FUNDO LA KUZIMU (shairi)

[Idd Ninga]

1>kwanza iandae kucha,usinyonge unyayoni.
Mchana usiku kucha,zitazame vidoleni.
Na vaa vazi la bucha,kwa nje siyo moyoni.
Fusho vundo la kuzimu,lifukize kwa mashuke.
2>baraza limeshakucha,vibaraka kikaoni.
Gongo supu ya mchicha,isopikiwa jamvini.
Siri iliyojificha,inafuka hadharani.
Fusho vundo la kuzimu,lifukize kwa mashuke.
3>akili waipikicha,imani haba nyoyoni.
Umejenga mbaya picha,huaminiki mtani.
Umekufa wako ucha,jiandae kifungoni.
Fusho vundo la kuzimu,lifukize kwa mashuke.
4>bora tabia kuacha,usifike matatani.
Ukweli umejificha,ndani ya shimo rohoni.
Ni chakula kimechacha,kula kigande tumboni.
Fusho vundo la kuzimu,lifukize kwa mashuke.
5>tena ufikiri kisha,tafakari kwa makini.
Tufe uliwezi rusha,bila dole mkononi.
Mwenyewe wajiangusha,wajitia hasarani.
Fusho vundo la kuzimu,lifukize kwa mash
uke.
Shairi=VUNDO LA KUZIMU.
Mtunzi=Idd Ninga wa Tengeru Arusha.
0755519736 au 0655519736

 

[einstein newton]

tisha bovu!....lakini mkuu dhima kubwa ya shairi lako ni nini haswa?

 

[Washawasha]

Santeee kwa shairi
Nalog off