Bunge Maalum la Katiba, JK amevuna alichopanda

[dizbap]

Sina Mengi ya kueleza hapa ila nataka niwakilishe tu, Hoja yangu hii kwamba " UTEUZI WA WAJUMBE WA BUNGE MAALUM LA KATIBA JK AMECHEMKA"

Kwanza naomba niulize kwa nini kamati ya katiba alichagua wataalam tu na sio wanasiasa? Jibu alikuwa nalo na anajua, Maana Wanasiasa sio watu wa kuwaamini na kwamba wanasiasa ni watu wa kufuata upepo unapo elekea, a.k.a kufanya mambo kutokana na sera za vyama vyao. Hata kama jambo ni hatarishi vipi ila kama sera ya chama chake ina hitaji jambo hilo inabidi atetee tu, Mfano: USA wao wanasema kabisa na huu ndio Motto wao wa Kitaifa " IN GOD WE TRUST" lakini watu hao hao wanaosema wana mwamini Mungu ndio kwanza wanatetea USHOGA while katika Vitabu vya huyo wanae mwamini anakataza kabisa Jambo hilo.

Kwa Kusema hayo nafikiri mmeona Jinsi gani wanasiasa walivyo wafuata upepo na ni watu ambao wanendeshwa na sera za vyama vyao. Sasa JK kwa nini aliamua/alikubali kuwa wajumbe wa Bunge Maalum la katiba wawe hawa wanasiasa? Wakatia anajua kabisa hawa ni wafuata sera? Matokea ya Kuchemka kwa JK ndio haya ambayo tunayaona sasa.

Kwa upeo wangu mimi mdogo nafikiri wajumbe la Bunge hili la katiba walitakiwa wasiwe wanasiasa kabisaa, wangechaguliwa watu kutoka makundi mbali mbali wenye akili zao, Vijana kwa Wazee, Wanawake na Wanaume ambao wangekuwa hawana sera ya chama hata kimoja wala wasio pale kwa masilahi ya chama chochote wala ya mtu yoyote Bali ya WANANCHI, Haki ya Mungu ndani ya hizo 71 Days tungepata rasimu ya kuipigia kura na swala hili lingeisha.

Lakini kwa kuweka mule ndani wanasiasa wale hatuwezi pata kitu chochote kile maana mule ndani wataishia kutukanana na kudhalilishana tu.

Naomba kama JK utapata Ujumbe huu au kuna mtu yoyote humu ana access nae JK amueleze kuwa Jambo alilolifanya amechemka na nina mshauri avunje tu lile Bunge na Afikirie vizuri kama alivyo fikiria wakati anateua Kamati ya kuunda Katiba mpya kwa maana uteuzi ule ulikuwa wa Maana sana.

Asanteni.

Naomba Nitoe Hoja.

 

[bopwe]

Mhe. Mwenyekiti gazeti la Mwananchi la tarehe 14 Aprili 2014 limeandika kuwa "Waziri wa Nchi, Ofisi ya Waziri Mkuu (Sera Uratibu na Bunge), William Lukuvi ameanza kampeni kanisani kuwataka wananchi kupinga serikali tatu zilizopendekezwa na Tume ya Mabadiliko ya Katiba, vinginevyo nchi itatawaliwa na jeshi kwa kuwa Serikali ya Muungano itashindwa kuwalipa mishahara wanajeshi."

Mhe. Lukuvi aliyasema haya katika Kanisa la Methodist, Jimbo la Dodoma alipokuwa mgeni rasmi akimwakilisha
Waziri Mkuu, Mizengo Pinda katika ibada ya kumsimika Mchungaji Joseph Bundala kuwa askofu. Hoja kama hiyo pia ilizungumzwa na Rais Kikwete wakati akilihutubia bunge Maalum tarehe 21 Machi 2014.

Mhe. Mwenyekiti, Rasimu ya Katiba imeletwa na Tume ya Rais ili tuijadili na kuipitisha. Rasimu hii siyo ya CUF, siyo ya CHADEMA, siyo NCCR Mageuzi, siyo ya Wapemba. Ni Rasimu ya Tume ya Rais Kikwete.

Katika hotuba yake katika kanisa la Methodist Mhe. Lukuvi pia alisema "Serikali tatu zikipita ni wazi kuwa hata makanisa yatafungwa kwani nchi haiwezi kuwa na amani tena."

Lukuvi alisema Wazanzibari wanaotaka kuwa na nchi yao hawawezi kujitegemea, bali wanataka Serikali ili wapate nafasi ya kujitangaza kuwa ni nchi ya Kiislamu.

Baadaye alipotakiwa kufafanua kauli yake, Lukuvi alisema alichokizungumza kanisani hapo ni mawazo yake binafsi ambayo yanafanana na Watanzania wengi, akiwamo Rais Jakaya Kikwete.

