Amos Makalla: Milioni 10 zimetengwa kwa ajili ya Ujenzi wa Daraja mto Mbaka

[ALWATAN KIZIGO]

SIKU chache baada Waziri wa nchi anayeshughulikia maafa Jenista Mhagama kujionea adha ya wananchi wa Kitongoji cha Kibundugulu kijiji cha Mbaka ya kuvuka mto kwa kutumia kamba kama alivyoombwa na Mbunge wa Rungwe Sauli Amon, Serikali imeanza kuwajengea daraja kwa kutoa kiasi cha shilingi milioni kumi.

Wananchi wa kitongoji cha Kibundugulu wamekuwa wakipata adha hii kwa muda mrefu ya kuvuka kamba ama wengine kulazimika kupiga mbizi ili kwenda kupata huduma muhimu za kijamii ikiwemo matibabu na elimu, ambapo hivi karibuni Waziri wa nchi ofisi ya Waziri Mkuu anayesughulikia maafa Jenista Muhagama, alitembelea eneo hili na kujionea hali ilivyo, akiahidi serikali kulitafutia ufumbuzi wa haraka.

Amos Makalla ndiye Mkuu wa Mkoa wa Mbeya, ametembelea daraja hili na kudai kuwa serikali imetoa kiasi cha shilingi milioni 10 kwa ajili ya gharama za ujenzi, lakini pia akapiga marufuku tabia ya wananchi ya kuvuka mto huu kwa kamba na kwamba wanahatarisha usalama wa maisha yao.

 

[MUSSA ALLAN]

Nani aliyesababisha huo umaskini wa kufikia wananchi kuvuka daraja kwa kamba kama sio CCM?
CCM ni laana kwa taifa!

 

[mjasiliaupeo]

Mkuu wa mkoa anahusiana vipi na CCM? ulitaka serikali itoe pesa kupitia viongozi wa Ukawa? na ni nini maana ya siasa? tuanzie hapo labda.

 

[BADILI TABIA]

Hilo si jukumu la serikali???

 

[Lizaboni]

Wao waendelee na porojo. Sisi tupo na wananchi

 

[Yohana Kilimba]

Ujenzi wa Daraja ni Kazi ya Serikali inayoongozwa na CCM,na ukumbuke tangu 1977,serikali zote ni za CCM!Sasa Wakijenga Si Wajibu Wao?

 

[kisadolini]

SIKU chache baada Waziri wa nchi anayeshughulikia maafa Jenista Mhagama kujionea adha ya wananchi wa Kitongoji cha Kibundugulu kijiji cha Mbaka ya kuvuka mto kwa kutumia kamba kama alivyoombwa na Mbunge wa Rungwe Sauli Amon, Serikali imeanza kuwajengea daraja kwa kutoa kiasi cha shilingi milioni kumi.
Wananchi wa kitongoji cha Kibundugulu wamekuwa wakipata adha hii kwa muda mrefu ya kuvuka kamba ama wengine kulazimika kupiga mbizi ili kwenda kupata huduma muhimu za kijamii ikiwemo matibabu na elimu, ambapo hivi karibuni Waziri wa nchi ofisi ya Waziri Mkuu anayesughulikia maafa Jenista Muhagama, alitembelea eneo hili na kujionea hali ilivyo, akiahidi serikali kulitafutia ufumbuzi wa haraka.
Amos Makalla ndiye Mkuu wa Mkoa wa Mbeya, ametembelea daraja hili na kudai kuwa serikali imetoa kiasi cha shilingi milioni 10 kwa ajili ya gharama za ujenzi, lakini pia akapiga marufuku tabia ya wananchi ya kuvuka mto huu kwa kamba na kwamba wanahatarisha usalapma wa maisha yao.

Hiyo sio hisani ni wajibu maana ni kodi zetu kwahiyo wana haki ya kujengewa hilo daraja

 

[jabulani]

Jamani ccm tumechoka wimbo huo, maendeleo sio barabara na madaraja tu.

 

[Kolobaa]

Milioni kumi!hilo ni daraja la aina gani?labda sasa wanaweka magogo.