CHADEMA kwanini mnataka kuichonganisha Serikali na viongozi wa KKKT

[TataMadiba]

Aliyekuwa mgombea urais kupitia CHADEMA, Edward Ngoyayi LOWASSA akiwa Mjini Tabora wakati wa Kampeni za kuwania urais wa Jamhuri ya Muungano wa Tanzania alinukuliwa akiwaasa waumini wa dhehebu la KKKT kumchagua yeye kwa kuwa ni Mlutheri na kwamba kwa awamu zote rais alipotokana na dini ya kikristo alitoka dhehebu la Kikatholiki.

Ni kauli hiyo ya Lowassa iliyopelekea hata baada ya uchaguzi , kukatokea matamko mbalimbali yalioashiria kutoikubali serikali ya awamu ya tano kutoka kwa viongozi wa dhehebu hilo. Hii siyo hali nzuri kwa msatakabali wa umoja na mshikamano wa Taifa letu.

Januari 31, 2016 katika kanisa kuu la KKKT, mjini Moshi, wakati askofu mkuu wa Kanisa la KKKT, Fredrick Shoo anasimikwa kuwa askofu mkuu wa kanisa hilo alinukuliwa kushutumu kitendo cha Polisi kuingia Bungeni kutuliza ghasia zilizosababishwa na Wabunge wa Upinzani. Shutuma hizi za Askofu Shoo kwa serikali alizitoa mbele ya Waziri Mkuu wa Jamhuri ya Muungano wa Tanzania, Majaliwa Kasim Majaliwa aliyekuwa mgeni rasmi kwenye ibada hiyo maalum. Wengine waliohudhuria ibada hiyo walikuwa ni Edward Lowassa na Fredrick Sumaye wote wakiwa ni waumini wa dhehebu la KKKT.

Jana wakati wa Ibada ya kushukuru uchaguzi kumalizika salama iliyofanyika katika Usharika wa Nshara katika Dayosisi ya Kaskazini ya KKKT, Mbowe ameibuka na kuishambulia serikali ya JPM kwa sera yake ya kutumbua majibu kwa madai kuwa watumishi wa Umma wanafukuzwa bila kupewa nafasi ya kujitetea. Ameyasema hayo mbele ya Askofu Mkuu wa KKKT, Fredrick Shoo, Maaskofu wakuu wastaafu, Erasto Kweka na Martin Shao. Mbowe anataka kuuambia Umma wa Tanzania kwamba, rais ni kichaa mpaka achukue uamuzi wa kumfukuza mtumishi wa Umma bila ya kuwa na kosa?*

Kuna haja ya CHADEMA mjitafakari vyema na kauli zenu ndani ya nyumba za ibada kuhusiana na utendaji wa serikali ya awamu ya tano. Kwa mwendo huu, itakuwa ni vigumu sana kuwafikirisha watanzania vingine tofauti na chuki zinazotokana Mlutheri kukosa urais katika uchaguzi mkuu uliomalizika oktoba mwka 2015.

Ni vyema kama cha chama cha siasa na chenye haki ya kuhakikisha kila mtanzania anatendewa haki, mkafanya utafiti na kujiridhisha na majina ya watumishi wa Umma walioonewa katika operesheni tumbua majipu na mkafuata taratibu na sheria ya Utumishi wa Umma mkawatetea badala ya kukimbilia katika nyumba za ibada kuponya majeraha yaliyotokana kukosa kuingia Ikulu. Mnaikosanisha Serikali na viongozi wa dini pasipo na sababu.

*Kwa upande mwingine mtambue kuwa wachache hao mnaowaona wanaonewa wamesababisha wengi kuumia kutokana na uhujumu wao wa rasilimali za nchi. Msitegemee Watanzania walio wengi kuwaelewa katika hili.

 

[sem2708]

Mbowe ajitafakari . Nashindwa kuwaelewa wapinzani wana dhamira Gani

 

[Bozi]

Kwani mluteri kuwa Rais ni dhambi. Kwani Polisi na mbwa kuingia Bungeni ni jambo dogo?
Watu washakuwa wapambe wa vyama hadi kupoteza uwezo wa kufikiri

 

[kepler telescope]

Sijawahi kuvutiwa kabisa na Mbowe. Ninachokiona kwa mwanasiasa huyu ni tamaa isiyokuwa ya kawaida ya madaraka, nyuma yake imejificha tamaa ya utajiri. Kama ulivyosema anaganga majeraha yaliyotokana na kuikosa Ikulu. Apuuzwe.

