Figisufigisu za Umeya zahamia Tanga

[Bilionea Asigwa]

CHAMA cha Mapinduzi (CCM) kinatuhumiwa kupoka ushindi wa Meya wa Jiji la Tanga, na sasa madiwani wa Chama cha Wananchi (CUF) wamegoma kuendelea na shughuli za baraza la madiwani jijini humo, hadi suala la kupata meya halali aliyepokonywa na CCM litatuliwe.

Magdalena Sakaya, Naibu Katibu Mkuu (CUF) Bara amwaambia waandishi wa habari leo jijini Dar es Salaam kwamba, uporaji huo hauvumiliki na kukubalika na kwamba madiwani wa CUF wameamua kusitisha shughuli zote za baraza.

“CUF kupitia Naibu Katibu Bara, ilifanya jitihada za kutafuta ufumbuzi wa tatizo hilo kwa kufanya vikao na aliyekuwa Mkuu wa Mkoa Tanga Mwantumu Mahiza ambaye aliahidi kuitisha kikao cha pamoja cha kutafuta ufumbuzi, lakini jambo hilo halikutekelezwa.” amesema Sakaya.

Sakaya ameeleza kuwa baada ya hatua ya awali kutoleta mafanikio alimtafuta George Simbachawene, Waziri mwenye dhamana ya Serikali za Mitaa kwa kumuandikia barua na kufanya mazungumzo naye ofisini kwake japo aliahidi kulishughulikia tatizo hilo lakini hadi leo hakuna hatua zozote zilizochukuliwa.

“Baada ya jitihada zote hizo za CUF, kilichofanyika sio kutafuta ufumbuzi wa tatizo hilo bali ni kuficha ukweli kwa kumhamisha Mkurugenzi aliyepindua matokeo na kumpeleka halmashauri nyingine,” amesema Sakaya.

Kwa upande wake Musa Mbarouk, Mbunge wa Tanga Mjini amesema endapo tatizo la Tanga halitatatuliwa maendeleo hayatafikiwa kwani takribani miezi mitano hakuna vikao vilivyofanyika hasa vikao vya bajeti.

Ameongeza kuwa CUF haiko tayari kuacha Jiji la Tanga kuongozwa na Meya asiyehalali na aliyepora demokrasia kwa masilahi yake binafsi na wenzake kwa kuwa wananchi wa Tanga walikataa kuongozwa na CCM ndiyo maana walichagua Mbunge kutoka CUF na madiwani wengi kutoka chama hicho ili Meya awe wa CUF.

Akizungumzia kilichotokea siku ya uchaguzi Mbarouk alisema hatua hiyo imefikiwa baada ya Daudi Mayeji Mkurugenzi wa Jiji la Tanga, kukimbia na sanduku la kura na kwenda kujifungia ofisini kwake ili kuzuia kura hizo kutohesabiwa kwa mara ya pili baada ya wajumbe wa CUF kukataa matokeo aliyotangaza ambayo yalikuwa kinyume na kura za wajumbe.

Mayeji alitangaza kura tofauti na matokeo halisi ambayo yalidai kuwa Rashid Jumbe wa CUF amepata kura 18 huku Suleimani Mustafa wa CCM amepata kura 19. Matokeo hayo yalikuwa tofauti nay ale yalisemwa na wakala wa CUF ambaye alisema Mgombea wa CUF amepata kura 20 na mgombea wa CCM amepata kura 17.

Source: Figisufigisu za Umeya zahamia Tanga

 

[mcheshi]

CUF komaeni mpaka kieleweke.
Maana hao mafisiem wanataka kuleta democrasia za wizi tu kila mahali.
Ufisadi wa kutisha kila mahali lakini bado hawaoni aibu na wanataka kuendeleza huo ufisadi kama vile watu hawawaoni.
Msikubali uwizi wao huo.

 

[Chapa Nalo Jr]

Mi ccm ni shida. Heri uishi na sheitwani kuliko wana ccm

 

[mwembemdogo]

Ccm kura zenu hazitoshi kubalini Matokeo mnawachereweshea wana Tanga maendeleo yao.Au mpaka Mh. Magufuli aseme kama alivyoiambia CCM DAR?

 

[ostrichegg]

Ccm kura zenu hazitoshi kubalini Matokeo mnawachereweshea wana Tanga maendeleo yao.Au mpaka Mh. Magufuli aseme kama alivyoiambia CCM DAR?

Safi kabisa wana CUF tabia mbaya za CCM lazima zikomeshwe. Hata waje na vifaru, mawashawasha, pamoja na askari wengi kuliko waliopelekwa znz hakuna kurudi nyuma.

 

[Madenge Origino]

mijizi hii CCM ni balaa kwa nchi

 

[mwembemdogo]

Inashangaza sana kuona Chama tawala (CCM) hakitaki kukubali matokeo licha ya kujua kabisa kuwa kura zake in chache za Upinzani no nyingi.Hali hiyo ndio inayoendelea Manispaa ya Tanga Juu ya Uchaguzi wa MEYA.Yanayofanyika Tanga ndio hayo hayo yaliyofanyika DSM mpaka kuweka vizuizi mahakamani Na kutoa mazuio ya uongo hakika ni Aibu Kwa Chama kama CCM chama ambacho tunaamini ni komavu.CCM Tanga kumbukeni vurugu zenu za kung'ang'ania ushindi ambao Kwa Hesabu za darasa la Kwanza haziwezekani mnawacheleweshea wana Tanga maendeleo yao.Kutokana Na hali je mnataka mpaka Mh.Rais Magufuli awaambie Yale aliyowambia Viongozi wa CCM DAR?Ni Aibu Kwa chama tawala badala ya kuwa mfano bora wa kuheshimu maamuzi ya wananchi ndio inakuwa mstari wa mbele kupinga.Ndio maana hata Rasimu ya Warioba mlidiriki kuyaondoa maoni ya watanzania wenye nchi yao.CCM Tanga kubalini matokeo pigeni kura atakaye shida ashinde Kwa haki.Hapa Kazi tu.

 

[Masiya]

Haya mambo ya ajabu ajabu lazima yakomeshwe. Jamaa kura zao hazikutosha. Sasa mkurugenzi kutoroka na sanduku la kura ni ushahidi tosha wa kimazingira kwamba hesabu yao haikutimia. Kama ni mbwai iwe mbwai tu.

 

[Victor wa happy]

Ccm ya kiwaki kweli... Sitaipigia kura ccm hata siku Moja

 

[Shindu Namwaka]

Wanaona ngome yao inataka kuvunjika hahahahahahahahah MH rais wetu wa tz JPM tumbua hili jipu la tanga mana Hawa jamaa mpaka uongee wewe
Wenyewe vichwa vyao vimejaa maji akili zinaelea

 

[gogo la shamba]

si warudie uchaguzi huo kama walivyofanya Zenji

 

[Erythrocyte]

ni wakati wa simbachawene kujiuzulu , ameshindwa kazi .

 

[Consigliere]

CCM wanaleta mambo ya kisela sana...CUF wakomae nao hao. Hakuna kuwaachi nafasi.

 

[Erythrocyte]

si warudie uchaguzi huo kama walivyofanya Zenji

bila msaada wa vifaru na polisi ccm ni wepesi kuliko pamba .

 

[Bilionea Asigwa]

si warudie uchaguzi huo kama walivyofanya Zenji

Kule Jecha hayupo....

 

[ibesa mau]

majiji yote yalikataa kuongozwa na ccm, nawashangaa mwanza na ujinga wao.