Ufugaji wa Kuku wa Kisasa: Fahamu Mbinu, Faida, Changamoto na Masoko

[achengula]

Ndugu wana jamii forum,ifike wakati tuache kulalamika, tujitume kwa bidii kufanya kazi kwani kazi ndio msingi wa maisha yetu.Vijana graduates kutoka vyuo mbalimbali tuwaze zaidi kwenye kujiajiri kuliko kuajiriwa,kuajiriwa ni utumwa pia ni hasara kama utapiga vizuri hesabu zako.Kwa wastaafu pia wana fursa ya kutumia mafao yao vyema kwenye miradi ya ufugaji.

Kwa kuanzia tu naruhusu kuulizwa maswali kutoka kwa wale wote wanaojihusisha na ufugaji wa kuku, kama kuna jambo lolote linasumbua na kutaka kupata ufafanuzi .Pia kwa wanaohitaji kuanzisha mradi wa ufugaji wa kuku,utotoreshaji wa vifaranga,biashara ya uchanganyaji na uuzaji wa vyakula vya kuku nk ,kama watanzania tunaweza kusaidiana ili hatimae tuondokane na umasikini.Kila mtu awe msaada kwa watu wengine kwa fani aliyesomea.

Karibuni kwa mjadala.

Pia unaweza jielimisha juu ya ufugaji wa mifugo mbalimbali ikiwemo ufugaji wa kuku kwa kusoma hapa
SEKTA YA MIFUGO TANZANIA

 

[Aman Ng'oma]

Mkuu kama mayai yataweza kuhifadhiwa kwenye aircondition kama ulivyoeleza hapo juu yanaweza kukaa muda gani bila kuharibika?

Exactly life span yake kama ni miezi mingapi,hilo naomba uniachie nilifanyie utafiti kidogo nitakujibu,ila kinachojulikana kuwa mayai yaliyohifadhiwa kwenye air condition yana uwezo wa kukaa muda mrefu tu,na hii huwasaidia wafugaji pale ambapo soko la mayai linapokuwa sio zuri,wanayahifadhi ili kusubiri soka.

 

[Aman Ng'oma]

nimevutika na nimependa sana ushauri wako,ukizingatia mimi ni mwanafunzi wa chuo,na nategemea sana niweze kujiajiri mwenyewe ila nilikua sijajua niende kwenye field gani maana najihisi sina kipaji na sina uwezo mkubwa ila nimevutika na mraadi huu wa ufugaji kuku,mimi naitaji kujua haya yafuatayo

(1)jinsi gani nitapata elimu ya ufugaji wa kuku wa kienyeji na wapi kwa garama zipi,kwa sasa hivi mi nipo chuoni zanzibar ila naitaji kujua kwakua nipo kwenye semester ya mwisho na nikimaliza narudi home dar na kuelekea kijijini kwetu tayari kwa kulitumikia taifa kupitia kujiajiri kama hivyo,

Mh mafia boy, tuwasiliane kama utahitaji hiyo elimu, nitakuPM namba zangu.

 

[Lweganwa]

Kwa wastani wa kama kuku 100 wa mayai, wanahitaji mabanda mangapi na makadirio ya gharama za ununuzi pamoja na ujenzi wa mabanda yaweza kuwa shilingi ngapi bwana mtaalamu?

 

[Mzee Mukaruka]

Bradha kichwa mbovu, nitakutafuta kwani nina mpango kazi wangu wa kutaka kufuga kuku machotara, hawa wa kienyeji machotara kwa ajili ya mayai na nyama. Hasa nataka pia niwe natotoresha kwani nimeona vitotoresho (incubators) vizuri kwenye mtandao na havina gharama sana.

Ila la haraka ni hili naomba maelekezo ya namna ya kutengeneza chakula cha hao high breeds wa kienyeji mwenyewe nyumbani. Mengine tutatafutana as we go along humu JF - KISIMA CHA KUKOMBOANA.

 

[Papizo]

Ndugu Papizo kwanza nikupongeze kwa maswali yako mazuri.
Umeuliza idadi ya kuku wa kuanza nao kama ni wengi au kidogo.Kwa swali hili nadhani kwanza itategemea na mtaji wako na uzoefu katika ufugaji.Inawezekana ukawa na mtaji mkubwa ukatosha kuanza na kuku wengi lakini huna uzoefu kwenye ufugaji wa hawa kuku matokeo yake kama utafuga kuku wengi watakufa.Ninachoshauri kama huna uzoefu ni vyema ukaanza na wachache ili kupata uzoefu kusudi utakapoingia kamili kwenye hii nyanja utakuwa tayari umegain uzoefu,au kama sivyo ni muhimu ukapata mafunzo ili utakapofuga kuku wengi hutakumbana na vikwazo.Kifupi ukianza na kuku wengi inalipa zaidi na kiwango kinachopendekezwa cha kuanzia angalu kuku 500 kama wewe unahitaji.Na kama unataka zaidi ya hapo basi ufugaji huo uende kwa awamu(batch)

