Ethiopia imekuwa taifa la kwanza barani Afrika kununua ndege ya kisasa aina ya Airbus A350 XWB

[nankumene]

Ethiopia Airlines ndiyo ya kwanza Afrika kununua ndege aina ya Airbus A350 XWB

Ethiopia imekuwa taifa la kwanza barani Afrika kununua ndege ya kisasa aina ya Airbus A350 XWB.Ndege hiyo, Airbus A350, ndiyo ya hivi karibuni kuzinduliwa na kampuni ya ndege ya Airbus ya Ufaransa.

Ndege hiyo, iliyo na uwezo wa kubeba zaidi ya abiria 300, ilitua katika uwanja wa ndege wa kimataifa wa Jomo Kenyatta jijini Nairobi Kenya Jumatano jioni ikitokea mjini Addis Ababa, Ethiopia.

"Ndege hii ya kisasa itasaidia katika utoaji wa huduma zetu, kuimarisha mtandao wetu wa usafiri, na kupunguza kwa kiasi kikubwa viwango vya hewa chafu inayotolewa wakati wa usafiri wa ndege,” Mkurugenzi mkuu wa shirika la Ethiopian Airlines Tewolde GebreMariam amesema.

Ndege hiyo ni ya kwanza kuwasilishwa kwa kampuni hiyo, huku nyingine 13 ilizoagiza kutoka kwa kampuni ya Airbus zikisubiriwa hivi karibuni.

Safari ya kwanza ya ndege hiyo ilifanyika tarehe 2 Julai iliposafiri kutoka Ufaransa hadi mjini Lagos, Nigeria.

Viwango vya juu vya teknolojia iliyotumika kuunda ndege hiyo, vinachangia katika kuinua utendakazi wake, kupunguza matumizi ya mafuta pamoja na kupunguza kwa kiasi kikubwa utoaji wa hewa chafu.

Kampuni ya Ethiopian Airlines inaorodheshwa ya kwanza barani Afrika kwa faida na pia idadi ya maeneo inayosafirisha abiria.

Mwaka wa 2012, shirika hilo pia lilikuwa la pili duniani na la kwanza barani afrika kununua ndege aina ya Boeing 787 Dreamliner, ya kampuni ya Boeing, yenye afisi zake kuu Chicago, Marekani.

Kampuni ya Airbus na Boeing zinaongoza duniani katika utengenezaji wa ndege za kisasa, japo Airbus ina umaarufu mkubwa na imeipiku Boeing kwa faida na uuzaji wa idadi kubwa ya ndege.

Chanzo: BBC swahili

 

[Kisu Cha Ngariba]

Hongera Ethiopia, sisi tunakusanya madawati.

 

[gaspar kauki]

Hongera ethiopia sisi tunatafuta sukari iliyofichwa.

 

[mwasu]

Hili taifa lisingekuwa na migogoro lingekuwa na maendeleo sana, naona aibu nchi yangu kulazimisha migogoro na vyama vya upinzani ili wapate sababu ya kushindwa kuwaletea maendeleo wananchi, eti ndio kwanza tunachangishana madawati na rais wa nchi ndie mgeni rasmi, kazi tunayo tena iliyotukuka.

 

[mwenye shamba]

sisi bado tunamwombea mtukufu magu.

 

[Kitombise]

Sisi huku ni kuimba ccm mbele kwa mbelee

 

[sly boy]

Huu uwe mfano kwetu

 

[Mbulu]

Na sisi mwezi wa 9

 

[Mbulu]

Na sisi mwezi wa 9

 

[Ghazwat]

Dah.. Inasikitisha sana.. tujitambue jamani

 

[Cicero]

Daaa hiyo cabin imependeza balaa........nimejaribu kuimagine ingekuwa na rangi za Tanzania.......ndoto za mchana!

 

[funzadume]

Hongera sana sisi tunatumbua majipu

 

[GreatSeal]

Sisi huku ni kuimba ccm mbele kwa mbelee

Mtanivunja mbavu yaaan hapa JF saa zingine utadhani wanaotoa michango ni akina Cosby

 

[bampa 2 bampa]

Nimecheka sana aise jamii kunavituko kweli

 

[kidadari]

sisi bado tunakazana kuomba ushauri Rwanda...... nadhan bora tungebadili uelekeo kuja Ethiopia

 

[Otorong'ong'o]

Hongera Ethiopia, sisi tunakusanya madawati.

Hahahahaha...

 

[Otorong'ong'o]

Sisi huku ni kuimba ccm mbele kwa mbelee

Daah hii imenichekesha sana..

 

[Dragoon]

Ndani ya hiyo ndege siti za abiria zimebanana kama daladala za Mbagala rangi 3. Hata kunyoosha miguu huwezi

 

[Shimba ya Buyenze]

Ndani ya hiyo ndege siti za abiria zimebanana kama daladala za Mbagala rangi 3. Hata kunyoosha miguu huwezi

Naamini huko mbele kuna first na business class. Unaweza kukaa huko huku kwa walalahoi economy kukikushinda!

 

[Kitombise]

Daah hii imenichekesha sana..

Ndo wanachojua tu hicho na siasa za maji taka