kilimasera
JF-Expert Member
- Dec 2, 2009
- 3,068
- 268
WIZARA ya Ulinzi na Jeshi la Kujenga Taifa (JKT), imesisitiza kwamba upimaji wa afya wa vijana wanaotaka kujiunga na Jeshi la Ulinzi la Wananchi wa Tanzania (JWTZ) hufanyika mara mbili na hakuna ubaguzi wa vijana kutoka Zanzibar.
Waziri wa Ulinzi na JKT, Dk. Hussein Ali Mwinyi amesema, waombaji wa kujiunga na JWTZ hupimwa afya zao ili kuhakikisha wanaweza kuhimili mafunzo ya kijeshi na kutekeleza majukumu mbalimbali ya kijeshi katika mazingira tofauti.
Dk. Mwinyi amesema, upimaji wa afya wa awali hufanyika katika vituo kunakofanyika usaili, na baada ya hapo, husafirishwa kwenda katika kituo cha kufanyia mafunzo ya kijeshi ya awali.
Upimaji wa kina hufanyika katika kituo cha mafunzo ya kijeshi kabla ya kuanza mafunzo. Kwa kuwa upimaji huu ni wa gharama hufanyika kwa wale tu waliofaulu hatua ya awali. Wanaoonekana kuwa na matatizo ya kiafya hurejeshwa kwa gharama za jeshi hadi makwao, amesema Waziri Mwinyi.
Waziri huyo amesema, si kweli kwamba waombaji kutoka Zanzibar pekee ndiyo hupimwa afya mara mbili bila kuhusisha na wenzao kutoka Tanzania Bara.
Alisema utaratibu wa upimaji haubagui, bali unafanyika kwa wote kufuatana na utaratibu uliotajwa.
Alisema, waombaji walioachwa baada ya kupimwa kwa mara ya pili na kuonekana na matatizo ya kiafya, walitendewa haki kwa kuwa jeshi linahitaji kuwa na wanajeshi wenye afya nzuri wanaoweza kutekeleza majukumu ya jeshi kikamilifu.
Hii ni kwa manufaa ya jeshi na wahusika pia ikitiliwa maanani kuwa mafunzo ya kijeshi ni magumu na yanahitaji utimamu wa mwili, alisema Dk. Mwinyi akijibu swali la Mussa Khamis Silima (Baraza la Wawakilishi).
Waziri Dk. Mwinyi alisema, utaratibu wa ajira katika Jeshi umebadilika na sasa Jeshi linaajiri vijana ambao wameshapitia mafunzo ya JKT; na vijana wanaoomba kujiunga na JKT hutakiwa kuripoti kwenye usaili wakiwa na fedha za kuwarudisha makwao endapo hawatafaulu vipimo vya afya.
Waziri wa Ulinzi na JKT, Dk. Hussein Ali Mwinyi amesema, waombaji wa kujiunga na JWTZ hupimwa afya zao ili kuhakikisha wanaweza kuhimili mafunzo ya kijeshi na kutekeleza majukumu mbalimbali ya kijeshi katika mazingira tofauti.
Dk. Mwinyi amesema, upimaji wa afya wa awali hufanyika katika vituo kunakofanyika usaili, na baada ya hapo, husafirishwa kwenda katika kituo cha kufanyia mafunzo ya kijeshi ya awali.
Upimaji wa kina hufanyika katika kituo cha mafunzo ya kijeshi kabla ya kuanza mafunzo. Kwa kuwa upimaji huu ni wa gharama hufanyika kwa wale tu waliofaulu hatua ya awali. Wanaoonekana kuwa na matatizo ya kiafya hurejeshwa kwa gharama za jeshi hadi makwao, amesema Waziri Mwinyi.
Waziri huyo amesema, si kweli kwamba waombaji kutoka Zanzibar pekee ndiyo hupimwa afya mara mbili bila kuhusisha na wenzao kutoka Tanzania Bara.
Alisema utaratibu wa upimaji haubagui, bali unafanyika kwa wote kufuatana na utaratibu uliotajwa.
Alisema, waombaji walioachwa baada ya kupimwa kwa mara ya pili na kuonekana na matatizo ya kiafya, walitendewa haki kwa kuwa jeshi linahitaji kuwa na wanajeshi wenye afya nzuri wanaoweza kutekeleza majukumu ya jeshi kikamilifu.
Hii ni kwa manufaa ya jeshi na wahusika pia ikitiliwa maanani kuwa mafunzo ya kijeshi ni magumu na yanahitaji utimamu wa mwili, alisema Dk. Mwinyi akijibu swali la Mussa Khamis Silima (Baraza la Wawakilishi).
Waziri Dk. Mwinyi alisema, utaratibu wa ajira katika Jeshi umebadilika na sasa Jeshi linaajiri vijana ambao wameshapitia mafunzo ya JKT; na vijana wanaoomba kujiunga na JKT hutakiwa kuripoti kwenye usaili wakiwa na fedha za kuwarudisha makwao endapo hawatafaulu vipimo vya afya.