 

[Stroke]

Nilidhani Mbowe naye ni muelewa kumbe naye haelewi, kinachofanyika ni kuwasimamisha wafanyakazi majipu huku wakipisha uchunguzi wa tuhuma juu yao, kwani hakuna mtu mwenye tuhuma anayeweza kutuhumiwa na bado akawa anaendelea na kazi wakati akichunguzwa, kwani akiwa katika nafasi yake anaweza haribu uchunguzi juu yake, hivyo kumpumzisha ni suluhisho, tuhuma zikiwa confirmed anaweza pewa nafasi ya kujitetea na mwajiri asiporidhika inafuata barua ya kusimamishwa ajira, mbowe ana wa mislead watu, hii misiformation ya baadhi ya viongozi wenye dhamana kwa public inaweza leta chaos, ni bora kufanya reasearch kabla ya kulipuka majukwaani.

 

[Buchanan]

Mtoa mada umepotoka. Umedai kwamba Rais sio kichaa mpaka afukuze mtu "bila kuwa na kosa!" Hoja haikuwa ni "bila kuwa na kosa" bali ni "bila kusikilizwa!" Jaribu kumwelewa Mbowe. Halafu pia imejengeka dhana kwamba kila afanyacho Magufuli ni sahihi tu na wengine wote "wamwache Rais afanye kazi yake!" But, Remember that "Power corrupts and absolute power corrupts absolutely!" Kwa hiyo Magufuli "akiachwa afanye kazi yake" ataharibu mwishowe. Yeye mwenyewe alidai kwamba anapenda kukosolewa ila wafuasi wake hawataki akosolewe. That's wrong! Tumsifie Magufuli kwa kutumbua "majipu" baada ya "majipu" kujieleza. Sifa yake itakuwa kubwa zaidi kuliko sasa!

 

[rodrick alexander]

mbowe ni aina ya wtu wanaogeuza siasa kuwa ujasiliamali kwa kifupi analazimisha na asipoangalia wakati wa uchaguzi ujao chama kitamporomokea mpaka sasa hivi ameshindwa kuzziba pengo la Slaa au anasubiri majipu ya ccm yatayotumbuliwa ndio achukue katibi mkuu toka huko

 

[Pohamba]

Mtoa mada umepotoka. Umedai kwamba Rais sio kichaa mpaka afukuze mtu "bila kuwa na kosa!" Hoja haikuwa ni "bila kuwa na kosa" bali ni "bila kusikilizwa!" Jaribu kumwelewa Mbowe. Halafu pia imejengeka dhana kwamba kila afanyacho Magufuli ni sahihi tu na wengine wote "wamwache Rais afanye kazi yake!" But, Remember that "Power corrupts and absolute power corrupts absolutely!" Kwa hiyo Magufuli "akiachwa afanye kazi yake" ataharibu mwishowe. Yeye mwenyewe alidai kwamba anapenda kukosolewa ila wafuasi wake hawataki akosolewe. That's wrong! Tumsifie Magufuli kwa kutumbua "majipu" baada ya "majipu" kujieleza. Sifa yake itakuwa kubwa zaidi kuliko sasa!

Na wewe hujaelewa! Kumsimamisha mtu kazi ni mwanzo wa kumchunguza na kumhoji kisha kumpeleka Mahakamani kama ana hatia anafukuzwa kazi asipokuwa na hatia anarudishwa kazini. Kuendelea kutetea Watuhumiwa wa uhalifu kutawapoteza kisiasa

 

[Buchanan]

Na wewe hujaelewa! Kumsimamisha mtu kazi ni mwanzo wa kumchunguza na kumhoji kisha kumpeleka Mahakamani kama ana hatia anafukuzwa kazi asipokuwa na hatia anarudishwa kazini. Kuendelea kutetea Watuhumiwa wa uhalifu kutawapoteza kisiasa

Haya tuambie Dr Hoseah alipotenguliwa uteuzi wake kwa kigezo kuwa "haendani na kasi ya Magufuli" (sio kusimamishwa ili kupisha uchunguzi) alipewa nafasi ya kujitetea? Vitu vingine mmekaririshwa tu ili Magufuli aonekane ni infallible!

 

[Allen Kilewella]

ili Magufuli aonekane ni infallible!

Tusaidie katika hili ndugu yangu maana wengine elimu yetu ya Chini ya Mwembe hatuelewi. Usipoandika kwa kiswahili "Ili magufuli aonekane hakosei" tutadhani umeandika Inflammable. tuwie radhi ndugu yangu.

 

[Pohamba]

Haya tuambie Dr Hoseah alipotenguliwa uteuzi wake kwa kigezo kuwa "haendani na kasi ya Magufuli" (sio kusimamishwa ili kupisha uchunguzi) alipewa nafasi ya kujitetea? Vitu vingine mmekaririshwa tu ili Magufuli aonekane ni infallible!

