza mengine, kinara akiwa yuleyule Mwigulu Nchemba. Songombingo hilo lilianza baada ya Kiongozi wa Kambi ya Upinzani Bungeni, Freeman Mbowe kuwasilisha maoni ya kambi yake akisema:
Umeibuka uchochezi mpya wa kisiasa wenye ubia kati ya chama tawala na vyombo vya dola na kinachoitwa ugaidi. Kambi yangu inashangazwa na uhodari wa serikali kuchukua hatua kwa suala la mtu aliyebambikiwa kesi ya ugaidi kwa ushahidi wa kughushi kuwa yeye ndiye gaidi.
Akasema kambi yao inasikitika kuona waliokuwa wakiwasiliana na hao wanaoitwa magaidi ambao pia ni viongozi wa CCM na washirika wao hawajachukuliwa hatua yoyote. Tunaulaani mkakati
huu wenye nia ovu ya kufifisha demokrasia hapa nchini. Mpango huu haramu hautafanikiwa.
Naibu Katibu Mkuu wa CCM (Tanzania Bara) na ambaye pia ni Mbunge wa Iramba Magharibi, Mwigulu Nchemba alichachamaa na kusema kwa hisia kali: Watu wanapanga ugaidi halafu wanaachwa tu, nashukuru Mbowe hayuko hapa nadhani atakuwa amekamatwa (na Polisi) pamoja na Katibu wake kwa kuwa wao ndio wamekuwa wakiwasiliana na aliyekuwa amepanga ugaidi.
Wakati Nchemba akitoa shutuma zake dhidi ya Chadema, Mbowe alikuwa jijini Dar es Salaam katika maandalizi ya mkutano wa mafunzo na mipango ya Vuguvugu la Mabadiliko (M4C) na Kongamano la Katiba Mpya kwa Kanda ya Dar es Salaam na Pwani. Ni tofauti kabisa na kauli ya Nchemba kuwa anadhani Mbowe atakuwa kakamatwa .
Nchemba akadai yu tayari kutoa ushahidi Bungeni, Polisi na hata Mbinguni! Hakuwa akiishawishi Polisi imkamate Mbowe? Kuhusu kutoa ushahidi Mbinguni, ni lini Mwenyezi Mungu alimwita mwanadamu yeyote kwenda kutoa ushahidi? Nani anamdanganya Mwigulu kuwa Mbinguni kuna mahakama inayohitaji mashahidi wa duniani kwenda kuthibitisha mashitaka? Tusubiri, labda wa kwanza atakuwa Mwigulu Nchemba!
Mbunge wa Iringa Mjini, Mchungaji Peter Msigwa akitumia Mithali 27:22 katika Biblia Takatifu: Hata ukimtwanga mpumbavu kwa mchi kinuni pamoja na ngano , upumbavu wake hautamtoka, alisema serikali ina tatizo kwa kuwa kuna akili ndogo inayotawala vichwa vikubwa.
Kauli hiyo ilimnyanyua Mnadhimu Mkuu wa Serikali Bungeni, William Lukuvi na kusema Msigwa na mwenzie Wenje (wote Chadema) walikiuka kanuni za Bunge kutokana na matamshi yao. Pia aliungwa mkono na Naibu Spika, Ndugai akiwasihi wabunge kuacha kutumia lugha chafu. Wenje alisema serikali iliyo madarakani haina uwezo wala ujuzi na imepoteza imani ya watu kwa kushindwa kuwatatulia matatizo yao.
Huko nyuma, Mbunge wa Rombo, Joseph Selasini (Chadema) akionesha ushahidi wa CD mbili alizokuwa nazo mkononi, alisema katika Chuo Kikuu cha Dodoma (UDOM) udini umejikita kiasi kwamba wanafunzi wa dini tofauti hawawezi kulala chumba kimoja na kuhadharisha kuwa jambo hilo linahatarisha kuigawa jumuiya ya Chuo hicho.
Kauli hiyo ilimnyanyua Mbunge wa Kondoa Kusini (CCM) Juma Nkamia na kusema kama tatizo ni dini za wakuu wa UDOM, Maprofesa Idrissa Kikula na Shaban Mlacha, huo ni uchochezi na kuongeza kuwa hizo kanda zinazosemwa kuhusu udini ni za uchochoroni, tuachane nazo. Kanda zinazochochea udini nchini ziachwe kwa madai kuwa ni za vichochoroni? Hajui kuwa mwanzo wa mvua ni mawingu?