Kuhusu eneo kutokuwa na umeme.Sikiliza, katika ufugaji wa kuku,umeme si mahitaji ya msingi sana kwa kuku.Kuku hasa anapokuwa kifaranga anahitaji zaidi joto na mwanga hasa katika kipindi cha wiki tatu za mwanzo.Baada ya hapo vitu hivyo havihitajika tena.Kwa ajili ya joto na mwanga kwa sehemu ambayo hakuna umeme, kuna vyanzo vingine vinaweza kutumika,mfano kwa ajili ya kupata mwanga unaweza kutumia taa ya za chemli,na kwa kwa ajili ya kutoa joto,unaweza kutumia majiko ya kawaida ya mkaa.

Kuhusu gharama ya kujenga banda lenye uwezo wa kuchukua kuku 500,hapo itabidi uwaone watu wa uthamini wa majengo, mimi ninachoweza kukupa ni eneo la square mita ambalo kuu 500 wanahitaj.Kimsingi square mita moja huchukua kuku 6,kwa idada ya kuku 500 unaweza kupata eneo linalohitajika kwa kurejea post za nyuma,ila kama hutaelewa utaniuliza.

Kwa upande wa biashara ipi inalipa zaidi kati ya kuku wa mayai au nyama,kuku wote wanalipa.Kuku wa nyama wanawafaa zaidi wale wenye mitaji midogo na wanapenda kuongeza mitaji yao kwa harakaharaka.Wenye mitaji mikubwa ufugaji wa kuku wa mayai unawafaa zaidi.

Kuhusu availability yangu kusafiri mkoa wowote kwa ajili ya kutembelea kukagua miradi na kushauri nk,niko available kwa yeyote anayenihitaji.Ndiyo kazi yangu ninayaifanya siku zote kuwaanzishia watu miradi ya ufugaji ,kuwaongoza na kuwasimamia mpaka watakapoweza kusimama wenyewe.

Na mwisho umeongolea masoko,masoko yapo tena mengi,ingawa changamoto iliyopo kwa sasa ni kuwa bei ya mayai hairidhishi sana ukilinganisha na bei ya chakula,ingawa kwa bei iliyopo haileti hasara.Pia kuna kipindi baadhi ya mikoa soko la mayai huwa lina sumbua kidogo kwa kuwa soko la mayai huwa mara nyingi linakuwa kama la msimu hivi na huwa siachi kuwashauri kuwa kama ni mfugaji na unaifanya kama kazi,ni muhimu ukawa na chumba maalum ambacho unakuwa umekiwekea aircondition na kuseti nyuzi joto 13-20 kwa ajili ya kuhifadhi mayai kwa muda mrefu.

Nashukuru sana mkuu wangu mwenyezi mungu akubaliki na itabidi basi nikutafute na tuangalie namna ya kufanya maana ushauri wako umeelezea na umekuwa deep zaidi tunashukuru sana, naona kumb hata kama sehemu hamna umeme hii kazi ni possible basi ni sawa kaka.

Na mwenyewe huwa sio mkaaji sana wa sehemu moja kutokana na shughuli zangu sasa hapo haito kuwa problem kweli?

 

[Papizo]

Kwa wastani wa kama kuku 100 wa mayai, wanahitaji mabanda mangapi na makadirio ya gharama za ununuzi pamoja na ujenzi wa mabanda yaweza kuwa shilingi ngapi bwana mtaalamu?

Swali zuri sana nadhani nitapata na mimi majibu kutoka kwenye hili swali

 

[Aman Ng'oma]

CHANJO NA KINGA DHIDI YA MAGONJWA MBALIMBALI YA KUKU WA MAYAI,NYAMA(BROILERS) AU CHOTARA(CROSSED BREED)