Dr.Hosea hakuwa Muajiriwa wa ajira ya kudumu serikalini u DG PCCB ni kazi ya Mkataba ambayo muajiri anaweza kusitisha kwa kukulipa Mshahara wa Mwezi mmoja na kukutaarifu azma hiyo kama ilivyo hosea angeweza kuacha kazi.
Utendaji wa Dr.Hosea kama hauridhishi serikal haihitaji mazungumzo ya zaid.

 

[Nahonyo]

Yote kwa yote Mimi naona huwezi kumzuia mwanasiasa kuongelea siasa, ila si vyema kupeleka siasa, Misikitini na Makanisani. Watu tunatofautiana uelewa kwa kiwango kikubwa Tu, wapo watu mtawakaririsha vibaya huko mwisho wa siku tutatengeneza mpasuko. Kwa mfano kwa Matukio hata hili kanisa laweza jiona wanaundugu na CHADEMA.

 

[Buchanan]

Tusaidie katika hili ndugu yangu maana wengine elimu yetu ya Chini ya Mwembe hatuelewi. Usipoandika kwa kiswahili "Ili magufuli aonekane hakosei" tutadhani umeandika Inflammable. tuwie radhi ndugu yangu.

Sasa kama umeelewa kelele za nini?

 

[Allen Kilewella]

Sasa kama umeelewa kelele za nini?

Siyo kila kisemwacho ni kelele!

 

[Wakudadavuwa]

M

Kwani mluteri kuwa Rais ni dhambi. Kwani Polisi na mbwa kuingia Bungeni ni jambo dogo?
Watu washakuwa wapambe wa vyama hadi kupoteza uwezo wa kufikiri

Mbowe aende shule kwanza ndio arudi kwenye siasa...la sivyo vijana mtageuzwa kama wacheza shoo bills.

 

[Buchanan]

Dr.Hosea hakuwa Muajiriwa wa ajira ya kudumu serikalini u DG PCCB ni kazi ya Mkataba ambayo muajiri anaweza kusitisha kwa kukulipa Mshahara wa Mwezi mmoja na kukutaarifu azma hiyo kama ilivyo hosea angeweza kuacha kazi.
Utendaji wa Dr.Hosea kama hauridhishi serikal haihitaji mazungumzo ya zaid.

Kwa hiyo mwajiriwa wa Mkataba mambo ya "Natural Justice" hayawahusu?

 

[Buchanan]

Siyo kila kisemwacho ni kelele!

Duh, sasa turudi kwenye mada plse!

 

[ALWATAN KIZIGO]

Aliyekuwa mgombea urais kupitia CHADEMA, Edward Ngoyayi LOWASSA akiwa Mjini Tabora wakati wa Kampeni za kuwania urais wa Jamhuri ya Muungano wa Tanzania alinukuliwa akiwaasa waumini wa dhehebu la KKKT kumchagua yeye kwa kuwa ni Mlutheri na kwamba kwa awamu zote rais alipotokana na dini ya kikristo alitoka dhehebu la Kikatholiki.

Ni kauli hiyo ya Lowassa iliyopelekea hata baada ya uchaguzi , kukatokea matamko mbalimbali yalioashiria kutoikubali serikali ya awamu ya tano kutoka kwa viongozi wa dhehebu hilo. Hii siyo hali nzuri kwa msatakabali wa umoja na mshikamano wa Taifa letu.

Januari 31, 2016 katika kanisa kuu la KKKT, mjini Moshi, wakati askofu mkuu wa Kanisa la KKKT, Fredrick Shoo anasimikwa kuwa askofu mkuu wa kanisa hilo alinukuliwa kushutumu kitendo cha Polisi kuingia Bungeni kutuliza ghasia zilizosababishwa na Wabunge wa Upinzani. Shutuma hizi za Askofu Shoo kwa serikali alizitoa mbele ya Waziri Mkuu wa Jamhuri ya Muungano wa Tanzania, Majaliwa Kasim Majaliwa aliyekuwa mgeni rasmi kwenye ibada hiyo maalum. Wengine waliohudhuria ibada hiyo walikuwa ni Edward Lowassa na Fredrick Sumaye wote wakiwa ni waumini wa dhehebu la KKKT.

