Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wabunge wengine wahongwa tena; Baadhi waogopa, wazisalimisha kwa Spika

Discussion in 'Jukwaa la Siasa' started by Uhalisia Jr, Sep 11, 2012.

  1. Uhalisia Jr

    Uhalisia Jr Senior Member

    #1
    Sep 11, 2012
    Joined: Sep 10, 2012
    Messages: 134
    Likes Received: 0
    Trophy Points: 0
    Mfanyabiashara mwenye asili ya Kiasia amewahonga wabunge kadhaa wa Kamati ya Bunge ya Katiba, Sheria na Utawala, JAMHURI imethibitishiwa.

    Habari za uhakika kutoka kwa baadhi ya wabunge na Ofisi ya Spika zinasema kwamba rushwa hiyo ilitolewa kama "asante" kwa wabunge hao baada ya kuzuru moja ya vitegauchumi vya mfanyabiashara huyo kilichopo Barabara ya Nyerere, Dar es Salaam, wiki kadhaa zilizopita.

    Mfanyabiashara huyo, ambaye ni mpenzi wa michezo nchini, pamoja na kuwahonga wabunge, amekuwa akituhumiwa kuwaweka baadhi ya waandishi wa habari kwenye malipo ya kila mwezi. Mkakati huo umemsaidia kutoguswa na vyombo vingi vya habari.

    Miongoni mwa wabunge wanaotuhumiwa kupokea hundi ya Sh milioni moja kutoka kwake ni Mwenyekiti wa Kamati ya Katiba, Sheria na Utawala; Pindi Chana. Hata hivyo, mbunge huyo amekataa kukubali au kukanusha taarifa hizo zinazoihusu Kamati yake.

    Habari zaidi zinasema baadhi ya wabunge walipokea hundi, lakini baadaye wakashituka na kuzisalimisha katika Ofisi ya Spika. Pamoja na Kamati hiyo, kuna habari kwamba wajumbe wa Kamati nyingine kadhaa nao walialikwa na kupewa kitita cha fedha. Hundi hizo ziliambatanishwa na barua za kuwashukuru wabunge hao kwa kuzuru eneo hilo la biashara.

    Lakini cha kushangaza ni kwamba hata wabunge ambao hawakushiriki ziara hiyo, nao wanadaiwa kupelekewa hundi za Sh milioni moja kila moja, na barua za shukrani. Hatua hiyo, pamoja na kutokana na msukumo wa kimaadili miongoni mwa wabunge hao wachache, inaelezwa kwamba ilitokana na hofu ya vita dhidi ya rushwa iliyowaingia wabunge.

    "Baadhi ya wabunge waliona hili ni ‘bomu', wakaamua kusalimisha hundi hizo kwa Spika, lakini wengine wakatulia nazo," amesema mbunge mmoja. Miongoni mwa waliokataa mwaliko na hundi hizo ni Mbunge wa Kawe, Halima Mdee (Chadema). "Nakuhakikishia kuwa sikupokea, mimi ni masikini jeuri, nilikataa kwenda kwa sababu nilijua ni masuala ya rushwa," amesema Mdee.

    Mwingine anayesemekana kuzikataa fedha hizo ni Mbunge wa Karagwe, Gosbert Blandes (CCM). Chanzo cha habari kinasema aliwasihi mno wabunge wenzake kuepuka kitendo hivyo haramu. Alipoulizwa na JAMHURI kwa njia ya simu, Spika wa Bunge, Anne Makinda, alikwepa kuzungumzia suala hilo kwa maelezo yake kwamba alikuwa katika ziara ya kiofisi nchini Srilanka na hivyo akamtupia mzigo huo Katibu wa Bunge.

    "Hii tabia ya mtu kuwa mbali anazungumzia mambo ya Dar es Salaam si nzuri, mimi niko Srilanka kwenye mkutano… mtafute Katibu wa Bunge, sipendi majungu hata siku moja," alisema Spika Makinda kwa ghadhabu. Hata hivyo, Katibu wa Bunge, Dk. Thomas Kashililah, juhudi za kuwasiliana na Katibu wa Bunge, Dk. Thomas Kashililah, hazikuzaa matunda baada ya JUMHURI kumpigia simu yake ya mkononi mara kadhaa ikiita bila kupokelewa.

