ADC yajitosa Bububu

ADC yajitosa Bububu

nngu007

JF-Expert Member
Joined
Aug 2, 2010
Posts
15,860
Reaction score
5,803

NA MWANDISHI WETU

29th August 2012

ADC...IPP(1).jpg


Mwenyekiti wa muda wa chama cha siasa chenye usajili wa kudumu cha Alliance for Democratic Change (ADC), Said Miraaj Abdallah (kushoto), akipokea cheti cha usajili wa kudumu wa chama chake kutoka kwa Naibu Msajili wa Vyama Vya Siasa nchini, Rajabu Juma, kwenye hafla iliyofanyika katika ofisi za Msajili wa Vyama vya Siasa jijini Dar es Salaam jana.



Chama cha Aliance for Democratic Change (ADC) kimesema kitashiriki katika uchaguzi mdogo wa wawakilishi katika jimbo la Bububu visiwani Zanzibar Septemba 16, mwaka huu na hivyo kufanya idadi ya vyama tisa vitakavowania nafasi hiyo.

Akizungumza baada ya kupewa usajili wa kudumu, Mwenyekiti wa ADC Taifa, Said Miraji, alisema kwa sasa chama chake kimeweza kupata wanachama 200 kila mkoa katika mikoa 10 hivyo kinaweza kushiriki uchaguzi wowote nchini.

Alisema kwa sasa wanafanya uchaguzi ndani ya chama kumpata mgombea wa nafasi ya uwakilishi katika jimbo la Bububu visiwani Zanzibar.

"Tutafanya uchaguzi wa kwanza ambao tutampitisha mgombea Urais pamoja na mgombea katika uchaguzi jimbo la Bububu," alisema Miraji.

Miraji alisema chama chake kitaendesha kampeni za kistarabu pasipo vurugu, na kukemea vitendo vya ubaguzi wa dini na ukabila.

Naye Naibu Msajili Mkuu wa vyama vya siasa nchini, Rajab Juma, aliwapongeza ADC kwa jitihada kubwa walizozifanya hadi kupata usajili huo na kusema wazingatie masharti waliyopewa vinginevyo watanyang'anywa usajili huo.

Alisema, katika mikoa waliyozunguka, waliweza kuthibitisha wanachama hai ambao ni Mwanza (203), Kusini Pemba (233), Mjini Mngharibi (290), Tabora (273), Dar es Salaam (291), Dodoma (305), Mtwara (203), Lindi (246), Mara (253), na Tanga (291).

Kusajiliwa kwa ADC na kunaifanya Tanzania iwe na vyama 20 vyenye usajili wa kudumu.


CHANZO: NIPASHE


 

Hiki Ni Chama kama CUF kimazingira?
 
Yule mwanasheria wao aliye kuwa anatoa povu jana sijui kapotelea wapi?

Hongera sana ADC
 
I wish I was Pro Chadema

nilidhani weye ni pro cdm! sababu wao hulka yao ni uwoga na umimi wa kutaka kuwa peke yao wawe ndio chama cha upinzani .. mfano umimi wanaofanya bungeni kutenga vyama vyengine vya upinzani
 
Njiwa nao siku hizi hawafugiki!


nilidhani weye ni pro cdm! sababu wao hulka yao ni uwoga na umimi wa kutaka kuwa peke yao wawe ndio chama cha upinzani .. mfano umimi wanaofanya bungeni kutenga vyama vyengine vya upinzani
 
Back
Top Bottom