Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Tapeli la Kijerumani latikisa Dar

Discussion in 'Habari na Hoja mchanganyiko' started by Chona, Sep 18, 2012.

  1. Chona

    Chona JF-Expert Member

    #1
    Sep 18, 2012
    Joined: Mar 8, 2010
    Messages: 454
    Likes Received: 3
    Trophy Points: 35
    [MTU mmoja raia wa Ujerumani, amewaliza Watanzania wengi baada ya kufanikiwa kuiba kwa njia za kitapeli mamilioni ya fedha.
    Raia huyo ambaye amekuwa akibadilisha majina, kwa zaidi ya miezi miwili sasa, amejichimbia katika hoteli kubwa za kitalii akijifanya kuwa wakala wa dawa za mifugo na wanyama kwa kushirikiana na watu wengine watatu raia wa Tanzania.
    Habari za kuaminika zilizothibitishwa na askari polisi jijini Dar es Salaam, zimesema mjerumani huyo anayekisiwa kuwa na umri kati ya miaka 65 na 70, amekuwa akitumia jina la kampuni moja kubwa ya dawa za mifugo (jina linahifadhiwa) ya hapa nchini kufanikiwa utapeli huo.
    Mmoja wa watu waliotapeliwa, Martin Peter, alisema wiki iliyopita, mjerumani huyo pamoja na Watanzania watatu, walifanikiwa kumtapeli jumla ya shs milioni 25, kwa ahadi ya kumpa zabuni ya kuuza dawa za mifugo katika mkoa wa Katavi.
    Akisimulia kwa undani alivyotapeliwa, Mariselina alisema: "Jumanne wiki iliyopita, nilipigiwa simu na mtu aliyejitambulisha kwa jina la Martin ambaye alisema tulisoma naye sekondari zaidi ya miaka 10 iliyopita.
    "Ingawa sauti sikuwa naikumbuka, lakini baada ya kujieleza, nilikumbuka kwamba ni kweli nilisoma na mvulana huyo na alikuwa rafiki yangu."
    Mariselina alisema kuwa ‘rafiki' yake huyo, alimwambia kuwa kwa sasa yuko mkoani Katavi katika shirika la hifadhi ya taifa, na kwamba alikuwa akihitaji amsaidie kupata dawa za wanyama kwa kuwa kulikuwa na mlipuko wa ugonjwa katika hifadhi hizo.
    "Aliniambia kuwa anahitaji nimsaidie kwenda katika kampuni ya (anaitaja) na kuonana na (anamtaja) ambaye anasema kuwa huwauzia dawa hizo kila wakati.
    "Alisema safari hii hataki kununua kwake, kwa vile amekuwa hampi cha juu (bakshishi), na kwa sasa ameona anitafute mimi ambaye niliwahi kumsaidia tukiwa shuleni ili nami nipate faida kidogo," alisema.
    Mariselina aliendelea kudai kuwa, Martin alimpa namba ya mtu huyo wa kampuni ya dawa, na kwamba akiisha inunua, aende hadi katika hoteli ya kitalii ya (anaitaja) ambako atamkuta mkuu wake wa kazi, ambaye ni raia wa ujerumani ambaye atanunua dawa hizo.
    Mama huyo amedai, awali aliingiwa na hofu, lakini akapata nguvu baada ya kupiga simu na mtu wa kampuni ya dawa aliyekubali kumuuzia dawa.
    "Martin pia alinipa namba za huyo mzungu na kuniambia nijifanye ninazo dawa zakuwauzia na nilipopiga kweli alinipokea na kuniambia niende hotelini.
    "Kule walinihoji kwa ukali kama kweli nitawaletea dawa halisi, huku akidai kuwa anaogopa sifa mbaya za utapeli kutoka kwa Watanzania," alisema na kuongeza;