​

UMRI ​ KATIKA​ SIKU/WIKI​	AINA ​ YA ​ UGONJWA​	CHANJO/KINGA ​	NJIA YA UTOAJI ​ WA​ DAWA​
Mara baada ya kutotolewa​	Marek's​	HVT​	SINDANO(Kiwandani)​
1​	Kuondoa uchovu​	Glucose​	Maji​
2-6​	Pullorum​	Trisulmycine,Trimazine 30%au Cotrim+Vitalyte,Amin'total au Broiler booster​	Maji​
7​	Mndondo​	Newcastle vaccine(Lasota)​	Maji​
14​	Gumboro​	Gumboro (Bursine vaccine-IBD)​	Maji​
16-20​	Coccidiosis​	Trisulmycine/Trimazine/Esb3 30%+Dawa yoyote ya Vitamin​	Maji​
21​	Mdondo​	Newcastle vaccine(Lasota)​	Maji​
23-27​	Kinga dhidi ya magonjwa mengi​	OTC 20%+Dawa ya vitamin yoyote​	Maji​
28​	Ndui​	Fowl pox vaccine​	Sindano kwy mabawa​
35-39​	Mafua​	Coridix,Tylosine75%+dawa yoyote ya vitamin	Maji​
56-60​	Kinga dhidi ya magonjwa mengi​	OTC 20%+Dawa yoyote ya vitamin​	Maji​
WIKI YA 12​	Taifodi(Fowl typhoid)​	Gentamyzine sulphate​	Sindano​
Wiki ya 13​	Minyoo​	Pipperazine cirtrate+Dawa yoyote ya vitamin​	Maji​
WIKI YA 15​	Ukataji midomo​	Dawa ya vitamin itumike baada ya zoezi​	Maji​
WIKI YA 16​	Kipindupimdu (fowl cholera)​	OTC 20% Injection​	Sindano​
WIKI YA 17​	Mafua (Infectious coryza)​	Tylosine Injection​	Sindano​
WIKI YA 18​	Taifodi(Fowl typoid)​	Gentamizine sulpate​	Sindano​

MUHIMU

· Dawa ya minyoo irudiwa kila baada ya miezi 3 toka ilipotolewa awamu ya kwanza .
· Dawa ya mdondo irudiwa kila baada ya miezi 3 toka ilipotolewa siku ya siku ya 21.

KIASI CHA CHAKULA ANACHOHITAJI KUKU KUANZIA WIKI YA 1 HADI
MWISHO WA UTAGAJI WIKI YA 80

AINA YA CHAKULA	CHICKS' STARTER	GROWERS' MASH	LAYERS'​ MASH​
UMRI/ WIKI	0-8	9-20	21-80​
CHAKULA/ KUKU	2kg	6kg	52kg
CHAKULA/ KUKU 500	1000kg	3000kg	52kg
MIFUKO@ 50Kg/KUKU 500	20	60	520

MUHIMU
· Kuanzia wiki ya 18-20, kuku wanapaswa kupewa chakula cha Growers kilichochanganywa na Layers.

 

[Papizo]

Pia unaweza jielimisha juu ya ufugaji wa mifugo mbalimbali ikiwemo ufugaji wa kuku kwa kusoma hapa
SEKTA YA MIFUGO TANZANIA

Website nimeipitia ina mambo mengi sana shukrani mkuu

 

[Aman Ng'oma]

View attachment 79440
Vifaranga wakila na kunywa kwa uchangamfu

 

[Aman Ng'oma]

Layers parentstock wakionekana katika hali ya uchangamfu na wenye afya njema.

 

[Aman Ng'oma]

Bradha kichwa mbovu, nitakutafuta kwani nina mpango kazi wangu wa kutaka kufuga kuku machotara, hawa wa kienyeji machotara kwa ajili ya mayai na nyama. Hasa nataka pia niwe natotoresha kwani nimeona vitotoresho (incubators) vizuri kwenye mtandao na havina gharama sana.

Ila la haraka ni hili naomba maelekezo ya namna ya kutengeneza chakula cha hao high breeds wa kienyeji mwenyewe nyumbani. Mengine tutatafutana as we go along humu JF - KISIMA CHA KUKOMBOANA.

Tuwasiliane tu nitakupatia.

 

[Aman Ng'oma]

Kwa wastani wa kama kuku 100 wa mayai, wanahitaji mabanda mangapi na makadirio ya gharama za ununuzi pamoja na ujenzi wa mabanda yaweza kuwa shilingi ngapi bwana mtaalamu?

Nitakujibu kukicha,kwa sasa muda umenibana kidogo mkuu.

 

[mafia boy]

okey thanx hope utaniibox,au utachukua yangu kwenye profil

 

[achengula]

Website nimeipitia ina mambo mengi sana shukrani mkuu

Karibu sana

 

[CHASHA FARMING]

View attachment 79445

Layers parentstock wakionekana katika hali ya uchangamfu
na wenye afya njema

Hawa ni wa Nchi gani mkuu? Mbona weusi kama wa Malawi vile

 

[Aman Ng'oma]

Kwa wastani wa kama kuku 100 wa mayai, wanahitaji mabanda mangapi na makadirio ya gharama za ununuzi pamoja na ujenzi wa mabanda yaweza kuwa shilingi ngapi bwana mtaalamu?

