Replica
JF-Expert Member
- Aug 28, 2017
- 1,716
- 9,051
MRADI wa ujenzi wa barabara ya juu (flyover) katika eneo la Tazara jijini Dar es Salaam umefikia asilimia 58 na unatarajiwa kukamilika Oktoba mwakani.
Flyover Tazara
Naibu Waziri wa Ujenzi, Uchukuzi na Mawasiliano, anayeshughulikia ujenzi, Elias Kwandikwa, aliyasema hayo juzi wakati alipofanya ziara ya ukaguzi wa mradi huo.
Kwandikwa alisema serikali inaridhishwa na kasi ya ujenzi wa mradi huo unaojengwa na kampuni ya Sumitomo Mitsui Construction Co Ltd.
"Kasi ni nzuri na wanavyoonekana watamaliza kabla ya wakati kwa sababu mwezi wa nne (Aprili) ulikuwa umefikia asilimia 25, mwezi wa saba ulikuwa asilimia 45 na sasa mwezi wa 10 umefikia asilimia 58, wanakwenda vizuri," alisema Kwandikwa.
Alisema mradi huo pindi utakapokamilika utakuwa na umuhimu kwa maendeleo ya nchi kwa sababu wakazi watakuwa wanawahi kufika katika shughuli zao.
"Mradi huu ni muhimu sana, ni kichocheo cha maendeleo, mtu akichelewa kazini kutokana na foleni maana yake atalipwa mshahara hewa, pia akichelewa kwenda sehemu za uzalishaji tija itapungua, sasa 'flyover' ikikamilika wananchi watawahi sehemu za kuzalisha," alisema Kwandikwa.
Rais John Magufuli wakati akiweka jiwe la msingi kuzindua ujenzi wa mradi huo Aprili 16, mwaka jana, alisema gharama za mradi huo ni Sh. bilioni 100 na kati ya fedha hizo Sh. bilioni 93.44 zitatolewa na serikali ya Japan kupitia Shirika lake la Kimataifa la Maendeleo la (Jica) huku Sh. bilioni 8.3 zikitolewa na serikali ya Tanzania.
Alisema barabara ya juu itakayojengwa itakuwa na njia nne na urefu wa mita 300 kutoka maeneo ya katikati ya jiji la Dar es Salaam kuelekea Uwanja wa Ndege wa Kimataifa wa Julius Nyerere (JNIA) na itapunguza kero na msongamano wa magari yaendayo na yatokayo JNIA na Bandari ya Dar es Salaam.
Flyover Tazara
Naibu Waziri wa Ujenzi, Uchukuzi na Mawasiliano, anayeshughulikia ujenzi, Elias Kwandikwa, aliyasema hayo juzi wakati alipofanya ziara ya ukaguzi wa mradi huo.
Kwandikwa alisema serikali inaridhishwa na kasi ya ujenzi wa mradi huo unaojengwa na kampuni ya Sumitomo Mitsui Construction Co Ltd.
"Kasi ni nzuri na wanavyoonekana watamaliza kabla ya wakati kwa sababu mwezi wa nne (Aprili) ulikuwa umefikia asilimia 25, mwezi wa saba ulikuwa asilimia 45 na sasa mwezi wa 10 umefikia asilimia 58, wanakwenda vizuri," alisema Kwandikwa.
Alisema mradi huo pindi utakapokamilika utakuwa na umuhimu kwa maendeleo ya nchi kwa sababu wakazi watakuwa wanawahi kufika katika shughuli zao.
"Mradi huu ni muhimu sana, ni kichocheo cha maendeleo, mtu akichelewa kazini kutokana na foleni maana yake atalipwa mshahara hewa, pia akichelewa kwenda sehemu za uzalishaji tija itapungua, sasa 'flyover' ikikamilika wananchi watawahi sehemu za kuzalisha," alisema Kwandikwa.
Rais John Magufuli wakati akiweka jiwe la msingi kuzindua ujenzi wa mradi huo Aprili 16, mwaka jana, alisema gharama za mradi huo ni Sh. bilioni 100 na kati ya fedha hizo Sh. bilioni 93.44 zitatolewa na serikali ya Japan kupitia Shirika lake la Kimataifa la Maendeleo la (Jica) huku Sh. bilioni 8.3 zikitolewa na serikali ya Tanzania.
Alisema barabara ya juu itakayojengwa itakuwa na njia nne na urefu wa mita 300 kutoka maeneo ya katikati ya jiji la Dar es Salaam kuelekea Uwanja wa Ndege wa Kimataifa wa Julius Nyerere (JNIA) na itapunguza kero na msongamano wa magari yaendayo na yatokayo JNIA na Bandari ya Dar es Salaam.