NANI ATANGULIE
Kifo hakina chaguo, chabeba kimtakae
Wawili wapendanao, mke mume kichukue
Na hata kwa mkupuo, bora kifo kiamue
Ni nani atangulie, kati ya mke na mume?
Mke ndiyo kimbilio, watoto awapikie
Baba naye tegemeo, riziki awachumie
Mmoja akifa leo, watamani wazimie
Ni nani atangulie, kati ya mke na mume?
Kwa mke na mume nao, mapenzi nisikwambie
Hahitaji kati yao, mwenzie amkimbie
Waishi maisha yao, kwa pamoja wajifie
Ni nani atangulie, kati ya mke na mume?
Na hata wazazi nao, hawataki wasikie
Kije wasibu kilio, na wana wawalilie
Nawaza kila uchao, jibu unisaidie
Ni nani atangulie, kati ya mke na mume?
Ukweli jama sinao, na mimi mke ninae
Sasa nawaza mwenzio, na wewe uniwazue
Hili jambo ni tishio, hakuna alipendae
Ni nani atangulie, kati ya mke na mume?
Msimbe au mkeo, ni nani atangulie
YOB na mama yao, yupi nyuma abakie
Mlojo na mpenzio, kimya usijikalie
Ni nani atangulie, kati ya mke na mume?
Hapa naweka uzio, kadi tama niishie
Uliza na jiranio, majibu unitumie
Nipate wako upeo, roho yangu itulie
Ni nani atangulie, kati ya mke na mume?
Mwinyikombo Ally Mwinyikombo
Dar es Salama
0717423723
0767175191
Kifo hakina chaguo, chabeba kimtakae
Wawili wapendanao, mke mume kichukue
Na hata kwa mkupuo, bora kifo kiamue
Ni nani atangulie, kati ya mke na mume?
Mke ndiyo kimbilio, watoto awapikie
Baba naye tegemeo, riziki awachumie
Mmoja akifa leo, watamani wazimie
Ni nani atangulie, kati ya mke na mume?
Kwa mke na mume nao, mapenzi nisikwambie
Hahitaji kati yao, mwenzie amkimbie
Waishi maisha yao, kwa pamoja wajifie
Ni nani atangulie, kati ya mke na mume?
Na hata wazazi nao, hawataki wasikie
Kije wasibu kilio, na wana wawalilie
Nawaza kila uchao, jibu unisaidie
Ni nani atangulie, kati ya mke na mume?
Ukweli jama sinao, na mimi mke ninae
Sasa nawaza mwenzio, na wewe uniwazue
Hili jambo ni tishio, hakuna alipendae
Ni nani atangulie, kati ya mke na mume?
Msimbe au mkeo, ni nani atangulie
YOB na mama yao, yupi nyuma abakie
Mlojo na mpenzio, kimya usijikalie
Ni nani atangulie, kati ya mke na mume?
Hapa naweka uzio, kadi tama niishie
Uliza na jiranio, majibu unitumie
Nipate wako upeo, roho yangu itulie
Ni nani atangulie, kati ya mke na mume?
Mwinyikombo Ally Mwinyikombo
Dar es Salama
0717423723
0767175191