    Wajumbe wa Kamati ya Katiba, Sheria na Utawala ni Chana (Mwenyekiti), John Lwanji (Makamu Mwenyekiti), Abbas Mtemvu, Nimrod Mkono, Halima Mdee, Fakharia Khamis Shomar, Zahra Ali Hamad, Mussa Haji Kombo, Felix Mkosamali, Blandes, Azza Hilal Hamad, Mustapha Akunaay, Jaddy Simai Jaddy, Tundu Lissu, Deogratias Ntukamazina, Jason Rweikiza, Rashid Ali Abdallah, Mohamed Said Mohamed, na Dk. Haji Mponda.

    Hivi karibuni, Spika Anne Makinda alilazimika kuivunja Kamati ya Kudumu ya Bunge ya Nishati na Madini baada ya wajumbe wake kadhaa kutuhumiwa kupokea rushwa ili wakwamishe Bajeti ya Wizara ya Nishati na Madini ya mwaka 2012/2013. Pamoja na kuivunja, Spika aliagiza uchunguzi wa tuhuma dhidi ya wabunge hao uanze mara moja ili watakaobainika waweze kuwajibishwa. Pia aliahidi kuzifumua Kamati nyingine zenye vimelea vya rushwa.

    Ni dhahiri kuwa suala la rushwa bungeni sasa linaelekea kuwa jambo la kawaida. Rushwa imekuwa ikitolewa kwa baadhi ya wabunge, kwa ajili ya kusaidia kupitishwa kwa bajeti na hoja mbalimbali zenye masilahi kwa makundi ya wafanyabiashara.

    Uchaguzi wa wabunge wa Bunge la Afrika Mashariki uliofanyika Aprili, mwaka huu, uligubikwa na rushwa ya wazi wazi. Licha ya vyombo vya habari kuandika na kutangaza habari hizo, hakuna hatua za dharura zilizochukuliwa kudhibiti hali hiyo.



    Source: Gazeti la Jamhuri
     

    Attached Files:

  2. F

    Fitinamwiko JF-Expert Member

    #2
    Sep 11, 2012
    Joined: Aug 13, 2012
    Messages: 4,605
    Likes Received: 16
    Trophy Points: 135
    Nashindwa kuliamini hilo gazeti la Jamhuri! No comments
     
  3. Mikael P Aweda

    Mikael P Aweda JF Gold Member

    #3
    Sep 11, 2012
    Joined: Dec 17, 2010
    Messages: 2,934
    Likes Received: 27
    Trophy Points: 0
    Hii nimeipenda sana.
    'Miongoni mwa waliokataa mwaliko na hundi hizo ni Mbunge wa Kawe, Halima Mdee (Chadema). "Nakuhakikishia kuwa sikupokea, mimi ni masikini jeuri, nilikataa kwenda kwa sababu nilijua ni masuala ya rushwa," amesema Mdee'.
     
  4. t

    timbilimu JF-Expert Member

    #4
    Sep 11, 2012
    Joined: Sep 2, 2010
    Messages: 4,661
    Likes Received: 49
    Trophy Points: 145
    Huyo mfanyabiashara ni mwenyekiti wa moja ya klabu kongwe ya mpira wa miguu. Tusubiri rafu na rushwa itakayo itikisa soka la Tanzania hivi karibuni.
     
  5. Komeo

    Komeo JF-Expert Member

    #5
    Sep 11, 2012
    Joined: May 3, 2011
    Messages: 2,063
    Likes Received: 213
    Trophy Points: 160
    Halafu, hivi kwanini Wahindi wanapenda sana kutoa toa rushwa? Mimi nafikiri kwasababu ni wezi wa kila kitu, wanahamisha mapato kupeleka nje, na ndio maana wanashikia bango suala la uraia wa nchi 2 au zaidi waruhusiwe ili iwe rahisi kwao kusepa.
     
  6. BAK

    BAK JF-Expert Member

    #6
    Sep 11, 2012
    Joined: Feb 11, 2007
    Messages: 50,125
    Likes Received: 9,826
    Trophy Points: 280
    Taasisi ya Kuruhusu na kufagilia Rushwa nchini - TAKUKURU.....Alitakiwa awe lupango huyu maana kuna ushahidi wa kutosha wa kumtia hatiani lakini hili halitatokea kwa kuwa Serikali DHAIFU imeshika utamu.
     
  7. idawa

    idawa JF-Expert Member

    #7
    Sep 11, 2012
    Joined: Jan 20, 2012
    Messages: 15,189
    Likes Received: 3,475
    Trophy Points: 280
    manji.!!!???? baniani mbaya kiatu chake dawa.!
     