Kuku 100 wanahitaji chumba kimoja tu chenye ukubwa wa mita 6 kwa mita 3.

Siwezi kukupa gharama halisi ya ujenzi wa mabanda kwani gharama inatofautiana kati ya mahali na mahali.Nitakachofanya ni kukupa mahitaji ya ujenzi wa banda la kuku lenye vyumba 2 na stoo 1 kwa ajili ya kuhifadhia dawa,chakula na mayai, kila chumba kikiwa na uweza wa kubebe kuku 100.

MAHITAJI KWA UJENZI WA NYUMBA YA KUKU

1. Tofali za block 5000 au tofali ndogo za kawaida zilizochomwa 12000
2. Bati 68x2mita.
3. Kenchi 24x2"x3"x12"
4. Boriti kwa milango na madirisha 12x12"x1"x12'
5. Lati 12x25"
6. Vipande vya lati kwa kuwekea makasha ya kuku 8x12'
7. Futi 100 za waya kwa kugawa vyumba na kunga madirisha.
8. Mifuko20 ya saruji.
9. Kilo 5 za misumari ya bati na kilo 7 ya Misumari ya waida
10. Mchanga Lory 2
11. Dazan1 ya bawaba
12. Komeo 3 na kufuli moja.

Kwa kutumia data hizi mfugaji ana weza akajua gharama za ujenzi wa nyumba ya kuku.

 

[Aman Ng'oma]

Hawa ni wa Nchi gani mkuu? Mbona weusi kama wa Malawi vile

Mheshimiwa chasha,hawa ni kuku wazazi wa mayai walioingizwa nchini kutoka uholanzi.Si weusi wa kutoka Malawi.

 

[Sabayi]

Kuku 100 wanahitaji chumba kimoja tu chenye ukubwa wa mita 6 kwa mita 3.

Siwezi kukupa gharama halisi ya ujenzi wa mabanda kwani gharama inatofautiana kati ya mahali na mahali.Nitakachofanya ni kukupa mahitaji ya ujenzi wa banda la kuku lenye vyumba 2 na stoo 1 kwa ajili ya kuhifadhia dawa,chakula na mayai, kila chumba kikiwa na uweza wa kubebe kuku 100.

MAHITAJI KWA UJENZI WA NYUMBA YA KUKU

1. Tofali za block 5000 au tofali ndogo za kawaida zilizochomwa 12000
2. Bati 68x2mita.
3. Kenchi 24x2"x3"x12"
4. Boriti kwa milango na madirisha 12x12"x1"x12'
5. Lati 12x25"
6. Vipande vya lati kwa kuwekea makasha ya kuku 8x12'
7. Futi 100 za waya kwa kugawa vyumba na kunga madirisha.
8. Mifuko20 ya saruji.
9. Kilo 5 za misumari ya bati na kilo 7 ya Misumari ya waida
10. Mchanga Lory 2
11. Dazan1 ya bawaba
12. Komeo 3 na kufuli moja.

Kwa kutumia data hizi mfugaji ana weza akajua gharama za ujenzi wa nyumba ya kuku.

Mkuu kwa experience yangu tofali 5000 ni nyingi sana hiyo mbona ni ghorofa kabisa? nadhani tofali 1000 zinatosha kabisa kumbuka mabanda ya kuku huwa na madirisha makubwa sana na halina complications zozote

 

[Aman Ng'oma]

Mkuu kwa experience yangu tofali 5000 ni nyingi sana hiyo mbona ni ghorofa kabisa? nadhani tofali 1000 zinatosha kabisa kumbuka mabanda ya kuku huwa na madirisha makubwa sana na halina complications zozote

Hizi data nimezikopy kutoka kwenye kitabu kinachoitwa Ufugaji bora wa kuku Tanzania kilichochapwa na Peramiho printing press cha mtafiti mmoja anaitwa Joseph Goodwin.Hizi data kwa mujibu wa mwandishi ni kwa ajili ya maeneo ya baridi na hasa mkoa wa Iringa.Niliweka hizi data kusudi kuwapa mwanga wafugaji, but kwa hili la ujenzi wadau wenyewe wa mifugo mna ujuzi zaidi.

Mimi mara nyingi huwa napenda kutoa zile specification,yaani kuku wangapi na wanahitaji kiasi gani cha eneo la mita square,sifa za mabanda ya kuku na pia kutoa sketch za ramani ya mabanda ya kuku. Nitajitahidi nitake time kwenye kufanya evaluation ya gharama kwenye ujenzi wa mabanda.