Discoveries, Science, Technology and Nature


Msongo mkubwa wa mawazo ni hatari kwa Afya Yako ya mwili kuliko unavyodhani hizi ni sababu na jinsi ya kujikinga

Kuwaza sana mambo usiyoweza kudhibiti kuna madhara makubwa kwa afya yako ya mwili.

Msongo wa mawazo wa muda mrefu huweka mfumo wa mwili muda wote katika tahadhari ya kukabiliana na msongo hali hii ya tahadhari kila wakati, husababisha msongo sugu wa mawazo. Kadri muda unavyopita, hali hii hudhoofisha mfumo wa kinga, na hivyo kufanya mwili uwe rahisi kushambuliwa na magonjwa.

Zaidi ya hayo, msongo wa mawazo wa muda mrefu umehusishwa na matatizo ya moyo na mishipa ya damu, ikiwa ni pamoja na shinikizo la damu na hatari kubwa ya ugonjwa wa moyo.

Viwango vya juu vya homoni za msongo kama cortisol vinaweza pia kusababisha tatizo la mmeng'enyo wa chakula, mvutano wa misuli, na maumivu ya kichwa.

Zaidi ya hayo, mzigo wa kiakili wa kuhangaikia mambo yasiyoweza kudhibitiwa unaweza kusababisha tabia hatarishi, kama vile kula kupita kiasi au matumizi mabaya ya vilevi, hali inayoweza kuharibu zaidi afya ya mwili.

Soma zaidi:
[https://www.apa.org/topics/stress/body](https://www.apa.org/topics/stress/body)

Pata msaada:
[https://www.nimh.nih.gov/health/find-help](https://www.nimh.nih.gov/health/find-help)
 
Fact
 

### Kubadilisha Damu Ili Kufaa Karibu Kila Mtu

Wanasayansi wamefanikiwa kubadilisha aina za damu AB, A, na B kuwa aina O, ambayo inalingana na karibu kila mtu.

Walitumia enzimu zilizopatikana kutoka kwa bakteria waliopo kwenye utumbo wa binadamu ili kuondoa antijeni za aina hizo za damu.

Njia hii inaweza kusaidia kupunguza uhaba wa damu duniani. Kwa kutumia metagenomics, wanasayansi waliweza kutenganisha jeni za bakteria kutoka utumbo na kupima maelfu ya enzimu dhidi ya antijeni za A na B.

Waligundua enzimu inayoweza kuondoa antijeni za A kutoka chembe nyekundu za damu na kuichanganya na nyingine inayoweza kuondoa antijeni za B, hivyo basi kuruhusu damu ya AB, A, na B kubadilishwa kuwa aina O.

Hata hivyo, utafiti zaidi unahitajika ili kujaribu damu hii kwenye viumbe hai, kwani changamoto zisizotarajiwa zinaweza kutokea.

Aina ya damu O hasi (O-) ni nadra, ikiwa inaonekana kwa mtu 1 kati ya 15.

Watu wenye damu hii wanaweza kuchangia damu kwa mtu yeyote, kwani kupokea damu isiyoendana kunaweza kusababisha mwitikio wa kingamwili hatari.

Soma zaidi:
🔗 [https://pmc.ncbi.nlm.nih.gov/articl...://pmc.ncbi.nlm.nih.gov/articles/PMC6956546/)
🔗 [https://www.science.org/content/art...universal-donor-blood-help-bacterial-enzymes)
 

Huyu buibui anatumia tumbo lake gumu kama mfuniko wa shimo

Cyclocosmia truncata, aina ya kipekee ya buibui wa familia ya trapdoor spiders, ame develop mbinu ya pekee ya kujilinda: hutumia tumbo lake kama ngao.

anapohisi hatari, buibui huyu hujificha haraka ndani ya shimo lake na kufunga mlango kwa kutumia sehemu yake ngumu ya nyuma yenye muundo wa disc.

Tumbo lake lenye gamba gumu linazuia wadudu wala wanyama wengine kuingia ndani ya shimo, likiwa kama kinga isiyopenyeka.