    "Yule mzungu alionekana mwenye fedha nyingi, kwani nilikuta ‘briefcase' ndogo ikiwa imejaa dola, na akanitaka nipige picha yangu, na kisha nimletee kwanza sampuli mbili za dawa zenyewe"
    Anasema hata baada ya kukamilisha, aliwasiliana na yule mtu wa kampuni ya dawa ambaye alimwambia kuwa hawezi kumuuzia dawa kidogo, badala yake kama anataka anunue nusu ya mzigo uliotakiwa ambao ni shs milioni 40.
    Mwanamke huyo anasema, wakati akisita, alipigiwa simu na mjerumani huyo, na kumwambia kuwa aachane na sampuli na kama hana uwezo wa kuleta mzigo wote, ajitahidi kuletea nusu kwani ulikuwa unatakiwa haraka siku hiyo hiyo.
    " Martin naye alinihimiza kama kweli bosi wake yule mzungu kaniambia nimpelekee, basi nifanye hivyo haraka na kwamba tutagawana faida nusu kwa nusu.
    "Anilinipa hadi namba ya akaunti ya benki, ili nikiishalipwa, nimwekea fedha zake," alisema.
    Hata hivyo, Mariselina anasema, walikubaliana na mtu wa kampuni ya dawa kukutana Mlimani City akiwa na fedha na wakakamilisha ununuzi huo.
    "Kwanza nilipoona dawa hizo, nilimpigia Martin na kumsomea maandishi yake na namna zilivyofungwa na akakubali kuwa ndizo zenyewe, hivyo nifanye haraka kununua na kuzipeleka kwa mzungu kabla ya saa tisa alasiri.
    "Ajabu, nilipofika katika hoteli ile na kupiga namba ya mzungu kumtaarifu kuwa nimefika, simu ilikuwa imezimwa. Nikampigia Martin, nae yake ilikuwa kimya, na hata nilipopiga kwa yule mtu wa kampuni ya dawa, nayo ilikuwa imezimwa," anasema.
    Mariselina anasema, alijaribu kuuliza wafanyakazi wa hoteli ile, ambao walishindwa kutambua kuwepo kwa mgeni mjerumani mahali hapo.
    Mwanamke huyo anasema hisia za kuibiwa ziliingia akilini, na kulazimika kukimbilia polisi.
    "Jambo la kushangaza, nilipowaambia pale Central, askari waliyekuwapo walicheka na kuniambia, mama umeibiwa ndio mchezo wa huyo mzungu na kwamba ameshawaibia watu wengi kwa mtindo huo."
    Kamanda wa Polisi Kanda Maalum ya Dar es Salaam, Suleiman Kova hakuweza kupatikana baada ya simu yake kuita muda mwingi bila kupokelewa.
    Hata hivyo, ofisa mmoja wa polisi aliyezungumza kwa sharti la kutotajwa jina, alisema mjerumani huyo anasakwa kwa matukio hayo, akishirikiana na Watanzania wengine watatu.
    "Amewaliza wengi. Anawatumia watu watatu ambao karibuni tutawatia mikononi," alisema.
    Wengine watumia SMS
    Katika hatua isiyoeleweka, watu wasiojulikana wamekuwa wakiwatumia watu mbalimbali jijini Dar es Salaam, jumbe zenye kuwataka kuwasiliana nao kwa madai ya kufanya biashara nao.
    Watu hao ambao wanadai kuwa na makazi maeneo ya Sinza, lakini bila kuonesha wanamiliki kampuni gani mara kadhaa wameingilia namba za watu na kuwaomba kuwasiliana nao na kufika katika eneo hilo ili kufanya biashara ambazo hazitajwi.
    Moja ya jumbe zinazotumwa kwa watu zinasema kupitia namba 0653634042 na 0767945946 ; ‘ Habari, …(wanataja jina lako) kampuni yetu imepata namba yako kuwa unaweza kufanya kazi nasi kwa muda wako wa ziada. Kwa maelezo zaidi, wasiliana kwa namba 0653634042 au 0716334595.