Mbunge wa Mbeya Mjini Joseph Mbilinyi (Chadema) aliingilia kati na kuuliza: na (kanda) za Lwakatare je? Akajibiwa na Juma Nkamia: Siongei na m-mbwa bali nazungumza na mwenye m-mbwa! Tafsiri yake Mbilinyi ni m-mbwa na mwenye m-mbwa ni viongozi wa Chadema!
Mbunge wa Mtera, Livingstone Lusinde (CCM) akiichambua hotuba ya Kiongozi wa Kambi ya Upinzani Bungeni aliwarushia vijembe viongozi wakuu wa Chadema kwamba kuna wabunge wenye mimba zisizotarajiwa Bungeni! Kuna watu wanataka kuvuruga nchi wakati wana watoto wachanga.
Mimi mtoto wangu wa mwisho ana miaka minane halafu Dk. Slaa wa kwake sijui ana wiki ngapi. Hawa wapinzani tuachieni mimi na Nchemba Mwigulu.
Dk. Slaa, Katibu Mkuu wa Chadema aliingizwaje kwenye malumbano ya Bungeni wakati si Mbunge na wala hakuwapo hata kwenye jukwaa la wageni waalikwa kama si chuki binafsi dhidi yake? Huyu ndiye Livingstone Lusinde, ambaye hata kwenye kampeni za ubunge kule Arumeru Mashariki mwaka jana alitumia lugha za matusi na mwishowe mgombea wao (CCM) akaanguka mweleka wa mende.
Kauli ya Lusinde kuwa Hawa wapinzani tuachieni mimi na Mwigulu ndivyo walivyoahidi walipokuwa wakiomba kura majimboni mwao? Au wanatumwa na chama chao (CCM) kuwashughulikia wapinzani badala ya kuwasilisha kero za wananchi? Huu ndio uwakilishi wa wananchi Bungeni? Ukimya wa CCM kwa wabunge wake unamaanisha nini?
Mwalimu Nyerere alipata kusema: Wenye mawazo tofauti na serikali, hata wawe wachache kiasi gani, lazima wapewe haki ya kutoa mawazo yao katika kujadili hoja bila hofu ya kusumbuliwa. Mawazo yao yashindwe tu kwa hoja na si kwa vitisho na nguvu.
Nampongeza Spika Anne Makinda alipowaambia Wabunge: Badala ya kujadili hotuba mnajadili matusi. Mmevaa suti vizuri kabisa lakini mnatoa matusi midomoni mwenu. Mtu ukivaa rasmi namna hii halafu unatoa matusi yasiyofanana na wewe inakuwa aibu kabisa. Mtu yeyote akitukana namwita askari, anachukuliwa humu ndani anakwenda n-nje.
Biblia Takatifu yasema: Aonywaye mara nyingi akishupaza shingo, atavunjika ghafula, wala hapati dawa. Wenye haki wakiwa na amri, watu hufurahi, bali mwovu atawalapo, watu huugua.
Tena: Hakika binadamu ni ubatili, na wenye cheo ni uongo; katika mizani huinuka; wote pamoja ni hafifu kuliko ubatili. Msiitumainie dhuluma, wala msijivune kwa unyanganyi; mali izidipo msiiangalie sana moyoni. Mara moja amenena Mungu, mara mbili nimeyasikia haya: ya kuwa nguvu zina Mungu, na fadhili ziko kwako, Ee Bwana; maana ndiwe umlipaye kila mtu sawasawa na haki yake.
Viongozi wa CCM na serikali wakisoma mistari hii kwa tafakuri bila kujali dini zao, wala kuendeleza chuki, dharau na udini unaoendelea kusitawi nchini, huenda watazinduka.
Mungu Ibariki Tanzania, Dumisha Uhuru na Umoja, Wake Kwa Waume na Watoto, Mungu Ibariki, Tanzania, Na Watu wake.
Methali hii hutumiwa kumshauri mtu anayekusudia kumfanyia ubaya mwenzake kuwa huenda ubaya huo ukamrudia yeye. Kama jinsi kuku aliyechinjwa anavyotapatapa kabla ya kufa, ndivyo kilivyo sasa CCM. Kinatumia kila njia kujiokoa. Ndio maana Bunge latumika kuwashambulia wapinzani, hususan Chadema, kana kwamba si wawakilishi halali wa wananchi!
Katika kikao cha 10 cha Bunge lililopita, Mbunge wa Iramba Magharibi, Mwigulu Nchemba aliifananisha bajeti kivuli iliyoandaliwa na upinzani kama takataka akiwauliza wapinzani walisomea wapi uchumi. Kama hiyo haikutosha, akaitupa chini nakala ya bajeti ya Kambi ya Upinzani aliyokuwa nayo mkononi!