Mbinu hii ya kiasili humwezesha Cyclocosmia truncata kusalia salama kwenye maficho yake, ikionyesha jinsi alivyo evolve kwa ustadi ili kuishi porini.
 

*Sperm zinavunja moja ya kanuni za fizikia (laws of physics)

Wanasayansi wamegundua jambo la kushangaza kuhusu mbegu za kiume

Zinaogelea kwa kubadilisha maumbo yao kwa njia inayovunja kanuni ya Tatu ya Newton.

Kanuni ya tatu ya Newton inasema kwamba kila kitendo kina matokeo sawa na kinyume chake ( in every action there is equal and opposite reaction ) yaani mfano unasukima kitu ili kiende mbele itatumia nguvu ambayo ni sawa na nguvu inayotumika kwenye miguu na mwili muda wa kuisukuma.

Hata hivyo, mbegu hizi hujipinda kwa namna maalum na kujisogeza bila nguvu yoyote inayoonekana kupingana na mwendo wao, jambo linalotilia shaka kanuni za msingi za fizikia.

Watafiti sasa wamepiga hatua kuelewa jambo hili, hasa kwa kuzingatia sifa za kipekee za unyumbufu wa seli hizi. Ugunduzi huu unaweza kuwa na athari kubwa, hasa katika maendeleo ya roboti ndogo zinazojiendesha kwa mbinu zinazofanana na hizi za kibayolojia.

Utafiti wa mbwgu hizi zinazoogelea kwa kuvunja "sheria" unabadilisha uelewa wetu wa mwendo katika kiwango cha chembe ndogo. Tofauti na namna ya kawaida inayotegemea kusukuma kitu kingine, mbegu hizi hutumia mabadiliko ya ndani ya miundo yao ili kujisogeza.

Wanasayansi wanaamini kuwa kwa kutumia mbinu kama hizo, wanaweza kubuni "microswimmers" za bandia kwa matumizi ya kitabibu, kama vile usambazaji wa dawa kwa usahihi au upasuaji usiohitaji kudungwa sindano.

soma zaidi [https://journals.aps.org/prxlife/ab...rg/prxlife/abstract/10.1103/PRXLife.1.023002)
 
robot ndogo Kama bacteria.?
 
Jesus37 said:
robot ndogo Kama bacteria.?
Click to expand...
ndio hiyo ni nano technology wanatengeneza vitu vidogo visivyoonekana kwa macho

vipo katika scale ya nano katika scale ya nano mfano nanometer ndogo mno

hao robot ni maalum kwaajili yakuingizwa kwenye damu kwenda kufanya kazi fulani kuzisaidia seli za mwili etc
 

Wataalamu wamegundua kuwa kuna hali ya tatu kati ya uhai na kifo, ambapo wamegundua seli zinaonyesha shughuli zisizotarajiwa baada ya kifo.

Badala ya kuzimika mara moja, baadhi ya seli zinaendelea kufanya kazi, kujirekebisha, na hata kujiendesha kwa namna ina challenge uelewa wetu wa fahamu za kibayolojia.

baadhinya seli fulani – zinapopewa virutubisho, oksijeni, na umeme wa kibaiolojia – zina uwezo wa kubadilika kuwa aina ya seli nyingi zenye kazi mpya hata baada ya kifo.

Ugunduzi huu unazua maswali kuhusu jinsi seli zinaweza kuwa na aina fulani ya ufahamu, bila kutegemea mwili mzima.

Iwapo seli zinaweza kuendelea kufanya kazi na kujibadilisha hata baada ya kifo, inaweza kubadili mtazamo wetu kuhusu fahamu katika kiwango cha microscopi. Watafiti wengine wanahoji kuwa uimara huu wa seli unadokeza uwepo wa aina ya akili ya kibayolojia iliyo ya msingi zaidi.

Ingawa wazo hili linazua mijadala, linafungua njia kwa maarifa mapya katika tiba, upandikizaji wa viungo, na hata uelewa wa uhai wenyewe.

Je, hali hii ya "tatu" inaweza kumaanisha kuwa sehemu za miili yetu zinabaki hai muda mrefu baada ya kifo? Matokeo yake ni makubwa na yenye mafumbo, yakitupa mtazamo mpya wa maana halisi ya kuwa hai.

