ga. Dk.Mwakyembe atembelea tume ya Haki za Binadamu na Utawala Bora nchini

[singidadodoma]

Waziri wa Wizara ya Katiba na Sheria, Dk Harrisson Mwakyembe akizungumza na wafanyakazi (hawapo pichani) wa Tume alipofanya ziara katika Ofisi hizo. Wanamsikiliza pembeni yake kwa bashasha (kulia) ni Mwenyekiti wa Tume ya Haki za Binadamu na Utawala Bora, Mheshimiwa Bahame Nyanduga na kushoto ni Makamu Mwenyekiti wa Tume ya Haki za Binadamu na Utawala Bora, Iddi Mapuri.

Na Mbaraka Kambona,

Waziri wa Wizara ya Katiba na Sheria, Dk Harrisson Mwakyembe ameitembelea Tume ya Haki za Binadamu na Utawala Bora na kusema kuwa ni chombo muhimu ambacho uwepo wake unaipa heshima kubwa Tanzania kimataifa.

Akizungumza katika ziara aliyoifanya katika Ofisi za Tume jijini Dar es Salaam tarehe 31 Desemba 2015, Dk Mwakyembe alisema Tume ni chombo muhimu kwa taifa kilichoanzishwa kikatiba kwa lengo la kulinda na kutetea haki za binadamu nchini.

“Wananchi tunaowaongoza wanakihitaji hiki chombo kwa kuwa kimeundwa kusimamia haki zao” alisema Dk Mwakyembe

“Chombo hiki kipo kwa ajili ya kusimamia masuala ya haki za binadamu, serikali wakati mwingine katika kutekeleza majukumu yake yanaweza kutokea mapungufu ya kiutendaji, hivyo Tume ipo kwa ajili ya kurekebisha mapungufu hayo ili nchi iende vizuri” aliongeza

Dk Mwakyembe alisisitiza kuwa Tume inachokifanya ni katika mipango ya Serikali, na kwa hakika inaisaidia serikali iende katika mstari unaotakiwa.

Aidha, Dk Mwakyembe alitumia fursa hiyo kuwapongeza wafanyakazi wa Tume kwa uzalendo na uadilifu wao katika kazi waliouonesha na amewaahidi kushirikiana nao katika kutekeleza majukumu yao ya kila siku.

Akizungumza mapema, Mwenyekiti wa Tume ya Haki za Binadamu na Utawala Bora, Mheshimiwa Bahame Nyanduga alimueleza Waziri, Dk Mwakyembe kuwa pamoja na jitihada kubwa inayofanywa na Tume katika kuhakikisha inatekeleza majukumu yake ya kila siku bado inakabiliwa na changamoto kubwa ya rasilimali fedha na uchakavu wa vitendea kazi.

Waziri wa Wizara ya Katiba na Sheria, Dk Harrisson Mwakyembe (katikati) akifurahia jambo na viongozi wa Tume ya Haki za Binadamu na Utawala Bora alipofanya ziara katika Ofisi za Tume jijini Dar es Salaam tarehe 31 Desemba 2015. Kulia ni Mwenyekiti wa Tume ya Haki za Binadamu na Utawala Bora, Mheshimiwa Bahame Nyanduga, Makamu Mwenyekiti wa Tume ya Haki za Binadamu na Utawala Bora, Iddi Mapuri na Kamishna Ali Rajabu.

mjengwablog

 

[habari ya hapa]

Nimemmisi Sophia Simba, uko wapi mama

 

[nyabhingi]

yani huyu mwakyembe nimetokea kumdharau hatari,ana uchu sana na vyeo hadi alichakachua ripoti ya richmond...kule bandarini na relini alitibua lakini magu kampa cheo,inaonekana ile siri ya richmond ya kuficha mambo mengine ili serikali isianguke ni bargaining chip yake hadi ccm yote inamuogopa!

 

[Ngongo]

Tume ya haki za binadamu na utawala bora ni chombo kilichoanzishwa na serekali kwaajili ya kupewa misaada na wazungu.Kazi za tume zipo kikatiba lakini haina nguvu kwa kuwa sheria nyingi zinakinzana na uwepo wa tume.