Jana wakati wa Ibada ya kushukuru uchaguzi kumalizika salama iliyofanyika katika Usharika wa Nshara katika Dayosisi ya Kaskazini ya KKKT, Mbowe ameibuka na kuishambulia serikali ya JPM kwa sera yake ya kutumbua majibu kwa madai kuwa watumishi wa Umma wanafukuzwa bila kupewa nafasi ya kujitetea. Ameyasema hayo mbele ya Askofu Mkuu wa KKKT, Fredrick Shoo, Maaskofu wakuu wastaafu, Erasto Kweka na Martin Shao. Mbowe anataka kuuambia Umma wa Tanzania kwamba, rais ni kichaa mpaka achukue uamuzi wa kumfukuza mtumishi wa Umma bila ya kuwa na kosa?*

Kuna haja ya CHADEMA mjitafakari vyema na kauli zenu ndani ya nyumba za ibada kuhusiana na utendaji wa serikali ya awamu ya tano. Kwa mwendo huu, itakuwa ni vigumu sana kuwafikirisha watanzania vingine tofauti na chuki zinazotokana Mlutheri kukosa urais katika uchaguzi mkuu uliomalizika oktoba mwka 2015.

Ni vyema kama cha chama cha siasa na chenye haki ya kuhakikisha kila mtanzania anatendewa haki, mkafanya utafiti na kujiridhisha na majina ya watumishi wa Umma walioonewa katika operesheni tumbua majipu na mkafuata taratibu na sheria ya Utumishi wa Umma mkawatetea badala ya kukimbilia katika nyumba za ibada kuponya majeraha yaliyotokana kukosa kuingia Ikulu. Mnaikosanisha Serikali na viongozi wa dini pasipo na sababu.

*Kwa upande mwingine mtambue kuwa wachache hao mnaowaona wanaonewa wamesababisha wengi kuumia kutokana na uhujumu wao wa rasilimali za nchi. Msitegemee Watanzania walio wengi kuwaelewa katika hili.

UKAWA MBIONI KUFA. HAWANA HOJA MAGUFULI KAWAZIBIA KBISA JAMAA KUCHONGA CHONGA UHARO

 

[kabombe]

Chadema ni matapeli tu

 

[Allen Kilewella]

Duh, sasa turudi kwenye mada plse!

Mada bila ya kueleweka inakuwa ngumu kujadilika!! Kuna ujinga mkubwa sana miongoni mwa wale wanaotaka kupambana na UKAWA baada ya Lowassa kujiunga na CHADEMA wanatumia silaha za kijinga sana ambazo zinaweza kuligawa taifa. Viongozi wakuu wa CCM kati ya saba sita ni waislamu, lakini CCM haitwi chama cha waislamu, na hao sita watano wanatoka ukanda wa pwani

Asilimia kubwa ya Mawaziri waliochaguliwa kwenye serikali ya Magufuli wanatoka ukanda wa kanda ya ziwa, tena kamteua hadi mbunge wa jimbo lake kuwa waziri. Lakini ni nani anasema magufuli ni Mtu anayeteua watu wa Kanda yake. Mwenyekiti wa Bunge ni kutoka kanda hiyo hiyo pamoja na Mwanasheria Mkuu wa serikali. Huu ujinga wa kutaka kuifanya CHADEMA ni ya walutheri na watu wa kanda ya Kaskazini utarigharimu taifa huko mbele ya safari.

Kama kuna jambo la kushukuru Mungu kwa Kikwete unadhani wataletwa masheikh au Maaskofu kwa ajili ya Ibada hiyo ya kushukuru? Hivi ni wangapi wanajua kwamba hoja ya Serikali ya Kitaifa Zanzibar na muafaka wa Zanzibar ilianzia kwenye duwah ya kumuombea Mzee Shaaban Mloo wa CUF? Mbowe alikwenda kwenye Jimbo lake ambalo kikawaida kabisa hutarajii wawe wamejaa wamakonde au wandengereko badala ya wachaga!

Sisi hapa Iringa Askofu, Msaidizi wa Askofu, Mkuu wa jimbo, Mchungaji wa Usharika wetu na wazee kibao wa usharika ni Wahehe! Jee unadhani kama Msigwa akiwa ni muumini wa usharika wetu akija kutoa shukrani na Jina la Askofu wetu Mdegela, Msaidizi wake Gaville, Mchungaji wa Usharika Mbogo yakionekana hayo majina ndiyo waambiwe wahehe wana ukabila?

Wengine tulikuwa tunaiunga mkono CHADEMA tangu enzi iko chini ya Msukuma Mzee Bob Nyanga Makani na hata enzi za Mkatoliki Dk. Slaa. Tuache huu ujinga wa kuchochea ubaguzi ambao kama kwa nchi yetu utasababisha mapigano athari na taathira zake zake zitakuwa kubwa kwa watu maskini na wala hazitakuwa kwa kina Mbowe wala kina Magufuli, ni wale kina mama zetu wanaouza vitumbua na mchicha barabarani!!