Soma zaidi: [A 'Third State' Exists Between Life and Death—And That Suggests Your Cells Are Conscious, Some Scientists Say
 
Sio kwamba ni vyombo peke yake vimetua Bila watu mkuu.
 
NadeOj said:
ikiwa umbali wa miaka ya mwanga 20 pekee (20 light years) kutoka duniani.
Click to expand...
20 light years = 180 trillion km

Ukienda huko na chombo kinachosafiri kwa 1000km/hr, itakuchukua miaka 6.3 million kufikà, maana yake hakufikiki !!!
 

Ni rasmi — watafiti wanasema kimondo kimewai kuua mtu

Kwa mara ya kwanza, watafiti wamegundua ushahidi wa kihistoria unaoaminika kuhusu mtu kuuawa na kimondo kilichchoanguka kutoka angani.

Nyaraka kutoka katika kumbukumbu za serikali ya Uturuki zinaelezea tukio lililotokea Agosti 22, 1888, katika eneo ambalo sasa ni Sulaymaniyah, Iraq. Kulingana na ripoti tatu tofauti zilizoandikwa na mamlaka za eneo hilo, mpira mkubwa wa moto ulionekana ukipita angani kabla ya vimondo kunyesha kwa takriban dakika 10, na kusababisha kifo cha mtu mmoja huku mwingine akipooza.

Ingawa hakuna sampuli za kimondo zilizobaki, asili rasmi ya nyaraka hizi inafanya huu kuwa ushahidi wenye nguvu zaidi wa kihistoria wa tukio la kimondo kusababisha kifo.

Dunia inashukiwa mara kwa mara na mabaki ya vitu vya anga kama kimondo, lakini vingi huungua angani kabla ya kufika ardhini. Majeraha yanayotokana na kimondo ni nadra sana, kesi maarufu zaidi ikiwa ya Ann Hodges, ambaye alinusurika baada ya kupigwa na kimondo mwaka 1954.

Ugunduzi huu unaonyesha pengo katika uelewa wetu—rekodi za kihistoria zilizoandikwa katika lugha zisizo za Kiingereza huenda zina ushahidi zaidi wa matukio ya ajabu yanayohusiana na vimondo. Watafiti wanaendelea kuchunguza, wakitarajia kufichua zaidi matukio yaliyosahaulika yanayohusisha binadamu na mambo ya anga ya anga.

Soma zaidi: https://onlinelibrary.wiley.com/doi/full/10.1111/maps.13469
 
antimatter said:
20 light years = 180 trillion km

Ukienda huko na chombo kinachosafiri kwa 1000km/hr, itakuchukua miaka 6.3 million kufikà, maana yake hakufikiki !!!
Click to expand...
unajua saivi interest yao kubwa pia ni kufanya mawasiliano na extraterrestrial civilization kwaiyo kugundua kuna sayari inafanana sana na dunia ni jambo la kwanza kuonyesha hienda kuna civilization

**** mwaka walipokea "wow" signal hii ni radio signal ambayo haikua imetoka duniani bali imetokea nje ya dunia jinsi ilivyo inaonyeshwa ilirushwa intentionally kutumia vifaa
 

Huwezi kuwa mtu yule yule uliyekuwa dakika 10 zilizopita.

Mwili wako unajirekebisha kila mara. Seli mpya hutengenezwa, na zile za zamani hutolewa.

Kila baada ya miaka 7 hadi 10, unapata mwili mpya kabisa na seti mpya za viungo na tishu. Tumbo lako hujibadilisha kila baada ya siku 4, huku seli zake zinazosaidia mmeng’enyo wa chakula zikibadilishwa kila dakika 5.

Ini lako huji-repair kila baada ya siku 150. Safu ya nje ya ngozi yako, inayoitwa epidermis, hubadilishwa kila baada ya wiki 4. Kongosho lako, linalodhibiti kiwango cha sukari kwenye damu, hujibadilisha kila baada ya siku 50.