Wabunge wa CCM walitumia wingi wao kushangilia kwa vifijo, vicheko, kubeza na kugonga meza. Si Spika wala Mnadhimu Mkuu wa Serikali Bungeni, William Lukuvi aliyekemea kitendo hicho.
Ingekuwaje kama hotuba ya bajeti ya serikali ingetupwa chini na mbunge wa upinzani?
Bunge si ukumbi wa mipasho, kejeli, kuzomeana wala kulala. Wabunge wanapaswa kuwakilisha kero za wananchi ili zishughulikiwe na serikali. Si mahala pa kutetea sera za vyama zisizokuwa na tija kwa wananchi, wala serikali inapokosea.
Hiyo si maana ya uwakilishi. Wabunge wakumbuke ahadi walizotoa walipokuwa wakiomba kura; baadhi yao wakipiga magoti majukwaani na kuamkia shikamoo hata kwa vijana wadogo!
Kikao cha 11 cha Bunge la Bajeti ya mwaka 2013/2014 yamezuka mauzauza mengine, kinara akiwa yuleyule Mwigulu Nchemba. Songombingo hilo lilianza baada ya Kiongozi wa Kambi ya Upinzani Bungeni, Freeman Mbowe kuwasilisha maoni ya kambi yake akisema:
Umeibuka uchochezi mpya wa kisiasa wenye ubia kati ya chama tawala na vyombo vya dola na kinachoitwa ugaidi. Kambi yangu inashangazwa na uhodari wa serikali kuchukua hatua kwa suala la mtu aliyebambikiwa kesi ya ugaidi kwa ushahidi wa kughushi kuwa yeye ndiye gaidi.
Akasema kambi yao inasikitika kuona waliokuwa wakiwasiliana na hao wanaoitwa magaidi ambao pia ni viongozi wa CCM na washirika wao hawajachukuliwa hatua yoyote. Tunaulaani mkakati
huu wenye nia ovu ya kufifisha demokrasia hapa nchini. Mpango huu haramu hautafanikiwa.
Naibu Katibu Mkuu wa CCM (Tanzania Bara) na ambaye pia ni Mbunge wa Iramba Magharibi, Mwigulu Nchemba alichachamaa na kusema kwa hisia kali: Watu wanapanga ugaidi halafu wanaachwa tu, nashukuru Mbowe hayuko hapa nadhani atakuwa amekamatwa (na Polisi) pamoja na Katibu wake kwa kuwa wao ndio wamekuwa wakiwasiliana na aliyekuwa amepanga ugaidi.
Wakati Nchemba akitoa shutuma zake dhidi ya Chadema, Mbowe alikuwa jijini Dar es Salaam katika maandalizi ya mkutano wa mafunzo na mipango ya Vuguvugu la Mabadiliko (M4C) na Kongamano la Katiba Mpya kwa Kanda ya Dar es Salaam na Pwani. Ni tofauti kabisa na kauli ya Nchemba kuwa anadhani Mbowe atakuwa kakamatwa .
Nchemba akadai yu tayari kutoa ushahidi Bungeni, Polisi na hata Mbinguni! Hakuwa akiishawishi Polisi imkamate Mbowe? Kuhusu kutoa ushahidi Mbinguni, ni lini Mwenyezi Mungu alimwita mwanadamu yeyote kwenda kutoa ushahidi? Nani anamdanganya Mwigulu kuwa Mbinguni kuna mahakama inayohitaji mashahidi wa duniani kwenda kuthibitisha mashitaka? Tusubiri, labda wa kwanza atakuwa Mwigulu Nchemba!
Mbunge wa Iringa Mjini, Mchungaji Peter Msigwa akitumia Mithali 27:22 katika Biblia Takatifu: Hata ukimtwanga mpumbavu kwa mchi kinuni pamoja na ngano , upumbavu wake hautamtoka, alisema serikali ina tatizo kwa kuwa kuna akili ndogo inayotawala vichwa vikubwa.
Kauli hiyo ilimnyanyua Mnadhimu Mkuu wa Serikali Bungeni, William Lukuvi na kusema Msigwa na mwenzie Wenje (wote Chadema) walikiuka kanuni za Bunge kutokana na matamshi yao. Pia aliungwa mkono na Naibu Spika, Ndugai akiwasihi wabunge kuacha kutumia lugha chafu. Wenje alisema serikali iliyo madarakani haina uwezo wala ujuzi na imepoteza imani ya watu kwa kushindwa kuwatatulia matatizo yao.