Mhe. Mwenyekiti je lengo la serikali mbili ni kuwadhibiti Wazanzibari wasianzishe dola ya Kiislam kama alivyoeleza Mhe. Lukuvi? Baada ya hotuba ya Mhe. Lukuvi "Askofu Bundala alisema kanisani hapo kwamba ili kudumisha Muungano ni vyema Katiba ya Zanzibar ifutwe ili iwepo moja ya nchi moja ambayo inadumisha Muungano."

Mchakato wa kupata katiba mpya unapaswa kuwa wa maridhiano, Vipi Waziri anayemuwakilisha Waziri Mkuu anaenda kanisani na kusema Wazanzibari wanaotaka kuwa na nchi yao hawawezi kujitegemea, bali wanataka Serikali ili wapate nafasi ya kujitangaza kuwa ni nchi ya Kiislamu.

Kama hamuitaki Rasimu ya Katiba ya Tume ya Rais kwa nini mmetuleta hapa kwa gharama kubwa. Tunaambiwa Bunge limekarabatiwa kwa shilingi bilioni 8.2. Je ni utaratibu wa 10 percent uliohamasisha kutumia fedha nyingi huku serikali ikiamini kuwa Rasimu ya Katiba haifai kabisa.

Mjadala umekuwa wa matusi na siyo wa kujenga hoja. Kauli za kibaguzi zimetolewa dhidi ya Wapemba, dhidi ya Waarabu, dhidi ya Wahindi. Wajumbe wa Bunge Maalum wanashangilia kauli za kibaguzi. Tunaanza kupanda mbegu ya intarahamwe wa Tanzania. Kauli za kibaguzi ni kinyume cha maadili na tunu za Watanzania.

Kwa utaratibu wa kanuni 33 (7), Baada ya taarifa ya kamati namba moja hadi namba kumi na mbili kuwasilishwa, taarifa hizo zitajadiliwa kwa kipindi kisichozidi siku tatu. Baada ya mjadala kamati ya uandishi inapaswa kuanda vifungu vya sura hizo mbili ili vipigiwe kura na wajumbe wa pande mbili za muungano. Hilo halitafanyika.

Kufuatana na Ratiba, Bunge Maalum litaendelea hadi tarehe 25 Aprili bila kupiga kura na kufanya maamuzi ya vifungu vya sura hizi mbili kinyume na kanuni. Bunge linaahirishwa hadi Agosti bila kufanya maamuzi ili kuwapa nafasi CCM watafute theluthi mbili ya pande zote za Muungano kwa njia yeyote ile.

Tunaopigania katiba ya wananchi hatuwezi kubariki uchakachuaji wa maoni ya wananchi. Wakati umefika tuwaache CCM muendelee na vioja vyenu kwani hamtaki kuandika katiba inayotokana na mawazo ya wananchi badala yake mnahamasisha chuki dhidi ya Wapemba, Wahindi na Waarabu na kupandikiza uhasama wa kidini.

 

[Bujibuji Simba Nyamaume]

Kikwete, msanii, kundi la walio wengi ni wasanii watupu, hapa lazima ipatikane katiba ya kisanii kwa ajili ya Muungano wa kisanii Tanganyika na Znz

 

[meeku]

Maswali magumu:
1. Ufunguzi wa JK tu ulilenga kuaharimu machakato mzima kwa kuweka msimamo wake na wa chama kuwa anataka serikali mbili. Tena hizo serikali tatu mzianzishe wakati sipo).?
2. kama huyu JK alijua kuwa hii katiba ambayo leo yeye na wabunge wake wa ccm ndiyo inayofaa, ya nini kutupotezea fedha za uma kuunda tume ya warioba?
3. Hiyo rasimu ni ya warioba au yetu sisi wananchi? Na kama ni yetu sisi hao wanaokuja na rasimu wanaoitaka wao wanapata wapi hiyo jeuri au kwa msiamamo uleule aliouweka JK?
4.Je, Nyerere na Karume walikuwa manabii au mitume na hivyo walilopanga wao halibatilishwi? Naliamua kwa niaba ya wananchi au wanaccm? kama ni wananchi, leo wananchi wanataka tofauti kwanini wazuiliwe kwa hoja dhaifu za waasisi walisema?

5. Yete haya ni kutokana na UDHAIFU WA JK.

 

[Ngandema Bwila]

Nawaomba sana CCM endelezeni vijembe matusi na mipasho ili kuchochochea madiriko.

 

[samaki2011]

Nyerere alishatabiri huyu mtu hafai kuwa rais, haya sasa mnayaona wenyewe maneno ya mchonga yametimia

 

[hayaland]

unaposema katiba kamwe uwezi kuwatenga wanasiasa,katiba ni siasa.kitu kingine mfumo mbovu wa serikali wa kuwafanya wanasiasa kuhodhi kila kitu,ni hatari hata mambo ya kitaalam.