  8. Safari_ni_Safari

    Safari_ni_Safari JF-Expert Member

    #8
    Sep 11, 2012
    Joined: Oct 5, 2007
    Messages: 19,767
    Likes Received: 1,877
    Trophy Points: 280
    ikiwemo kuinunua mechi ya october 3
     
  9. Filipo

    Filipo JF-Expert Member

    #9
    Sep 11, 2012
    Joined: Jan 6, 2011
    Messages: 9,314
    Likes Received: 156
    Trophy Points: 160
    Hiyo ni tamu sana Mkuu!
     
  10. Filipo

    Filipo JF-Expert Member

    #10
    Sep 11, 2012
    Joined: Jan 6, 2011
    Messages: 9,314
    Likes Received: 156
    Trophy Points: 160
    Maskini Yanga yetu!
     
  11. MAMA POROJO

    MAMA POROJO JF-Expert Member

    #11
    Sep 11, 2012
    Joined: Nov 22, 2007
    Messages: 4,971
    Likes Received: 11
    Trophy Points: 135
    Kama ni kweli wanasitahiri kuadhibiwa bila kujali chama wanachotoka wabunge hao
     
  12. sun wu

    sun wu JF-Expert Member

    #12
    Sep 11, 2012
    Joined: Apr 1, 2012
    Messages: 2,026
    Likes Received: 21
    Trophy Points: 0
    Kwahio hio Rushwa Asante aliitoa kwa ajili ya nini ?

    Je akisema hio ilikuwa ni motisha ya kazi yao nzuri ?
     
  13. nyabhingi

    nyabhingi JF-Expert Member

    #13
    Sep 11, 2012
    Joined: Oct 12, 2010
    Messages: 8,926
    Likes Received: 1,387
    Trophy Points: 280
    kwa nini asingewaalika wanafunzi wa sekondari au shule ya msingi wakajifunze...hiyo ni rushwa na nina uhakika kuna magamba yamepokea...
     
  14. MAMA POROJO

    MAMA POROJO JF-Expert Member

    #14
    Sep 11, 2012
    Joined: Nov 22, 2007
    Messages: 4,971
    Likes Received: 11
    Trophy Points: 135
    bunge letu linakwenda wapi????????????

    bunge letu linaelekea wapi??????????????????
     
  15. cacico

    cacico JF-Expert Member

    #15
    Sep 11, 2012
    Joined: Mar 27, 2012
    Messages: 8,308
    Likes Received: 7
    Trophy Points: 135
    safari hii zitto hakuitwa kupokea hummer lingine?? nonsense mbunge!
     
  16. F

    FJM JF-Expert Member

    #16
    Sep 11, 2012
    Joined: Apr 11, 2011
    Messages: 8,091
    Likes Received: 76
    Trophy Points: 145
    Seriously, kamati ya Katiba na Sheria inafuata nini kwa wafanyabiashara?
     
  17. T

    Tume ya Katiba JF-Expert Member

    #17
    Sep 11, 2012
    Joined: Apr 6, 2012
    Messages: 4,650
    Likes Received: 359
    Trophy Points: 180
    Simple logic:

    Kama lissu ni mjumbe wa kamati na hakutajwa kuwa miongoni mwa waliokataa rushwa basi lisu .......................rushwa.
     
  18. Safari_ni_Safari

    Safari_ni_Safari JF-Expert Member

    #18
    Sep 11, 2012
    Joined: Oct 5, 2007
    Messages: 19,767
    Likes Received: 1,877
    Trophy Points: 280
    Hii sentensi umeielewaye?

    Mfanyabiashara mwenye asili ya Kiasia amewahonga wabunge kadhaa wa Kamati ya Bunge ya Katiba, Sheria na Utawala, JAMHURI imethibitishiwa.
     
  19. Uhalisia Jr

    Uhalisia Jr Senior Member

    #19
    Sep 11, 2012
    Joined: Sep 10, 2012
    Messages: 134
    Likes Received: 0
    Trophy Points: 0
    Napata shida kuhusu uhalali wa BUNGE hili na wengi walioko.
     
  20. papason

    papason JF-Expert Member

    #20
    Sep 11, 2012
    Joined: Sep 14, 2010
    Messages: 1,822
    Likes Received: 133
    Trophy Points: 160
    Ragee, raage, umeishaanza mizengwe na fitna zako,ukishilikiana na friends of simbaa wenzako.......

    Tunakujua wee ni mzee wa fitna, majungu na uchonganishi!

    Kama tumewazidi 'maarifa' kwenye usajili usitake kulipiza kisiasa!
     
Loading...