    Hata hivyo, mmoja wa watu waliowahi kutumiwa ujumbe huo, Violeth Bago wiki iliyopita akiandamana na watu wengine wawili, kweli alikoelekezwa, lakini katika namna ya kushangaza, watu hao walidai kuwa amechelewa kufika, hivyo afike tena kesho yake saa 5 asubuhi kwa majadiliano.

    Hata hivyo, watu hao hawasemi ni kampuni gani na inahusiana na biashara gani, hali inayotia mashaka ya uhalali wao]
    Source Tanzania Daima 18/09/2012

    Mytake
    Hii issue ilishazungumziwa sana humu jamvini. Ila kwa kuwasidia polisi na wengine, namba hii hutumiwa pia na hao wahuni wanaotaka mtu awasaidie kununua hizo dawa 0654194016 kumbe wanataka kukutapeli.


    Waliwahi kunipigia nilipowabana kwa maswali hasa yule aliyejifanya ananifahamu akanipa boss wake ili niongee naye naye nikambana kisha nikawapa live kuwa ni wezi. Wakaniambia hata KOVA amewashindwa. Sijui kama kuna ukweli wowote na kama hadi sasa hawajakamatwa na Polisi wanataarifa kunaweza kuwa na ukweli katika hilo. Kwa vile nilikuwa na safari kesho yake nikaamua kuachana nao.

    Hizo namba (Highlighted by red colour) zingine nadhani ni za wale wanaouza products za Alovera, GNLD and the like. Nao kwasababu ya kutokuwa smart wanalazimika kuwasumbua watu kwa maelezo yao kama yalivyoelezwa hapo juu. Nadhani wangekuwa kweli wanapata hela hakukuwa na sababu ya wao kuandika message bali wangekuwa wanapiga simu direct. ETI WANAKWAMBIA UKITAKA MAELEZO ZAIDI UWAPIGIE, sijui kwanini watu hawagundui kuwa kwamaelezo hayo hakuna cha kuongeza kipato maana hata wao hawajafanikiwa kuongeza kipato.
     
  2. t

    tizo1 JF-Expert Member

    #2
    Sep 18, 2012
    Joined: Mar 9, 2011
    Messages: 828
    Likes Received: 17
    Trophy Points: 35
    Hatari mimi pia jana nimetumiwa meseji na matapeli.namba yao inaanza na +3........
     
  3. Mlachake

    Mlachake JF-Expert Member

    #3
    Sep 18, 2012
    Joined: Oct 13, 2009
    Messages: 2,586
    Likes Received: 161
    Trophy Points: 160
    Lack of information. Hii kitu si hata kina Gerald hando waliigiza kwenye kipindi chao cha PB?
     
  4. Gama

    Gama JF-Expert Member

    #4
    Sep 19, 2012
    Joined: Jan 9, 2010
    Messages: 6,909
    Likes Received: 270
    Trophy Points: 180
    hata habari za Damorin" ya kuhifadhia nafaka gharani zimo humu janvini kitambo
     
  5. King'asti

    King'asti JF-Expert Member

    #5
    Sep 19, 2012
    Joined: Nov 26, 2009
    Messages: 27,047
    Likes Received: 1,245
    Trophy Points: 280
    Stori ya kigoma wfp imehamia katavi eh.
    waswahili kwa kupenda kupendelewa na shortcut, lazma tulizwe vya kutosha. Tender ya tshs 80M, unataka uipewe kimagumashi bila tendering process. Tena kwenye chumba cha hotel. Wadada wenye tamaa za biashara mtembee na condom, manake biashara za hotelini si kuna kubakwa hapo? Kha!
     
  6. mshana jr

    mshana jr JF-Expert Member

    #6
    Sep 19, 2012
    Joined: Aug 19, 2012
    Messages: 55,165
    Likes Received: 35,068
    Trophy Points: 280
    mimi pia nilishakutana nao wakanistukia kuwa nimewajua wakapotozea na juzi pia nikapigiwa kwa no inayoanzia na +3 wakapotezea baada ya kuwahoji
     
  7. mshana jr

    mshana jr JF-Expert Member

    #7
    Sep 19, 2012
    Joined: Aug 19, 2012
    Messages: 55,165
    Likes Received: 35,068
    Trophy Points: 280
    number ya hao matapeli hii hapa +37390016326
     
  8. Emanuel Makofia

    Emanuel Makofia JF-Expert Member

    #8
    Sep 19, 2012
    Joined: Jan 5, 2010
    Messages: 3,817
    Likes Received: 2
    Trophy Points: 135
    habari long time sana!:A S 465:
     
Loading...