Huko nyuma, Mbunge wa Rombo, Joseph Selasini (Chadema) akionesha ushahidi wa CD mbili alizokuwa nazo mkononi, alisema katika Chuo Kikuu cha Dodoma (UDOM) udini umejikita kiasi kwamba wanafunzi wa dini tofauti hawawezi kulala chumba kimoja na kuhadharisha kuwa jambo hilo linahatarisha kuigawa jumuiya ya Chuo hicho.
Kauli hiyo ilimnyanyua Mbunge wa Kondoa Kusini (CCM) Juma Nkamia na kusema kama tatizo ni dini za wakuu wa UDOM, Maprofesa Idrissa Kikula na Shaban Mlacha, huo ni uchochezi na kuongeza kuwa hizo kanda zinazosemwa kuhusu udini ni za uchochoroni, tuachane nazo. Kanda zinazochochea udini nchini ziachwe kwa madai kuwa ni za vichochoroni? Hajui kuwa mwanzo wa mvua ni mawingu?
Mbunge wa Mbeya Mjini Joseph Mbilinyi (Chadema) aliingilia kati na kuuliza: na (kanda) za Lwakatare je? Akajibiwa na Juma Nkamia: Siongei na m-mbwa bali nazungumza na mwenye m-mbwa! Tafsiri yake Mbilinyi ni m-mbwa na mwenye m-mbwa ni viongozi wa Chadema!
Mbunge wa Mtera, Livingstone Lusinde (CCM) akiichambua hotuba ya Kiongozi wa Kambi ya Upinzani Bungeni aliwarushia vijembe viongozi wakuu wa Chadema kwamba kuna wabunge wenye mimba zisizotarajiwa Bungeni! Kuna watu wanataka kuvuruga nchi wakati wana watoto wachanga.
Mimi mtoto wangu wa mwisho ana miaka minane halafu Dk. Slaa wa kwake sijui ana wiki ngapi. Hawa wapinzani tuachieni mimi na Nchemba Mwigulu.
Dk. Slaa, Katibu Mkuu wa Chadema aliingizwaje kwenye malumbano ya Bungeni wakati si Mbunge na wala hakuwapo hata kwenye jukwaa la wageni waalikwa kama si chuki binafsi dhidi yake? Huyu ndiye Livingstone Lusinde, ambaye hata kwenye kampeni za ubunge kule Arumeru Mashariki mwaka jana alitumia lugha za matusi na mwishowe mgombea wao (CCM) akaanguka mweleka wa mende.
Kauli ya Lusinde kuwa Hawa wapinzani tuachieni mimi na Mwigulu ndivyo walivyoahidi walipokuwa wakiomba kura majimboni mwao? Au wanatumwa na chama chao (CCM) kuwashughulikia wapinzani badala ya kuwasilisha kero za wananchi? Huu ndio uwakilishi wa wananchi Bungeni? Ukimya wa CCM kwa wabunge wake unamaanisha nini?
Mwalimu Nyerere alipata kusema: Wenye mawazo tofauti na serikali, hata wawe wachache kiasi gani, lazima wapewe haki ya kutoa mawazo yao katika kujadili hoja bila hofu ya kusumbuliwa. Mawazo yao yashindwe tu kwa hoja na si kwa vitisho na nguvu.
Nampongeza Spika Anne Makinda alipowaambia Wabunge: Badala ya kujadili hotuba mnajadili matusi. Mmevaa suti vizuri kabisa lakini mnatoa matusi midomoni mwenu. Mtu ukivaa rasmi namna hii halafu unatoa matusi yasiyofanana na wewe inakuwa aibu kabisa. Mtu yeyote akitukana namwita askari, anachukuliwa humu ndani anakwenda n-nje.
Biblia Takatifu yasema: Aonywaye mara nyingi akishupaza shingo, atavunjika ghafula, wala hapati dawa. Wenye haki wakiwa na amri, watu hufurahi, bali mwovu atawalapo, watu huugua.
Tena: Hakika binadamu ni ubatili, na wenye cheo ni uongo; katika mizani huinuka; wote pamoja ni hafifu kuliko ubatili. Msiitumainie dhuluma, wala msijivune kwa unyanganyi; mali izidipo msiiangalie sana moyoni. Mara moja amenena Mungu, mara mbili nimeyasikia haya: ya kuwa nguvu zina Mungu, na fadhili ziko kwako, Ee Bwana; maana ndiwe umlipaye kila mtu sawasawa na haki yake.
Viongozi wa CCM na serikali wakisoma mistari hii kwa tafakuri bila kujali dini zao, wala kuendeleza chuki, dharau na udini unaoendelea kusitawi nchini, huenda watazinduka.
Mungu Ibariki Tanzania, Dumisha Uhuru na Umoja, Wake Kwa Waume na Watoto, Mungu Ibariki, Tanzania, Na Watu wake.
