Baraza la Madiwani Dar launda Kamati ya kuchunguza mali za Jiji

[RUCCI]

Mstahiki Meya wa Jiji la Dar es Salaam, Isaya Mwita akizungumza na waandishi wa habari jijini Dar es Salaam leo

BARAZA la Madiwani la Jiji la Dar es Salaam limeunda kamati ya kuchunguza mali za jiji hilo kutokana na mali hizo kugubikwa na mbinu chafu na jiji kushindwa kunufaika mali hizo.

Akizungumza leo na waandishi habari jijini Dar es Salaam, Mstahiki Meya wa Jiji la Dar es Salaam, Isaya Mwita amesema kuwa kamati hiyo lazima ichambue mali hizo na kama ziko kwenye mikataba nazo ziangaliwe jinsi walivyoingia.

Amesema kuwa katika mali hizo ni pamoja na vibanda 130 vilivyo katika Benjamin Mkapa Kariakoo waliopanga vibanda hivyo wanalipa sh.30,000 ambapo kwa kiwango hicho ni kidogo sana kutokana eneo vilipo.

Mjumbe wa baraza la jiji la Dar es Salam, Saed Kubenea akionyesha baadhi ya nyaraka za siri za jiji la Dar es Salaam ambazo wameanza kuzichambua kwaajili za kutambua mali zilizo chini ya jiji la Dar es Salaam. katikati ni Mstahiki Meya wa Jiji la Dar es Salaam, Isaya Mwita na Afisa habari Gasto Makwembe.


Mwita amesema kuwa mali za jiji zimekuwa hazinufaishi na kufanya mapato kukusanywa sh.bilioni 11.7 hivyo mali zote zikichambuliwa jiji linaweza kukusanya zaidi ya sh.bilioni 20.

Aidha amesema kuwa UDA ni mali ya jiji kutokana na Mkaguzi na Mdhibiti Mkuu wa Hesabu za Serikali (CAG) kuzungumza kuwa shirika la Uda ni mali ya jiji.

Mwita amesema vyanzo vingine ambavyo jiji haipati fedha ni Soko la Kariakoo, DDC hivyo vikiamgaliwa na kamati iliyoundwa itaonyesha hali halisi na jinsi jiji watavyonufaika.

Mjumbe wa baraza la jiji la Dar es Salam, Halima Mdee akizungumza na waandishi wa habari jijini Dar es Salaam kuhusiana na mali zilizopo jiji la Dar es Salaam kuwa zipo chini ya jiji la Dar es Salaam.

 

[Ndalama]

Kila laheri

 

[Kayagamba]

Makwembe ni Afisa Habari wa Ukawa ama Jiji?

 

[babu M]

Aidha amesema kuwa UDA ni mali ya jiji kutokana na Mkaguzi na Mdhibiti Mkuu wa Hesabu za Serikali (CAG) kuzungumza kuwa shirika la Uda ni mali ya jiji.

Wafuate taratibu kurudisha UDA kwa mmiliki wake wa awali, jiji. Kama kulikuwa na mazingira ya rushwa au taratibu zilikiukwa kwenye kwenye mkataba watumie mwanya huo lakini kutumia kauli CAG kama ndio kauli ya mahakama itakula kwetu!

 

[REAGAN C.MABOGO]

Kumbe UKAWA ni watu wazima! nilidhani mngedanganyiwa pipi na ulaghai unaofanywa na CCM kwa kujifanya kuunda tume za uchunguzi na kujifanya kuwafukuza kina Kabwe mbele ya kamera ili kuwalaghai wananchi kuwa eti CCM ilikuwa haiujui wizi huo mpaka kuunda kijitume chao hicho cha kilaghai na hatimaye kuandaa igizo la kumfukuza Kabwe pale darajani. Chunguzeni upya hata hapo ambapo hiyo tume ya huyo Makonda ilipita. Nyie pekee ndiyo wa kutupa picha halisi. Ulaghai wa CCM hauanzi leo.

 

[MATHIAS KABYEMERA]

TUNASUBIRIA MAJIPU ohh HAPANA MAJIBU