Na kila baada ya miezi 4, unapata seti mpya ya chembe nyekundu za damu kote mwilini. Hata ukitoa damu, inachukua wiki 12 pekee kuchukua nafasi ya chembe zote ulizopoteza. Ladha zako (taste buds) hubadilishwa kila baada ya siku 10, lakini kumbukumbu ya chakula kitamu ulichokula inabaki.

Ingawa seli nyingi hujirekebisha, baadhi ya sehemu za mwili hubadilika polepole. Mifupa, kwa mfano, inachukua hadi miaka 10 kujirudia kabisa, na tunavyozeeka, mchakato huu hupungua na mifupa kuwa dhaifu.

Hata hivyo, si kila sehemu ya mwili hubadilishwa. Seli zinazounda lenzi ya ndani ya macho yako na neurons kwenye gamba la ubongo (cerebral cortex) hubaki hivyo maisha yote.

Pamoja na mabadiliko haya yote, kitu pekee kinachobaki kuwa wewe ni ufahamu wako, kumbukumbu zako, na hisia zako. Mwili hubadilika, lakini wewe—mawazo na uzoefu wako—ndivyo vinavyodumu.

Soma zaidi: Discovery
 

Watoto Wachanga Hawapaswi Kunywa Maji:

Kabla ya miezi tisa, miili ya watoto bado inakua, na hata kiasi kidogo cha maji kinaweza kuvuruga uwiano wao dhaifu wa electrolyte.

Hii ni kwa sababu watoto wachanga wana matumbo madogo sana — yakishikilia takriban vijiko 1 hadi 2 (mililita 5 hadi 10) wanapozaliwa — ambavyo vinapaswa kujazwa maziwa ya mama au maziwa ya fomula yaliyojaa virutubisho, si kalori tupu kutoka kwa maji.

Maji mengi yanaweza kusababisha hali hatari inayojulikana kama water intoxication, ambapo viwango vya sodiamu kwenye damu hupungua, na kusababisha madhara makubwa ya kiafya.

Maziwa ya mama au fomula yanatoa maji yote anayohitaji mtoto katika miezi sita ya kwanza ya maisha, pamoja na virutubisho muhimu kwa ukuaji wake. Baada ya miezi tisa, vinywaji vya maji vinaweza kuanzishwa kwa tahadhari, lakini kabla ya hapo, mtoto wako anapata unyevu wote anaohitaji kupitia maziwa ya mama au fomula pekee.
 

Miti ya Cook Pine huinama kuelekea ikweta bila kujali ilipo sehemu yoyote duniani.

kinachoshangaza zaidi ni kua Kadiri ilivyo mbali na ikweta, ndivyo inavyoinama zaidi.

Miti ya Cook pine (Araucaria columnaris) ni conifers za kushangaza ambazo zimewachanganya wanasayansi kwa miongo kadhaa kutokana na mwelekeo wao wa kipekee.

Miti hii mirefu, inayoweza kukua hadi futi 197, huinama kuelekea ikweta—kusini katika nusu ya kaskazini na kaskazini katika nusu ya kusini.

Hivi karibuni, watafiti walichunguza mtindo huu wa kustaajabisha na kubaini kuwa Cook pines zina mwelekeo wa wastani wa digrii 8.05, huku pembe ya kuinama ikiongezeka kadiri mti unavyopandwa mbali na ikweta. Cha kushangaza, chini ya 9% ya miti haikufuata muundo huu.

Kwa nini miti hii huinama?

Tofauti na mimea mingine inayotulia kadiri inavyokua, Cook pines huendelea kuinama. Hii inaweza kusababishwa na phototropism (kuinamia mwanga wa jua), tabia ya kijeni, au hata vipengele vya kimazingira kama mvuto wa dunia na uwanja wa sumaku wa dunia. Wanasayansi wanaamini kuwa utafiti zaidi unaweza kufichua jinsi mimea inavyobadilika kulingana na mazingira yake.

Kwa sasa, Cook pines zinabaki kuwa kitendawili cha mimea, zikitoa mwanga juu ya jinsi mimea inavyobadilika na kuishi kulingana na mazingira yake.
 
You must log in or register to reply here.

Similar Discussions

Menu
Log in
Register
Cookies are required to use this site. You must accept them to continue using the site. Learn more…